فنجان قهوة

البارت الأول

طبعا لازم اعرف عن نفسي اول شي  أسمي مرام الهاشمي  وهاي أول كتاباتي   اريد تغلسون على الأخطاء الإملائية   وركزو بطريقة السرد   وأريد تحفيز فهمتن

••••••••••••••••••••••••
:گُمت أتخَيلك ترجَع وأحاچيك
وأسولِفلك الصاير مِن عِفتني
عَلى يا هيّا اعِذرَك ؟ صارَن هواي
بَس حچاية أكلك " ضَيعتني " .

•••••••••••••••••••

بغداد  سااعة 7:30 

رميم:يلاااا كومن يا مسعدات 
شمس:وين نكوم  ب7:30 جايتني شعندي ترديني أحلب الهوايش لو شنو فلمج
رميم :كومي غسق ولله راح يجون خطار أمي كالت كعديهن 
غسق :حبي اليوم خميس وماعدنة دوامات ومااكدر اكوم من الفراش بردانة
رميم قدمت شفتي واردفت:شكد حقيرات جنت فرحانة وخربتن فرحتي
شمس كامت من فراشها وضيقت عينها :تعالي تعالي صدك شعندج متحمسة هلكد وخطار وخطار  منو هل خطار
غسق كعدت منتضره جواب
رميم:راح يجون بيت عمو سلمان كلهم
غسق بخبث:ايي ومنو راح يجي من الولد
رميم ببراءه :يامن
شمس ضربتها علا راسها:ترا كبرتو بعد لاعبالج مثل قبل اصدقاء وتروحين تركضين تحضنية ومندري ايش
رميم :ليش هوه أبن عمي وصديقي من الطفوله ميأثر
غسق : ياغبيه الولد كبر صار عمره 20
رميم وعلامات الحزن أنرسمت علا  وجهها:يعني متخلوني اشوفة
شمس :ماكلنالج لاتشوفي سلمي وكعدي وسولفي بس سوالف الخبال كبرتي عليهن وعيب  ترحين تحضني صار عمرج 17 
رميم :يلا ماشي اني راح اروح اكمل شغلي واسوي معجنات والباقي عليجن
غسق :ميخالف روحي جايين وراج 

رميم طلعت من الغرفة واني ضايجه بسبب خواتي  جنت كلش فرحانه لأن راح يجي يامن وارجع اشوفة  قبل 5  سنوات

يامن :رميم كوومي خلينه نروح نشتري

رميم :ماعندي فلوس

يامن :ولج كومي اني عندي هم نجي بسرعة

رميم بابتسامة :يلا امشي

يامن :اكلج شي بس لاتضوجين

رميم :يامن سوالفك كلها تضوج سولف سولف

يامن بحزن :انجبي اني سوالفي متضوج  بس احنه راح ننتقل  لغير محافضه

رميم بصدمه:ليش وتعوفني وحدي

يامن : ابوي ماعندة ولكة شغل بغير محافضة  وراح نروح هناك

رميم : اني ماعندي اصدقاء ولا عندي اخ يدافعلي شلون بية

يامن عيونه تلمع:أني ابقى صديقج   واكيد نجي  مااعوفج ولله

رميم درات وجهها وصوت شهكاتها صار عالي