يا ليلى مش هينفع كدا !
_ قولتلك مش هتدخل يا عزيز
_ ليلى! .. يا حبيبتي ا...
_ متقوليش حبيبتي
_ طيب حاضر .. ممكن تفتحيلي أغير هدومي حتي
_ لأ
_ يا ليلى لو عايز اعمل حاجة الباب دا مش هيمنعني
_ اه ما انت متعود عالخطف والاغتصاب
_ يا بت .. يا بت انتي مراتي
_ كلكوا بتقولوا كدا في الاول
_ يا ليلى فوقي احنا كاتبين كتابنا يا أمي
_ بردو مش فتحالك
_ يلاهوي على سنيني السودا
_ عايز البيجاما السودا ؟
_ طب افتحي هقولك حاجة
_ لأ
_ يا ليلى هنام عالكنبة يعني!
_ مليش دعوة
_ ملكيش دعوة ايه بس
حاول يهدي من صوته
_ انا مقدر انك خايفة ومكسوفة بس مش للدرجادي يا ليلى انا قاعد بالفنلة والبوكسر يا حبيبتي مش كدا
_ محدش قالك تعوز تعمل قلة أدب
_ يا ماما انتي مراتي!
_ ولو
_ يا ليلى انتي مكنتش بتحضري حصة علوم تانية اعدادي ولا ايه !
_ انا أدبي
_ ادبي ايه في اعدادي! .. يا ربي مجوز واحدة تعليم تحت الكوبري
خبط عليها تاني
_ يا ليلى هبرد بجد
سكتت شوية وغابت لحظات فتحت الباب ومدت اديها بالبيجاما وقفلت الباب بسرعة
_ لا انا عاوز من التاني ابو تلات كلمات
_ عدس ؟
_ لا خفة يا خفة
خبط على الباب تاني
_ طب انا جعان هه
_ انت مش عيل صغير .. روح اعمل اكلك
_ هو انا مجوزك عشان انام عالكنبة
_ نعم!
_ اعمل لنفسي الأكل .. قولت هو انا اجوزتك عشان اعمل لنفسي الاكل .. مقولتش حاجة
_ بقولك ايه
_ ايوه بقا .. افتحي .. هنام وانا مؤدب والله.
_ انت تروح تقشرلك بطاطس وتحمرها
_ والله ؟ .. دا اخر كلام عندك ؟
_ معنديش غيره
_ ماشي يا ليلى .. ماشي
سكت شوية ورجع تاني
_ عاوز شراب شلبي سلوفان من الدرج التالت
فتحت الباب وادتهوله وقفلته تاني
_ ماشي .. وربنا ماشي
***********************
_ بعد إذن السلام النفسي
قرب منها وقعد على الأرض وربع
أما هي فحافظت على وضعها، مغمضة عنيها وشعرها مفرود حواليها
وسايبة الهوا يخبط فيها.
_ اختااه ورانا فيديو نقطع خلف أخوكي بيه
فتحت عنيها وبصت للفراغ دون كلام
_ الحمدلله لقطنا اشارة
بصيتله وبنظرة ساخرة
_ دمك يلطش
وقفت ونفضت هدومها وبدأت تمشي
قام هو بسرعة ومشي جمبها
_ انا مش هجوزك يا عمر ريح نفسك
_ لا هتجوزيني يا عايدة
جري ووقف قدامها
_ لو مش بالزوق يبقى بالعافية
_ دا يبقى اسمه اغتصاب
_ اوماله
