فى منزل فى إحدى احياء القاهرة
منزل سالم عبدالمجيد
٠٠٠٠٠٠٠٠
الأم ليلى ٠٠٠ صباح الخير يلا الكل يصحى
الاب سالم ٠٠٠صباح الخير يا ليلى اية لسه الولاد نايمين
احمد٠٠٠ صباح الخير
ليلى٠٠٠ لسه أروى و حسام نايمين
احمد٠٠٠ اه لسه ياماما
ليلى ٠٠٠ لازم كل يوم يوجعوا قلبى لحد لما يصحوا من النوم
صحيت أروى بعد ما قام احمد بالزعيق بجوار أذنيها
١
أروى ٠٠٠ (بصوت نعسان) فى ايه هو.. حد يصحى حد كده
أحمد٠٠٠ هو انتى ينفع معاكى غير كدا
أروى ٠٠٠ طيب انا عندى محاضره الساعة ١٢ اصحى من الساعة ٨ الصبح ليه فهمونى.
هنا جاء صوت حسام من خلفهم
حسام٠٠٠ تساعدى ماما على الأقل
أحمد٠٠٠ صباح الخير يا استاذ ممكن اعرف اتأخرت ليه امبارح بره
حسام٠ كان عندى جرد فى الصيدلية إللى بشتغل فيها
ليلى ٠٠٠ ممكن تفطروا و تبطلوا كلام
سالم٠٠٠ طيب انا رايح الشغل عايزه حاجه
ليلى ٠٠٠ لا سلامتك
احمد٠٠٠ وانا كمان خدنى معاك يا بابا عندى جلسه فى المحكمة بدرى
( بعد انتهاء من الافطار )
رن جرس الباب
أروى٠٠٠ مين ..
بعد ما فتحت أروى الباب
أروى ٠٠ ضيف ضؤاتفضل يا عم جرجس
عم جرجس٠٠٠ شكرآ يابنتى وصل الكهربا اهو
أروى٠٠٠ و بكام الشهر ده
عم جرجس٠٠٠ ٤٠٠ جنيه
أروى٠٠٠ ماما عم جرجس جاب وصل الكهربا
ليلى٠٠٠ اتفضل اشرب الشاى
عم جرجس ٠٠٠ تسلمى اتفضلى الوصل
ليلى ٠٠٠ معلش يا جرجس سالم فى الشغل .. و النهارده القبض ان شاء الله اول ما سالم يجى هسيبلك ٦٠٠ جنيه مع ام مينا
عم جرجس٠٠٠ مافيش مشكله سلامه عليكم
٠٠٠٠٠٠٠٠٠
حسام٠٠٠ خدى يا ماما ٦٠٠ جنيه ادفعى وصل الكهربا
ليلى٠٠٠ خلى فلوسك فى جيبك ابوك هيقبض النهاردة
حسام٠٠٠ طيب فيها ايه ياماما
ليلى٠٠٠ كفايه عليك مصاريف الكليه ..يلا
انا رايح اعمل شاى هنشربوا طبعا
أروى٠٠٠ (بخبث)شوفت و نبى هى دى الأم...
و ده بردو بيكون الاخ ايدك بقا على ٢٠٠ جنيه لأختك حبيتك
حسام٠٠٠ انتى ايه ما بتشبعيش اكلها ولع من الكل فى البيت بتاخدى فلوس منى من أحمد من بابا بتعملى بفلوس دى كلها ايه
أروى٠٠٠ انجز هاتجيب ٢٠٠ جنيه ولا لاء
حسام٠٠٠ فى ايه هو انتى ماسكه عليا لسه
أروى ٠٠٠ يووو بقى هتفضل تتكلم كتير وفى الاخر بردوا هاخد ٢٠٠ ج
حسام ٠٠ اتفضلى انا عارف مش هخلص منك
يلا سلام انا رايح الجامعة
أروى٠٠٠ سلام يا أخويا
غادر حسام
أروى٠٠٠ ماما تليفونك بيرن
ليلى٠٠٠ شوفى مين
أروى٠٠٠ ده بابا
ليلى٠٠٠ هاتى التليفون
٠٠٠٠٠
ليلى٠٠٠ الو
سالم٠٠٠ ايوة يا ليلى انا نسيت المحفظة وفيها البطاقه عندك على التسريحه تشوفيها كدا
ليلى٠٠٠ استنا أشوفها ..... ايوه موجوده على التسريحه ...آمال هتقبض ازاى من غير البطاقه
سالم٠٠٠ خلاص خلى القبض بكره
ليلى٠٠٠ لا مش هينفع جرجس جاب وصل الكهربا و عايز ٦٠٠ جنيه و النهارده كمان ميعاد دفع قسط التليفون بتاع أروى
سالم٠٠٠ طيب هعمل ايه .. ابعتى المحفظة مع حد من الولاد
ليلى٠٠٠ مافيش غير أروى هى إللى هنا
سالم٠٠٠ يعنى أروى هتعرف تيجى ليا الشغل
ليلى٠٠٠ مش عارفه اسألها .... أروى أروى
أروى ٠٠٠نعم ياماما
ليلى ٠٠٠٠ تعرف تروحى الشغل لأبوكى
أروى٠٠٠ عادى اعرف هو انا صغيره
ليلى٠٠٠ خلاص يا سالم هبعتلك المحفظة
مع أروى
سالم٠٠٠ طيب سلام
٠٠٠٠٠٠٠٠٠٠٠٠٠
بعد انتهاء المكالمة قالت ليلى هى تعطى أروى المحفظة
أنت تقرأ
الزوجة العذراء ..( الكاتبة أروى عادل)
Fiction généraleبدأت القصه عندما وقع نظر خالد صاحب الشركه ذات ٤٦ عام على بنت أحد العاملين بالشركه أروى ذات ١٩ عام قرر الزواج منها رغم عنها مما قلب حياتها رأس على عقب # تتوالا الأحداث * ظهور عمر الحبيب * غيره قاتله. * تهديدات الزوج *هروب من جبروت وقهر الزو...
