يلزِمُنا صبرٌ و عناقٌ !

2

بسم الله الرحمن الرحيم

نرجع للوقت الحالي 

واقفين قدام المدرسه كل وحده وافكارها 

غيم في نفسها (معقوله كذا بفتك منهم يارب اجعلها بدايه خير يارب ابي افرح لو مره ليه دايم احصل ناس ضدي وانا في امس الحاجه لهم يارب ما عاد اشوف جد وامي والله كرهتهم ليه كذا تفكيرهم مريضض ليه يكرهوني ليه كل واحد يقهر الثاني فيني كلهم ضدي والمشاكل مو بسببي )تنهدت تنهيده طوييلههه وعيونها مدمعه

توق في نفسها (بكون لها السند والام والابو يارب ما اقصر معها هي ما تستاهل حياتها ولا انا استاهل حياتي كلنا مهمشيين من اهالينا محد يسأل ولا يقول وينهم )لفت على غيم وبحزن 

:غيم حبيبي يلا ندخل الناس تناظرنا مانبيهن يشكون 

غيم و دموعها تنزل : طيب ليه ما نفكر في حل ثاني 

توق :ي روحي انتي خلاص خلصنا كل شي باقي بس ندخل وندرس وهذا من حقوقنا 

غيم مسحت دموعها بعنف و اردفت وهي تناظر البوابه : والله من بعد ما ادخل من هالباب اني اترم الضعف وراي واصير اقوى انا استاهل اني اعيش مافي شي بيوقفني عن سعادتي وبعد ما نخلص من هنا نسافر اخر الدنيا 

توق بفخر :كفووو عليك هذي غيم الي اعرفها يلا مشينا وسحبتها 

دخلوا والانظار كلها عليهم غيم بتوتر: ليه كذا يناظرون 

توق : ذكور وش تتوقعين 

واحد من وراها :ي ولد 

لفت توق مخروشه وتناظر فيه 

طووويل بالكاد تشوف راسه من الشمس الي وراه 

حطت يدها على عيونها ونزلت راسها : هلا وش بغيت 

الولد:طيب ارفع عينك 

توق :ماتشوف الشمس تصرعع يعني كيف بشوفك بالله

الولد باستحقار :خلاص لا تبكي ي الخكري 

غيم قربت منه واردفت :نععمم! الزم حدك ترا بسدحك هنا 

توق رفعت عينها بسرعه على غيم وقربت تهمس لها :الله يلعنك قلنا قويه بس مو مشكلجيه 

غيم وهي ماسكه الضحكه : اقول فكني عليه

الولد بضحكه ساخره :على جسمك هذا بتتهاوش ولا مع مين معي انا !ههههه

غيم وهي تقارن جسدها فيه :يلا بمشيها لك هذي المره 

الولد ضحك بصوت عالي وكل الي حولهم يطالع 

توق بتوتر :خلاص امش ي مشاري 

غيم وهي متنرفزه منه قربت له وهي رافعه نفسها له :انقلع عن وجهي لا عاد اشوف ظلك قدامي تسمعع !