#انقذتُها_ولكن_احببتُها
اسر..:الله يسلمك
ليلي..:دي هند بقا
اسر حط ايده ع كتف هند...: دي ليلي اللي هتفضل معاكي هنا
هند سلمت ع ليلي وراحت قعدت هي واسر ف الصالون
ليلي..: تشربوا اي
اسر..: عصير مانجا
ليلي راحت ع المطبخ
هند كانت سرحانه اسر بصلها بحب
اسر مسك ايدها..: مالك ي عمري
هند..: مش عارفه قلبي مش مطمن من اللي جاي
اسر..: اطمني يروحي انا جمبك مفيش حاجه هتحصل
هند هزت راسه بهدواء وليلي جابت العصير
اسر..: عايزك تخلي بالك من هند كويس
ليلي..: ف عنيا ي اسر بيه
ليلي رجعت المطبخ
اسر..: قوليلي بقا حبه فرحنا يكون امتا بعد اسبوع ولا اتنين
هند بضحك..: اسر انت بتهزر
اسر..: لا طبعاً
هند..: خلينا نأجل الجواز شويه لحد م كل حاجه تبقا كويسه
اسر..: بس
هند..: عشان خاطري
اسر..: حاضر ي وعد اللي انتي عايزه انا هقوم امشي عشان عندنا شغل كتير ف الشركه بكره هعدي عليكي
هند..: مفيش داعي انا هاخد تاكس
اسر..: حبيبتي متنسيش انك خطبتي
هند بابتسامة..: حاضر ي عيوني
اسر بصلها بحب وقام وهند راحت توصله لحد الباب اسر بسها من جبهتها
اسر..: بحبك
هند..: ونا كمان بحبك كلمني لما توصل حاضر
اسر نزل وركب عربيته واتجه للقصر وهند راحت المطبخ كانت ليلي قاعده
هند..: احم احم
ليلي قامت..: اتفضلي ي هانم
هند..: هانم اي متقوليش كدا تاني انا هند وبس
ليلي..: حاضر
هند..: وتعتبري نفسك من البيت دا ونا كمان هسعدك ف كل حاجه هتعمليها ومفيش فرق بنا
ليلي..: بس اسر بيه مش هيزعل
هند..: لا طبعاً اسر لو شافني مبسوطه مش هيزعل
ليلي..: ماشي ي حبيبتي
هند..: ماشي ي لوله
ليلي..: عايزه حاجه اعملهالك
هند..: لا يروحي انا هدخل انام عشان عندي شغل بكرا
ليلي..: تصبحي ع خير ي حبيبتي
هند دخلت اخدت شاور ولبست منامه شتويه وفضلت مستنيه اسر يكلمها
عند اسر وصل القصر واخد شاور ولبس بنطلون ابيض وتيشرت كحلي واتصل ب هند
اسر..: الوو
هند..: دا كله تاخير خوفتني عليك
اسر..: معلش يروحي انا كويس متخفيش
هند..: ماشي ي حبيبي روح نام بقا عشان الشغل بكرا
اسر..: حاضر تصبحي على خير ي حبيبتي
هند قفلت معاسر ونامت بتعب واسر هو كمان نام وانتهت اليله
ف صباح يوم جديد الساعه 8 اسر قام وبص ع الدبله وابتسم وقام ياخد شاور ولبس بدله بلون البني وقميص اسود ونزل
الخادم..: صباح الخير ي فندم احضر لحضرتك الفطار
اسر..: لا انا همشي
اسر ركب عربيته واتجه ل بيت هند
عند هند قامت من النوم وافتكرت اسر وبصت ع الدبله بحب وقامت اخدت شاور ولبست دراس دهبي وحجاب ابيض وحطت ميك اب خفيف وطلعت كانت ليلي بتحط الفطار ع السفرة
ليلي بابتسامة..: صباح الخير ي وش الخير
هند..: صباح النور ي لوله
ليلي..: يلا عشان تفطري
هند..: تيجي نستنا اسر
ليلي..: براحتك اللي انتي عايزاه
جرس الباب رن وليلي فتحت الباب واسر دخل
ليلي..: صباح الخير هند مستنياك ع الفطار
اسر راح عند هند وبسها من جبهتها..: صباح الخير يروحي
هند..: صباح الخير ي حبيبي
ليلي..: انا ف المطبخ لو احتاجتوا حاجه نادوا عليا
هند..: رايحه فين انتي هتفطري معانا
ليلي..*بس
هند شدتها من ايدها وقعدتها ع الكرسي..! مفيش بس انتي نسيتي انا قولتلك اي امبارح
اسر..: خلاص بقا افطري معانا انا عارف عناديه
اسر قعد وهند كمان قعدت وبداو فطار وبعد شويه خلصوا واتجهوا ل الشركه وبعد شويه وصلوا هند كانت مكسوفه تنزل اسر فتحلها باب العربيه ومسك ايدها ودخل الشركه وسط همس المواظفين
اسر بصوت عالي.: عشان محدش يتكلم كتير وتفضلوا تسالوا نفسكم هو ف اي. انا خطبت هند وهنتجواز قريب
الكل بارك لهم واسر وهند دخلوا مكتب اسر
اسر..: مالك
هند..؟ مفيش حاجه يروحي انا هروح اشوف شغلي
اسر...: ماشي يقلبي
هند كانت لسه هتمشي بس اسر شدها وحضنها
هند بكسوف..: اسر
اسر..: عيونه حضنك وحشني بس.
