فنجان قهوة

البارت الخامس

"لا تخدعك المظاهر"
معظم الشخصيات التي تبهرك في البداية تتحول تدريجياً لشخصيات أقل من عادية؛ ذلك لأن النور المفاجئ عمى مؤقت.
.

الكاتبه مرام الهاشمي

...........................

انرعبنه من منضر سامي وهوة مفزوع يامن كام من مكانه ركض علا سامي بخوف يهدي بي يريد يفتهم شنو السالفة كعدنة بالصالة والخوف سيد الموقف بداء عمي يحجي ويه سامي وشنو صار

_احجي ياابني خلينه نفهم حتئ نتصرف
_جنت امشي بشارع ال..... وصار كدامي حاولت افر السياره بس ماكدرت ونشمر الولد نزلت اريد اشوفه بعده عايش شلتة خليتة بحضني شفتة ماببي نبض شمرتة من حضني وشفت العالم والدوريات ملتمه شردت وصلت للبيت وهسة همة يدورون عليه
_انت شطلعك بنصاص اليالي
_جنت ضايج ولله
اردف بعياط _ضايج تروح تدعم بالعالم والسياره حتئ مو مالتك سيارت يامن شلون بهل مصيبة الي طاحت علا راسك يا سلمان

يامن:اني اشيل القضية يابه ماعليك
سلمان:انت مطي تشيل القضية شنو وحلمك ودراستك تعوفها ألمن علاموده
يامن:يابه غير اخوي
أثاب : انجب كلمن يدفع ثمن اغلاطه لاتصير غبي
سامي : اني هسه اروح اسلم روحي
سلمان :اكعد وسكت نشوفلها حل صخام بوجهك هيه هاي تربيتج قري عينج بيها
رحيق ببكاء : الله يسامحك ياسامي ورطتنة
يامن وكف ببرود :كلتلكم اني اسلم نفسي
سلمان : والقراءن اذا فكرت بعد تفكير تسلم روحك مكانه اتبره منك
رحيق بنتر : خلي يسلم نفسه يضحي شوي علا مود اخو عاد نكول وكفت بعينه تربيت 20 سنه متحملتة
كام سلمان وراح بأتجاه رحيق خنكها من ركبتها :ولله ثم ولله اذا حجيتي هيج بعد افلش سنونج بحلكج انتي صرفتي عليه انتي ربيتي هاذ ابني اني الي سهرت وربيت ودرست حتئ أكل اني جنت اسويله انتي شسويتي فهميني
رحيق :ماسويت شي بس كعدته ببيتي وتحملته وهوة ابن شريجتي
سلمان دفعها :شريجتج اشرف منج يا عاهرة هاذ يامن يحن علا سامي وسامي ولا فد مره شفته يحن علا يامن اني أب وماافرق بس انتي ربيتيهم علا تفرقة ولاتكولين بيتي هوة لابيتج ولا الج بي وكله مسجله بأسم يامن وهاذ اصلن مو موضوعنه شوفي مصيبت ابنج وكعدي وستري علا نفسج لا افضحك فضيحه

أثاب:يابه امسحها بوجهي وعوف مشاكل امي فدوة اروحلك

بهل أثناء اندك جرس البيت وكام شبل يفتح الباب

شبل :الدوريه طالبتنه كلنه بالأسم
سلمان:راحو بعدهم
شبل :لا بالباب
سلمان سحب سامي وراح يسلمه الدنيه انكلبت بالصريخ ويامن مصر يسلم نفسه :راح اكتلك خلاص ولله وخرر مني
رحيق بشهكه:عساها بحضك وبختك يا سلمان راح الولد راح

_هاذ الي دعم الولد والدم بعده بي اخذوه
_شكرا عمي بس هم باجر طالبيكم من الصبح تحقيق وترجعون والسياره راح تنوخذ
_اخذوها وخذو من يمي
_نستودعكم