فنجان قهوة

البارت الثاني

تـاكد ان من يحـمل قلبـاً طيبـاً يحمـل حظاً سيئـاً🖤. 𝒊 𝒘𝒊𝒍𝒍 𝒔𝒖𝒑𝒑𝒐𝒓𝒕 𝒎𝒚𝒔𝒆𝒍𝒇 𝒂𝒏𝒅 𝒔𝒑𝒆𝒏𝒅 𝒂𝒔 𝒊 𝒂𝒎..

الكاتبه مرام الهاشمي
•••••••••••••••••••••••••••••••••••••

في بابل

كاعد وصافن علا السكف وأفكر شلون راح ارجع واني جنت واعدها سنة وصارت 5 سنين  هسة صار عمرها 17
عفتها بعمر ال 13   متخوف من اللقاء  وادري علاقتنا مراح ترجع مثل قبل  هسة كبرت ونضجت  وهسة اكيد تعتبرني غريب  مراح نرجع مثل قبل ونفس البرأئه اني من يمي تغيرت كلش وصرت غريب عجيب    أندك باب غرفتي

_تفضل
_كوم يلا شوكت تبدل شوي ويجي ابوي ونطلع
_هسة ابدل شبيج مستعجلة
_غير راح اشوف بنات عمي احمد وفرحانة  ونت شبيك ضايج
_مابية شي
_متريد تروح لو شنو
_منو كال ماريد اروح شبيج بابا تلغين بالعة مسجل من الصبح طلعي بره خليني اروح اسبح
_اهووووو يامن  شبيك وياي شحجيت وياك اني عابتلك
_امشي ولي ولي
_اوييي عيني رايحة

طلعت واني رحت اسبح  لأن صدك ماضل وقت  وابوي هسة يجي يخبصنة     خلصت سبح وطلعت انشف شعري  شفت أثاب أو سامي  كاعدين  ومنتضريني

يامن :خير شتردون

أثاب : اجينة نشوفك أبوي حيل عصبي يكول تأخرتو ويريد يضربك لأن امي كلتلة هوة الي أخرنه

سامي:اي قابل جذبت  عبالك زعطوط كلشوي  واحد جأي يكلة بدل وكمل

يامن : سامي ولي من وجهي  أنت    أثاب هسة راح انزل خلصت

أثاب بأبتسامة :تدلل ياخوي يلا حتى تشوف الحب

يامن :ياحب ولك شبيك انته

أثاب بأستعجال  :اشاقه اشاقه يلا ابوي خبصنة راح يشوي علا اذنك بصل

سامي :ديلا عاد عروس

يامن ببرود :بكيفي شوكت ماانزل ويلا اطلع بره

سأمي بغضب: اشو متحترم العار اني اخوك الجبير

يامن :تريد أجرك بزيج لو تولي من يمي 

سامي خزرة وطلع

نزلت وستقبلتني رحيق تهلهل  _ الخايس  صارلك ساعه فوك شتسوي  خليت ابوك يعصب  علينة

يامن بعدم لامبالاه : وهسه شصار يعني نكلبت الدنية

جيلان :يمه شبيج علا الولد ترئ ماتأخرنه بس ربع ساعه اعصابج شوي

رحيق :انتي انجبي لا اجي اكفخج علا عينج

جيلان :سكتت سكتت بس ترزلون بيه

سلمان :يلا امشو ونت تعال  ليش تأخرت

يامن اجه بأبتسامه : يابه ولله خذتني نومة اسأل جيلان