احمد . يلا خلي اوصلجن كل وحده لمكتبه انسانه الروب الأبيض لبسنا واخذنه للغرفة الي تكعد بيها نور وصلنه للغرفة مكتوب ع الباب نسائية وتوليد دخلنه اكو مكتب مشترك محطوط علي اسم الدكتوره نور واسم الدكتوره الي وياها يعني كل غرفه بيه دكتورتين من نفس الاختصاص الغرفه بيهه سديه وجهاز سونار
احمد . حوراء كعدي بمكانج ولا تسوين مشاكل من اول يوم راح تكونين دكتوره مبتدئه يعني تساعدين الدكتوره وتعلميني منها
حوراء. شنو قصدك انا اسوي مشاكل
احمد. لا ابد ماتسوين مشاكل يلا نور تعالي شوفي مكانج
رحنه وصلنه للغرفة دخلت هم نفس الشي مكتب مشترك محطوط علي لوحه (تقريبا تصير شفافه وعليها اسم )
عليها اسمي التفتت اشوف الثانيه صار عندي فضول اعرف منو وياي نصدمت نفس الوحه مكتوب عليها دكتور احمد
احمد . نورتي مكتبي
نور . منور بوجودك
احمد . هل فتره راح تكونين تحت تدريب يعني انتي هسه ممنوع تسوين عمليه لمريض يعني لازم تكونين تحت إشراف دكتور نفس الاختصاص
نور . انت
احمد . اي باجر عدنه عمليه استئصال مرارا ع الساعه تسعه لازم تكونين موجوده
نور . تمام
رجعت للبيت وانا عندي حماس باجر اول عمليه احضرها صح راح اكون مساعده بس أشعر بالحماس
حوراء. الووو
نور . هلا عمري ولج الصبح وياج بسرعه شتاقيتيلي
حوراء. منو كال شتاقيتلج بس اليوم مالحكت اسولفلج ع يوم الاول كادكتوره
نور . يلي سولفي
حوراء. والله حساس حلو من تجي وحده حامل وتريد تعرف جنس الطفل ومن تعرفه وتفرح انا من يمي فرحت وياها
نور . انا اصلن اليوم ماكو مراجعين بس باجر راح ادخل اول عمليه
حوراء. ولج انا من يمي تحمست شعور حلو كلنه دراسه واخيرا
نور . اي كليلي الدكتوره الي وياج حبابه
حوراء. ياااا اصلن كلش محبوبه واصلن عمرها جبير وانتي ويامن
نور . احمم احمد
حوراء . يا احمد
نور . احمد اخوج متعرفينه
حوراء. صدك
نور . والله اكلج شكاعد اتسوين شنو الصوت اليمن
حوراء. كاعد احط ماسكات لبشرتي وانتي شكاعد تسوين
نور . والله حاضنه عائلتي الصغيره المتكونه من مخاد وبطانيه ونايمه
حوراء . ماوصيج بوسي البطانيه وحضنيهه
نور . ورانه كعده الصبح روحي نامي تصبحي ع خير
