ادري متأخره بس مو بيدي تعذرني🫶🌹
اهم شي تعلقن بين الفقرات وويا كل فقره حبيباتي انتن حته استمر وتحفزني🥺🍒
اعترفلك صرت اخاف من الامان الماهو يمك
اعترفلك انـه احبك لـسـه احبـك
.
.
.
#
يتشرف بت اخو الي مانعرف ليش اتطلقت من زوجهه تصير چنه اله!!!!!!
باوعت لنجلاء جانت الفرحه ما واسعتها!!
الكل مدهوش ومديفهم شيخربطون وحدهم!!!
جدو ابتسم باريحيه وراح يمشي برهاوه ليم سامي،، حط ايده ؏ كتفه وحجه بثقه ممزوجه برجاء
-سامي اكيد تخلي بت عمك على راسك؟
الي داشوفه سامي لسه مصدوم والأكدلي بقه صافن جامد بمكانه حته ملامح وجهه انمحت!!
خالو وليد توتر من ردت فعل سامي وشكله خاف يرفض وبسرعه اتدخل
-اي اكيد نخليها على راسنا وابني يحافظ عليها غير راح تصير مرته.
گال اخر كلمة وسامي رفع راسه وباوع لخالو بكل صدمه وغضب كانما رجعته لواقعه كلمة مرته!!!!
اخيرا اتدخلت خاله ايمان:- اا...عمي على بختك شلون هيج فجأه ت....
قاطعها خالو وليد:- لحد يتدخل!!
جدو:- وليد!
سكت خالو بس بقه خازرها وهيه خطيه مخطوف لونها هم حالها حالنه هستوها درت...
جدو:- حقكم هيج تكون ردت فعلكم لان محد فتح الموضوع وياكم..بس بعد حجينه والحجيناه ماراح يبقه حجي وبس انشالله
مرتضى:- جدو شنو الديصير!!!
جدو:- الجاي يصير كالاتي ابن عمك راح يزوج اختك على سنة الله ورسوله
طبعا بوقتها حالتي صارت حالتين ماراح اسولفلكم عليها....
جدو:- نجلاء جدو اصعدي فوك
هزت راسها تتمسكن عود الحيه وراحت تمشي بسرعه وهذا سامي اتخبل واتفاجئت شلون هيج حابس كل هالشي بداخله!
جان بودي اتدخل واساعده لان اعرف داخله ديشتعل بس مابيده يسوي شي عائلته خلو كدام الامر الواقع!!!
مرتضى كوثر رضا عباس كلهم مصدومين وممتوقعين الديصير، سامي باوع لخاله ايمان بنضره هدت حيلها فعلا انقهرت وكلبي اتفطر عليه
اخيرا نطق:- ماكدر...ماكدر اتزوجها لان راح اضلمها وياي
جدو من بين اسنانه:- وليش تضلمها اذا راح تصير مرتك وباسمك والحب ورا الزواج
باوعله سامي باشمئزاز اول مَره اشوفه هيج يردله الفعل
سامي:- يابطيخ يجي ورا الزواج؟ عود سمعانين انتو؟
خالو وليد:- وشنو تريد حب وهسوالف يله تزوج؟
سامي:- ماريد صخام ولطام بس مامفكر بالزواج نهائيا