هند طلعت من حضنه.: حد يشوفنا
اسر..: اللي يشوف يشوف انتي هتبقي مراتي قريب
هند.: انا همشي بقا
هند ماشت وراحت مكتبها وبدات شغل واسر هو كمان كان بيحاول ميفكرش ف هند وبداء شغل
عند سوزان وزكريا
زكريا..: الزفت خطب
سوزان..: مين دي
زكريا.: البنت اللي كانت معاه ف شرم
سوزان..: احنا لازم نعمل حاجه
زكريا..: مش عارف
سوزان..: البنت دي لازم تموت
زكريا ابتسم بشر
عند اسر كريم دخل المكتب بسرعه.
اسر..: ف اي ي زفت انت حد يدخل كدا
كريم..: اللي سمعته دا بجد
اسر..: ايوه بجد
كريم قعد..: احكيلي
اسر..*قوم يالا من هنا
كريم..: مش هقوم غير لما تحكيلي
اسر حكاله كل حاجه واختم الكلام بإبتسامة
كريم..: دا بجد
اسر..: هو اي
كريم.: انت ابتسمت
اسر..: اطلع برا يالا
كريم..: ماشي ي عم
كريم طلع واسر رجع ل شغله
عند سوزان كانت قعده ف الاوضه لواحدها وبدات تفتكر الماضي
سوزان..: يعني خلاص مفيش امل
محمود.: اعمل ايه اكتر من كدا دكترات العالم كله قالوا مش هينفع تخلفي
((محمود ابو اسر كان شراني جدا عكس اللي بيبان ل النااس
+))
ف الوقت دا دخلت خادمه كانت جميله جدا اسمها امل)))
امل..: القهوه ي ست هانم
سوزان..: حطيها هنا وروحي شوفي شغلك
امل..: حاضر ي ست هانم
محمود كان بيبص عليها بأعجاب.: مين دي
سوزان.: خدامه جديده من الصعيد
محمود..: دي حلوه اوي
سوزان..: انت بتقول ايه
محمود..: لا مفيش انا هروح الشركه
محمود قام وراح الشركه وسوزان بدات تشرب القهوه
بااااااااااااااك
زكريا دخل عندها..: هو مش انتي قولتي هتنامي
سوزان..: هنام اهو
زكريا خرج وقفل الباب وسوزان نامت
عند هند كريم خبط ودخل
كريم..: حمدالله على السلامه
هند..: الله يسلمك
كريم..: الف مبروك ع الخطوبه كدا تيجي ومتساليش عليا
هند..: سالت وقالوا انك لسه موصلتش
كريم..: ماشي ي اختي هي يارا لسه مجاتش
هند..: مش عارفه
كريم.: انا عايز اقولك حاجه
هند.: اي هي
كريم. بتوتر..: انا بحب يارا
هند بابتسامة..: هي عارفه
كريم..: لا اومال انا جيلك ليه
هند.: حاضر هقولها
كريم.: لا انا اللي عايز اقولها بس مش عارف ازاي
هند.: سابني افكرلك ف طريقه
كريم..: اشطا هسيبك تكملي شغلك
كريم طلع من عند هند
هند اخدت ملفات وطلعت واتجهت ل مكتب اسر
المواظف1..: شكلها بس عجبته شويه وهيزهق منها هما الاغنياء كدا
الموظف2..: دول كانوا قعدين مع بعض ف شرم الله واعلم اي اللي حصل
هند سمعت الكلام واضيقت منه واتجهت ل مكتب اسر
#انقذتُها_ولكن_احببتُها
بقلم: إسراء علي
أنت تقرأ
انقذتُها ولكن احببتُها
Acakصدفه تأسر اعينهم... اسرار مخباه ستكشف... سيكملوا طريقهم رغم كل الأزمات التي تحدث لهم... عشقهم يعطي لـ قلوبهم القوه..... الكاتبه.! إسراء علي
