لهب البارود

مشهد

_________  لهب البارود ________

شخصاً نار موقدة من كظمه أطفأها,ومن أطلقه كان أول محترق بها .
يثير كوامن الحقد .
,فأوله جنون, وآخره ندم,
أقدر الناس على الصواب من لم يغضب .
أعدوا له ما تجاهدونه به من الكظم و الحلم.
أفضل من كظم غيظه  

         

.ادحج عيونه ذبلانه انطقت كلمه بتردد خوفناً من عصبيته بس انا احبك ،

نظر اليه بنظره ماگدرت افهمها ابتسم ابتسامه جانبيه ضهرت تجاعيد على جبينه هل ابتسامه تحولت العصبية فجأه قبض ايده بقوه برزت شرايين ايده وصوت اعضامه تطگطگ تدل على قوة قبضته اردف بكلمات مثل النار ، حبچ تعبني اخذ حيل من حيلي السويتي مايشفع لج

نزلت دمعه تلالي بعيني من كلامه ليش حبك تحول الكرهه ،؟

أنتِ ماخليتي حب لج تدرين انا شسويت وشقدمة لج رحت وراج الاخر الدنيا الاجلج اضحي بروحي خليتني بسجن رحمتج وعذاب حبچ چنت اهد وافزع  وطگ كل واحد يتدنه لج وانا ماعندي ضهر يسندني بس الاجلج افزع روحي خلي روحي ترتاح بدونج

بدت تتعالئ شهگاتي وتجرف عيوني وانا اعرف نفسي سبب أذيته وخسرته مسكة طرف ثوبي عصرته حيل انطقت وصوتي يرجف وغصه بكلماتي الصار مو بيدي ولا بيدك همه مارادوا حبنه،
نهض من مچانه گال كافي تخلين اعذار الغلطج جاي اكرهج اكثر  انا طالع ماريد ادخلين غرفتي بعد،

هوَ راح بس اخذ روحي كعدت على الارض صارت شهگاتي مسموعه بسسس مو انا العفتك صدگني مو انا  مو انا

•
‏أحببتكِ بتناقضاتكِ في جميع أحوالكِ

نبرة صوتكِ الحاد لحظة غضبكِ

عندما تتلخبط لديكِ الأفكار

وتتحدثين بأشياء غير مفهومة

لحظة صمتِنا الممتد

وتنهيدتي الطويلة الشاهِقة

وتضارب المشاعر لديكِ في آخر فتره

.

.

هناك شخص كالهاب النار مثل الرصاصة قاتله وحيانأ تصيب بجروح عميقه هو البارود .

المشهد ( 1 ) يحتوي على عددة مشاهد

في احد مراكز الشرطه.....

كاعد على كرسي المكتب مرجع ضهره للخلف بكل اريحيه بأيده سلاح بالون الأسود القاتم وبأيده الثانيه قطعه قماش