زهراء. سويلي مكان خلي انام يمج
كعدت ع السرير وحطيت راسي بحضنها ودموعي تنزل كله سببي ليش مرحت وياهم انا السبب
زهراء. لاحبيبتي لاتكولين هيج سؤال انتي ليش مارحتي وياهم شعجب تركوج وحدج بالبيت
نور . انا لبست وطلعت بس اكو شي بداخلي يكلي لاترحين كلت للبابا روحو انتو انا تعبانه كلي خلي نلغي طلعت اليوم وانا كتله لا طلعو انتو كملتو ماريد اخرب طلعتكم كله سببي انا الغبيه لو كايلتلهم لاترحون
زهراء. هذا يومهم بس مو يومج لهذا السبب انتي ماكدرتي طلعين
طلعت قطه ملابس الهم وكعدت اشم بيهه وابج كعدت الصبح لكيتهن مبللات من الدموع
هسه خلي ننتقل الأحمد
مرحبا انا احمد دكتور جراح عندي خوات اثنين وامي بابا متوفين من جنه أطفال ماعدنه تواصل ويه عمامي وخوالي واصلن ماعرفهم ولا اريد اعرفهم انا جنت ساكن بالأنبار طلع قبولي بكليه البصره وانتقلت انا وأهلي نسكن بالبصره امي دكتوره واختي فاطمة هم دكتوره وحوراء هاي الصغيره السنه سادس نشتغل بنفس المستشفى وعدنه صيدليات
ام احمد. يلا كومو تريكو تأخرنا
احمد. صباح الخير يا وجه الخير
ام احمد. صباح النور حبيبي
احمد . حوراء وفاطمه كعدن
ام احمد. لا والله شلعن كلبي مايرضن يكومن
احمد . تمام انا راح اكعدهن
صباح الخير فاطمه
فاطمه. صباح النور
احمد. حوراء كومي يلا
حوراء . فدوه بس شويه
احمد . كووومي محد كلج ماتنامين من وكت
حوراء بعصبيه . تمام كايمه
احمد . الناس تكول صباح الخير
حوراء. صباح النور
احمد . عندج عشر دقايق والكاج جوه
كعدنه نتريك نزلت حوراء
حوراء. منو الغبي اللي كال السادس لازم يداومون حته بالعطله اففففف
احمد . لاتأفئفين وكعدي اكلي
....................................................................
زهراء. جاسم انا لازم ارجع لبيتي زوجي اجه دير بالك على نور ترى نور يتيمه والله خايفه عليهه من نسوان اخوتك الحياية
جاسم. لا تخافين انا احطها بعيوني مثل بتي هاي
زهراء. يلا حبيبتي انا لازم اروح
نور. راح تركيني
زهراء. انشالله بين فتره وفتره اجيج اتصلي عليه يوميه مفهوم
نور . تمام الله وياج بس توصلين اتصلي عليه
زهراء. إن شاءالله عمري
راحت عمتي وماتوقع هيج يسون نسوان عمامي بس يطلع جاسم يبدي الكرب يخلني انضف واطبخ واغسل المواعين واغسل البيت واذا ماسويت الي يردنه يبدي الضرب وبس يجي جاسم اصير بتهن وحبيبتهن ويدللن بيه مرن 13 يوم ع وفات اتصلت خالتي هي موبس خالتي صديقتي هم مابيناتنه فرق عمر هواي عندي خوال ثنين وخاله وحده جدتي موجود وجدي توفه من جنت طفله
زينب خالتي. الوو شلونج نور
نور. الحمدالله مشتاقتلج
زينب. وانا اكثر اكلج انتي وراج سادس والمدرسة الأهلية الي ادرس بيهه تاخذ نص السعر لأقارب المدرس تعالي يمنه درسين والله احسلج وتخلصين من نسوان عمج الحيايه
نور . تمام انا اكل لعمي واردلج خبر
زينب . اوك حبيبتي لاتتأخرين بعد يومين يجي خالج حسن للبغداد بشغل اذا تجين علمود يجيبج وياه
نور. ماجذب انا فرحت كلت خلي يجي عمي واكله اجله عمي من شغله
جاسم . شلونهه الحلوه
نور. الحمدالله اكلك عمو
جاسم. كولي حبيبتي
نور. اريد ادرس بمدرسه خالتي بالبصره
جاسم. اي عمو عادي اذا انتي تردين هيج براحتج وانا اوصلج بيدي
نور. خالو حسن بعد يومين يجي واروح وياه
جاسم. انتي روحي وانا اكمل نقلج للمدرسه واكمل معامله راتب ابوج الله يرحمه
نور. ليش شبي راتب ابوي
جاسم. مو الاب اذا اتوفه وعنده ولد اقل من18 او بنت مامتزوجه ينطونه جزء من الراتب شهرياً
اجه خالي ورحت للبصره كمل عمي النقل وبديت ادرس وحاطه طموح كدامي وكمت استلم راتب شهرياً ادفع قسط للمدرسه ولي بقه منه اشتري بي ملابس وكتب وملازم اجه اليوم الموعود وهو يوم النتائج
نور . يتبععع
