YAWA STILL DEY

LIFE NO BE BEANS

I kon enter room meet man ontop Monica, 😠 😡 I don know say she be public toilet, but wetin shock me be say she bring am come my house.

I no even look the guy face before I bounce on the guy, I beat am no be small but the guy strong, he touch me too no be small, naso so "he raped me" nah hin Monica dey shout, the drama wey she dey perform funny sote I step back leave the guy dey laugh am. 😂

The guy self no even look me, na Monica he face dey ask am when hin rape am, na that time I get chance look the guy wella, fear hold me as I see am dey think for my mind say no be the guy dem take replace me for kirikiri be this? 😱

I quickly call police, act like good husband, arrest the guy say hin rape my wife, na like that I take send Gbenga go prison again!

He no tey after that time wey my wife born another pikin, the thing wey kon shock me be say the boy kon look like me pass anything, na there I reason am say na Gbenga go get the pikin.

SMASH! 💣
SMASH! 💣
SMASH!💣

Naso gbenga, use gun jam my head again kon face Monica "so I don get pikin, so na because you get belle you kon talk say I rape you!  😞

Ah Monica oni ku re, you no go die well!
Person wey no fear woman na fool, Ahh Chineke!" 😤

As he dey confront Monica naso I quickly collect the gun kon point am for der two, if you see how fear catch dem, dem kon dey find where dem go run, I just dey laugh them cause dem no know wetin dey my mind...

"Monica, I know everything wey you do me, but I no talk anything cause I know say no be your fault, no be your fault at all, na me look my life finish waste am!"

I kon face Gbenga

" I know say I offend you, na why I talk say make dem release you for prison and your mama no let me rest self for night, naso so nightmare I dey get, as you bring gun come self-good wella, cause I never get peace of mind since this were girl talk say you rape am"

I kon look Monica tell am say make hin tell my papa say I hate am well well and I sure say he no go die well...