هلاوا انا نور طالبة خامس علمي احب المدرسه بس ماحب الدراسة ابد عندي اخ واحد وماعدي أخوات اخوي علي عمره سنتين وانا عمري 17 عايشين بغداد ومتعودين ك جمعه نطلع نتعشى برى البيت طبعا انا متعلقه بعلي كلش اعتبره مثل ابني مو بس اخوي جنه عايشين حياة كلش حلوه إلى أن اجه هذاك اليوم صادفت يم جمعه
بابا.يلا نور كومي بدلي لاتتأخرين خلي نطلع نتعشى
نور.لا بابا انا تعبانه ومخنوكه ماكدر اطلع طلعو انتو انا راح ابقى بالبيت اصلا نعسانه راح انام
ماما. لاحبيبتي كومي ويانه احسن تغيرين جو وتشمين هواء
بابا. صح كلام امج يلا كومي بدلي لاتتأخرين
كمت بدلت لبست بنطرون وقميص طويل ولبست الشال واكسسوارات ونزلت جوه اكو شي بداخلي يكلي لاترحين
نور. بابا روحو انا كلش تعبانه ونعسانه ماكد اطلع
بابا. تمام خلي نلغي طلعت اليوم
نور. لا لا روحو انتو اصلن بدلتو وكملتو ماريد اخرب طلعتكم
ماما. تمام حبيبتي ديري بالج ع نفسج
مدري ليش اجه ع بالي احضنهم وبوست علي عبالك كاعد اودعهم طلعو تقريبا ب 7 رحت انا لغرفتي اللعب بمبايلي احس مخنوكه كلش اتصلت عليه صديقتي كعدنه نسولف انا وياها جعت ورحت اكل شي صبيت بالكلاص عصير ورفعته اشرب حسيت كلب نغزني وكع الكلاص من ايدي كعدت الم بالكزاز باوعت لأيدي تنزف ماحسيت اني نجرحت غسلت وباوعت للساعه ب9 ونص اهلي مامتعودين هل كد يتأخرون اتصلت ع بابا طلعلي الجهاز مغلق اتصلت ع ماما هم مغلق خفت نوب كلت لا اكيد مصاير شي خلي اطلع هل اشياء السلبيه من بالي رحت شغلت التلفزيون علمود انسه الموضوع كعدت اكلب بالقنوات مليت اخذت مبايلي ذخلت ع الانستا وقريت اول منشور مكتوب عاجل عاجل حادث يؤدي الى انفجار سياره داخل العاصمة بغداد انا هنا خفت كلش اتصلت ع جاسم عمي اخو بابا
نور. الوو
جاسم. هلا بيج حبيبتي شلونج يالكاطعه (الماتسئل )
نور. الحمدالله بخير عمو بابا وماما طلعو يتعشون بمطعم ب7 ولهسه ماكو جاي اتصل عليهم واجهزتهم مغلقه وكلش خفت عليهم
جاسم.بنيتي اهدي انا راح اطلع ادور عليهم انتي لاتخافين ماكو شي ان شاءالله
خلي اسولفلكم ع عمامي عندي ثلاث عمام قاسم وحازم كلش حقراء وطماعين ونسوانهم حيايه 🐍وعمي جاسم كلش حباب وطيب هسه تكولون شلون ذوله اخوان هم خوان بس من غير ام بابا وجاسم وزهراء خوان من نفس الام وقاسم وحازم منغير ام زهراء عمتي متزوجه بغير محافظه جدي وجدتي وزوجته الثانيه متوفين
وره ساعه ندك الباب كلت اكيد اجو كمت ركض فتحت الباب طلع عمي جاسم وعيونه حمر ومنفوخه اول مطب حضني وباس راسي انا خفت كلش بعدت كتله عمو شبيك
جاسم.بنيتي اهدي انا اكلج بس اهدي وتحكمي بأعصابج
نور . عمو لاتخوفني كلي اهلي وين
جاسم. اهلج سوو حادث والحادث جان كلش جبير وتوفو
انا ماصدكت ابد لا مستحيل
نور. عمو لا تتشاقه كلي اهلي وينه
جاسم . بنيتي هذا الكاتبه الله ولازم نرضه بأمره
نور. اخذني اشوفهم
جاسم . روحي لبس شي
رحت ركض ماعرف شنو اسوي طلعت جبة لبستها ولبست شال ورحت وصلنه للمستشفى كلولنه بالثلاجة انا لحد الان مامصدكة رحنه كتله افتح الثلاجه
جاسم. لا ماريد تشوفين هذا المنظر
نور بعصبية. عمووو افتح الثلاجه فتحه ماراح المنظر من بالي ابد نصدمت وجوهم متشوهه وانا اكله شنو الي يخليني اصدك ذولا اهلي اصلن وجوهم ماتبين
جاسم . اكو فيديو كامرات الشوارع للحادث تردين تشوفي
شوفني التسجيل اهنا يلا صدكت كمت ابجي واصرخ واضرب نفسي مرن ثلاث ايام وانا كلش تعبت كضت الفاتحه
زهراء عمت نور. ياحبيبتي اكلي بس شوية شوفي وجهج شلون اصفر جنه ليمونه
نور بعصبية. تردين اكل وانسه وأهلي الهم 3 ايام من توفوا
زهراء. لايمه ماكتلج انسي بس اكلي شي اها تعبين نفسج وتقهرينهم تدرين همه هسه كاعدين يشوفوج ومقهورين لان انتي ماكاعد تاكلين وبعدين تذكرين شنو جان حلم ابوج مو جان يكول اريد بنتي دكتوره احنه هسه عطله ارتاحي بيهه وراج سادس اقري وتعبي علمود ابوج يفتخر بيج حته وهو ميت
كلش اثر بيه كلامها كلت
نور . لازم اشد حيلي حته اهلي يفتخرون بيه
زهراء. شلون يعني اذا اني مجاي تاكلين
نور . اكلت لكمه احسه ماجاي تنبلع وياي كتلهه كافي شبعت
زهراء. هي لكمه شلون شبعني خلي اسويلج حليب شربي احسن يطيج طاقة
نور. تمام جابته وشربته
اريد اروح لبيت اهلي
زهراء.اي انا اروح وياج
صاحت جاسم ياخذنه
جاسم تدللين يلا لبسن خلي اخذجن
بدلنه ورحنه دخلت للبيت ودموعي كامن ينزلن مثل الشلال
زهراء. جاسم روح الصبح ان شاءالله تعال واخذنه راح انام اهنا
نور. رحت لغرفت بابا وماما ونمت على سريرهم وكمن ابجي
زهراء . يتبعععععع
