ANCESTRAL GOD'S ARTIFACTS [Volume 3]

Chapter 11

Lingid sa kaalaman ng lahat ng mga naririto ay nakarating na si Van Grego sa kuta o tirahan ng Four-Armed White Ape. Isa itong kuweba na may malaking lagusan papasok. Mayroong mabantot na amoy sa mga batuhan sa kuweba pero isa lamang itong minor na bagay. Agad na naglakad sa loob ng kuweba si Van Grego. Napakahaba ng lagusang ito na siyang ilang minutong nilakad niya at sa huli ay naramdaman niyang malapit na siya sa dulo nito.

Mayroon siyang naamoy na kakaiba. Kung hindi siya nagkakamali ay ito ang amoy ng Ravenous White herb. Higit itong mas mahalimuyak kumpara sa isang piraso ng Ravenous White Herb na binabantayan ng Four-Armed White Ape. Bumilis ang tibok ng puso ni Van Grego maging ang kagalakang kaniyang nararamdaman. Agad niya itong sinupil at itinaas ang kaniyang depensa at divine sense niya.

Nang papalapit na siya ay nakita niya ang isang higaang gawa sa mga tuyong dahon. Mayroon siyang nakitang umiiyak na mga bata o mas mabuting sabihing sanggol na halimaw. Pumapalahaw ito. Agad niyang nilapitan ito at nakita niya ang apat na sanggol na halimaw na katulad ng Four-Armed White Ape. Dito ay nakumpirma ni Van Grego na mga anak ito ng Four-Armed White Ape. Kung hindi siya nagkakamali ay nasa bandang itaas lamang niya ang pwesto ng Adult Four-Armed White Ape na nanay nito. Kaya pala nagalit ito dahil sa pagkaistorbo ng kaniyang teritoryo laban sa mga estrangherong nilalang maging ng kanyang mga anak ay siguradong malalagay sa peligro. Sa bingit ng labanan na ito nakataya ang lahat ng pag-aari ng Four-Armed White Ape maging ang sarili nitong buhay.

Isinantabi muna ni Van Grego ang mga supling ng Four-Armed White Ape at tiningnan ang bawat sulok. May isang malaking batong nakatabon sa isang corner. Masasabing napakalaking bato ito na sobrang bigat pero pinilit niyang buksan. Ilang minuto ang ginawang pagtulak ni Van Grego ay sa wakas ay nabuksan din ito. Agad na nakita ni Van Grego ang napakayamang medicinal energy mula sa mga halamang nakatanim. May mga Medicinal herbs, grass at medicinal fruits. Napakabihira lamang ang pangyayaring ito dahil napakadami nito.

Ngunit maraming mga balakid ito. Ang ginawa ni Van Grego ay mabilis na kinolekta ang bawat isang piraso ng mga halaman dito. Nanghalukay siya ng isang concealing Technique sa kanyang memorya na galing kay Master Vulcarian. Napili niya ang World Illusory Technique. Isa itong Top Grade na Concealing Technique na kayang linlangin kahit ang Martial God Realm Expert/Beast pero hindi ng Adult Four-Armed White Ape dahil alam na nito ang kinalalagyan ng kanyang medicinal garden.

"Kahanga-hanga, hindi ko aakalaing napaganda ng suwerte mo Van Grego, alam mo talaga ang kasabihang "mas mabuti na ang sigurado kaysa paumanhin" hahaha! Dahil sa naging resulta ng iyong pangangalap ng sangkap ay hindi ko inaasahang napakaganda, tutulungan kita kahit isang beses ng libre, Wala nga akong nakitang makakapukaw ng aking atensyon sa mga bagay na iyong nakuha mo. Dalhin mo na din ang mga batang Four-Armed White Ape na ito dahil siguradong maliit ang tiyansang mabuhay pa ang ina ng mga ito. Mayroong reincarnation jade slip ang tusong binatang Bat Race na iyon. Ang resulta ng labanan ay iyo ng maiisip." Kasuwal na pagkakasabi ni Master Vulcarian sa mga pangyayari ngayong araw. Sa buong buhay niya ay nakita niya ang kalupitan ng mundo dulot ng mga Martial Artists mismo. Sinusunod ng karamihan ang batas ng kagubatan na ang mga malalakas ay lalong magiging malakas dulot ng kanilang kapangyarihan ay magiging sunod-sunuran na laamng ang mga mahihina o kahit na anong klaseng bagay ang gawin sa kanila ay walang magagawa ang mga ito. Sa mundong ito, diyos ang turing sa malalakas at alipin lamang ang mahihina. Ang kaibahan ng mga ito ay parang langit at lupa. Ang lahat ng ito ay maaari mong maisip sa iyong imahinasyon.

Dahil sa pagkakarinig ni Van Grego ay pawang lungkot at habag ang kaniyang nararamdaman dahil sa pangyayaring ito. Para sa kaniya ay hindi likas na masasama ang mga Martial Beasts katulad na lamang ng kaniyang naging kaibigan noon sa karagatan, ang Martial Whale Beasts. Ang kanilang natural instinct lamang ang kanilang basehan upang protektahan ang kanilang mga teritoryo laban sa mga gumagambala sa kanila.