أمواج هادئة

أسأل نفسك

مشاعر الآخرين لعبه
حتى نلعب بيها؟! ..
أو نأخذها لضحك ...
نجرح ونأذي ونكول كلام احنا ما نتمنى نسمعه لنفسنا ما نتمنى احد ينتقد شكلنا ملابسنا تصرفاتنا...

لازم نفكر بالكلام قبل نطقه
شي ما تقبله على نفسك ليش تقبله على غيرك..
لا تنسى البشر نوعين..
الأول..
شخص يتألم ويكتم وتبقى هل كلمه تاكل وتشرب وياه وأقل موقف وياه يذكرها وتنزل دمعته تعرف هل دمعه من تنزل رب العالمين شسوي عليها بيك وانت بكل بساطة من يصيبك بلاء تكول انا شسويت يا ربي وهيج يصير بيه..
اما الثاني من يسمع ينقهر ويعاتبك...
ويسمع الجواب..
بكل برود اشاقة وياك ما أقصد..
ويبقى هل مسكين يبتسم ويكول عادي وهو دمعته تلعب بعينه..
وهو
ويكول بينه وبين نفسه..
وين العادي وانا نارر بكلبي من هل كلمه..
بعمره الي يحب انسان ان كان صديق أو اخ او اخت او اي انسان بحياتك لا تشاقة وياه بهل مواضيع
لان شكد ما تحب الإنسان لا تتأذي..
تتخذ مشاعره للهو أو ضحك بين ناس..

تعالو شويه ويايه اريد نصفن انا وياكم بموضوع..
تخيل وياي هسه انتي او انت..
عندك رسمه بين ايديك بتعب وفرحه ..
او طبخ طبخته بتعب وفرحه
أو فد اقتباس كتبته..
اي عمل كان سواء..
عمل يدوي او الإلكتروني..
واجيت سألت شخص..
أو شخص من ذاته انطى رأيه بي..
َوكال بالحرف واحد..
مو حلو..
او مو طيب..
لا ايعع شنو هذا..
هذا عيب بي..
هذا هيج صاير..
بقى ينتقد بي..

سؤال اضوووججج؟..
اكيد بينك وبين نفسك..
تكول ايييي
لان شي صنعته بيدي وتعبت بي..
زين اهنا سؤال..
يدور على نفسه..
رب العالمين من خلقك ويجي شخص يعيب على
صنعه وخلقه..
يزعل؟
يضوج؟
يي ليش لا مو هل شي هو خلقه...
ابد..
لا يوم ولا باجر..
لا تسمح لحد ينتقد خلق ربك ولا انت اضوج من هل شي..
لان هل خلقة رب العالمين صنعها لا انا ولا انت..
من هل لحظه عاهد نفسك لا زعل رب العالمين منك واضوجه
لا تباوع على نفسك بالمرايه واضوج وتكول..
انا اسمر ابيض خشمي حلكي اعيوني ضعيف سمين وو الى آخره ..
ولا تسمح لاحد يحجي عليك..
لا تفكر بخاطرك لا فكر بخاطر رب العالمين وشكد راح يضوج من يجي انسان تافهه يعيب عليك وكانوا هو صنع شكله ومظهره..
ولا تجعل من حب رب العالمين وتعبه بيك
لسخرية وضحك تحت مسمى..
"شقة" ..
رجاءً بعدوا عن شقة وي خاطر ربنا..
لان مو شي عادي ابد..

بالنهايه..
يبقى الكلام الجارح ياثر علينه و يدور بعقلنه
راجعوا نفسكم وماكو شي اسمه شقه اكو شي اسمه مشاعر..

بقلمي : الكاتبه لافندر 🤍🫀