لا تهدني
الوطن حيطانه بعيده
ومايلم الينتچي..
اني من تغيب يستفحل على عيوني البچي.
يا حبيبي،
شلون لو شحت مكاتيبك؟
الغيم مايودي حجي!.
___________________________________
مداكدر استوعب الداشوفه لزمت محجر الدرج ونزلت بخطوات سريعه بس ردت اوصل يمهم
بس شافتني كوثر اجت تركض لزمتني من ايدي وجرتني وراها حتى نصعد بس ماقبلت وهيه عاطت...
-لجج اصعدي احنه معلينه بقيهم يتصافون بوحدهم
باوعتلهم جانو شباب هواي ماعرفهم وزين والولد مرتضى وعباس ورضا ديهدأون بيهم بس ماعرفهم منمه
وصلنه للغرفه مال كوثر:- ولج كوثره احجيلي شكو!
كعدت ؏ جربايه تنزع بجاروبها:- مدري اصدقاء الولد اجو لهنا ماعرف ؏ شنو ديتناقشون ووصل حوارهم للعرك
-اي شفت بس ليش اجو لهنا؟؟
كوثر:- ماعرف والله بالنسبه الي متفاجأت لان قبل مر علينه هيجي حدث ف انتي لا لذلك هيج انصدمتي واستغربتي
ضربت كصتي:- انتو عائله تجلطون الميريد ينجلط
ضحكت:- انجبي لج ما اسمحلج تحجين ؏ عائلتي
-ديلا قابل عائله ملكيه
شو هاي شمرت جواريبها عليه واجت تريد تضربني كالعاده دست ميتين وطلعت اركض نزلت للغرفه شفت ماما كاعده تبدل لادونه رحت بوستهم ثنينهم ودخلت اخذ شاور حار لاشنو حار؟ شنو دجاجه اني بعدروحي؟
دخلت اسبح بمي دافي يرخي الاعصاب اهمشي ورا ربع ساعه طلعت مثل كل مره سويت من اطلع من الحمام انشف كل جزء بجسمي وبعدين ارطبه وانشف شعري احب ابقي مفرود اني من النوع شعري ناعم وميوكف ابد
رطبت شفتي هم 😂🤷♀️واخيرا اخذت كتابي وطلعت للحديقه عبالي ذوله لسه هنا يتناكرون جنهم ديوجه بس همزين راحو
كعدت ؏ الكرسي وفتحت الكتاب بالبدايه ضجت بس سرعان ما ابتسمت من تذكرت سامي...
فلاش باك
-هسه غير تفضني وتأشر هنا
-يي والله أشرت مداشوف؟
باوعلي صفح وضربني ضربه خفيفه براسي...
أشر ؏ الورقه الثانيه:- زين وين جان عقلج من أشرتي هنا وتركتي الهنا؟
ضحكت ومسحتهه اشرت ؏ الكال عليها...
