ظلت حوراء تلفت وتباوع للمعازيم كلهم تعرفهم صديقاتهه واخته واحمد وعلي
حوراء بمهس . اكلج شو كل الي بالحفل اعرفهم
نور . يالغبيه عيد ميلادج هذا
حوراء. عااااااا شلون نسيت عيد ميلادي
نور .انتي نسيتي بس غيرج مينسه كل عام وانتي بخير
حوراء. وانتي بخير حياتي
الكل تعرب منها وعايدها وبعدين راحو يقطعو الكيك كطعت الكيك واكلنه وبعدين شغلو اغاني وحوراء لتهت ويه صديقات الجامعه الي هنه نفسهن صديقاتي بس انا محبيت اتخالط بأحد ابد ضليت كاعده وبيدي ورده من زينه القاعه ضليت اتأمل بشكل الورده لحد ماقطعني صوت احمد
احمد . الفستان حلو عليج
نور . شكراً بس ليش تعبت نفسك وجبته الي
احمد . لا شنو هل الحجي انتي أقرب صديقه الحوراء يعني منه وبينه
نور . تسلم
تأخر الوقت وبدت الناس تقل وانتهت الحفله بقى بالقاعه اهل حوراء وعلي
حوراء. شتكولون نمشي احنه البقينه نحتفل بالبيت
احمد . حلوه الفكره بس اذا وافقو نور وعلي
علي . انا ماعدي شي اجي
نور . بس انا
حوراء. انتي مو بكيفك غصبن عليج نمشي
نور . تمام
صعدنا بسياره احمد انا وحوراء وره وفاطمه بصف احمد وعلي مشه بسيارته
نور . شلونج خاله
ام احمد . هلا بيج هلا خاله انتي شلونج
نور . الحمدالله
ام احمد. حبيبتي دومج يارب
نور . الله يخليج
حوراء. تعالو ناكل حلوات
نور . حوراء نسيت جنطتي بالسياره الي رحنه بيهه للقاعه
حوراء. السياره بالكراج تعالي نجيبها
نور . تمام
حوراء. هاي الجنطه جبيره شحاطه بطنها
نور . تعالي ندخل واراويج
دخلنا لكل مجتمع على السفره والسفره مليانه كيكه وحلويات بان كيك ودونات وكيك وكريزات هاي عادت ام احمد باعياد الميلاد تترس طاوله الطعام اكل ويجتمعون الكل على مود يحتفلون
ام احمد. تعالو كعد حبيباتي
نور . دقيقه
فكيت الشنطه وطلعت علبه هاي العلبه بها حلويات تحبها حوراء انا اسويهن بايدي تحبن فروله مفطسه بنوتلا بان كيك كب كيك صغار ودونت وطبعا كلهن انا سويتهن بايدي
نور . تفضلي حوراء
حوراء. شكراً عمري
ام احمد. ليش تعبتي نفسج حبيبتي م تشوفين السفره متروسه اكل
حوراء. ماما رجاءٍ لا تقارنين الحلويات اللي نجيبها من برا بالحلويات الي تسويهن نور
فاطمة . وشنو الفرق
حوراء . الفرق الحلويات الي تسويهن نور محد يسويهن بالبصره كلله خلي احطلكم وقارنو
فاطمة . عاشت ايدج صدك طيب
نور . عافيات
احمد . حوراء متردين هديتج
حوراء . شلون ماريدها هاي اكثر فقره احبها
احمد. تفضلي كل عام وانتي بخير بنيتي
(طبعن مابيناتهم فرق هواي بالعمر بس هو يحب يكلهه بنيتي)
احمد انطاها كلاده ع شكل فراشه ناعمه وكلش حلو وعلي جايبله بروش بي حرف اسمها وفاطمه أسوار وخلخال
نور . كل عام وانتي بخير حياتي
حوراء . اااه لك وين لكيتي هذا الكتاب فريت مكاتب البصره كلههه وملكيت النسخه الثانيه منين جبتي
نور . وصيت عمو دور بمكاتب بغداد ومن اجه جابه وياه
حوراء. شكراً حياتي
نور . وهاي الثانيه
حوراء. ليش تعبتي نفسج هديه وحده كافي
ام احمد. صدك يمه ليش تعبت نفسج بس جيتج كافي
نور . خاله كم اخت عندي هي بس حوراء
يلا فكيهه
حوراء. يعمري شنو اسم الرسام الرسملج صورتي
نور . انا رسمتها
الكل .😳😳
