لقاء على شاطئ كازابلانكا

اقتباس

عيسى: صباح الخير يا سميرة عملالنا ايه على الفطار انهارده ؟
سميرة بابتسامة حانيه : فول بالزيت الحار بس ايه انا الي مدمساه بأيدي و بيض مدحرج علشان ابوك بيحبه
نظر عيسى لوالده عبد السلام ذالك الرجل الذي تم عقده الخمسين يترأس طاولة الافطار ويبتسم لهم ببشاشه و غمازته التي تمنى عيسى لو ورثها عنه

عبد السلام : بس بقى يا سمسم خبي و النبي حنيتك الزايدة دي لنتحسد ولا حاجه الناس بقت عنيها وحشه الايام دي و نظر إلى عيسى بطرف عينيه
عيسى : سمسم !! مش كبرت انت يا حج على الحجات دي ؟؟
سميرة : وانت مالك يا قطاع الأرزاق انت خليك في وكستك...و بعدين احسن ما يقولي (صباح الخير يا صميرة) ولا كأني شاويش في كمين !!!
عيسى يلاعب حاجبيه بخبث : ماشي يا سماسم ماشي خليني أنا دلوقتي في وكستي..؟؟ مش ده عبد السلام الي انتي جيتي اشتكيتلي منه امبارح أنه قعد يتفرج على مدحت شلبي و ضيع عليكي برنامج منى الشاذلي ؟؟
عبد السلام : أنا! يا سميرة أنا تشتكيني للي يسوى والي ميسواش !؟
عيسى بابتسامة سمجة : الله يخليك يا حج تسلم
سميرة بحنق : انت مبتسترش كده عمرك افضفض معاك بكلمتين تقوم مسيحلي كده؟ المهم قصره عيسى أنا عايزة اتكلم معاك في موضوع مهم قبل ما تروح الشغل
عيسى و قد تنبهت كل حواسه متمنياً أن لا تفتح مع والدته الموضوع ذاته....

ده اقتباس من الفصل الاول قلولي اكمل ولا لاء ....