أنتِ لي .. أنتِ حزني وأنتِ الفرح
أنتِ جرحي وقوس قزح
أنتِ قيدي وحريتي
أنتِ طيني وأسطورتي
أنتِ لي .. أنتِ لي . . بجراحكْ
كل جرح حديقه ..!
أنتِ لي .. أنتِ لي .. بنواحك
كل صوت حقيقه ..
أنتِ شمسي التي تنطفئ
أنتِ ليلي الذي يشتعل
أنتِ موتي وأنتِ حياتــي...!!
.
.
.
.
#سمر
انصدمت من وكعت بالكاع تملخ بروحها وتبجي بكل قوه والكل مصدوم!!!!!
بقيت واكفه بمكاني مصدومه مداربط شكو الكل راح وكفها وكعدها ؏ القنفه ويسئلها بصوت يرجف شكو شبيج!!
-ااتصخمتتت انيييي وولج يوووووم اتصخمتتتتت وين انطي وجهييييي
شهگت خاله كريمة ووكعت بالكاع اجالها رضا بسرعه وكعد والدته ؏ القنفه وانطاها مي والبقيه حاايرين بذيج الخبصتنه
خالو وسام:- شبيج بوية منو الوياج!!!
نجلاء ببكاء:- بابا هسة اتطلكني منه ماااريده هسة تطلكني مابقه ويا ثااااااانيةةةةة
اخر كلمه عاطت وجرت شعرها وجدو وخرها وحضنها وهيه تبجي حرفيا انصدمت وانقهرت ؏ حالتها الله اعلم شنو سوالها زوجها
كريمة بصوت ناصي متكدر تحجي:- يوم...يوم شصار
نجلاء:- ماريدة والله ماريدة حته ابنه خل ياخذه اله هاهيه طلكته مارجعله
جدو عاط الكل يسكت وصعدها لفوك والكل لحكهم بس ماقبل احنه نصعد
رحنه كعدنه بصاله اني وعباس ورضا وكوثر متوترين من الصار ومنعرف شنو وشكو...
ورا ربع ساعه نزلو بس نجلاء مانزلت اكيد نامت وفعلا طلع توقعي صحيح
جدو:- الكل يجي يتعشه ولايذكر الصار قبل مساع
كوثر:- يوم نجلاء نامت؟
خاله نسرين:- اي ماما نامت
خاله كريمه كعدت ؏ اعصابها امبين جبروها تنزل ومتبقه يمها ومتت من فضولي حته اعرف شكوو
ومنا سامي ماكو لاهوه ولامرتضى ضجت كلش لان لسه مارجع شنو عباله اني مثل متوقع!
صار الليل وهوه ماكو صبو العشه وتعشينه وكالعاده الجد الجاد ؏ سفره حجه...
-هم ماكو اليوم سامي!
نتر الخاشوگه وحجه بنتر...
خالو وليد:- اكل بويه يجي ماعليه
ماعليه!! هالكلمه كالها بنبرة صوت لا مبالاه جد ضجت وانقهرت من يمي خزت بخاطري شون هيجي يكول كدام الكُل ؏ ابنه ماعليه وممهتم
