قصه عن بنت من عائله متوسطه تتكون من اية طالبه سادس العمر 19
تمارة طالبة 12 سنه
الام نورة ربة بيت
الاب علي موظف
.
.
.
...
الخميس ساعه 6 ونص الصبح
الام / اية توته يالله ماما تاخرتي كومي راح انزل لبين ما اكمل ريوك انتي مخلصه يالله بسرعه
.
. اية.. كعدت عدلت غرفتي وسبحت بسرعه ولبست ملابس المدرسه وخليت عطر خفيف ونزلت
. صباح الخير بابا
. الاب / صباح نور توتي يالله تعالي اكلي تاخرتي باباتي
. اية كعدت اكلت شوي واجه سايق وطلعت للمدرسه
. طول الطريق واني افكر بالامتحان وكلش متوترة وخايفه لان اني مو زينه بالرياضيات المهم وصلت فتت للمدرسه سلمت ع صديقاتي اني معندي صديقه مقربه الي لا وانما الي بالصف كلهم عندي علاقه وياهم فتت للصف وكعدت اراجع ع امل انو اني اجاوب اليوم صار وقت الامتحان واجتي الاساله ومثل ما توقعت كلشي ماعرفت احل وضجت حيل وحسيت بدوخه طلعت برى وكفت يم المديرة بالكي تروح مني دوخه شوي وبقت معدتي تاذيني حيل فه المدرسه كالت اكعدي هنا لبين ما تفرغ الادارة وفوتي جوه اتصلي ع اهلج المهم كعدت برى بقت صافنه ع زرع واحس بوجع ولعبه نفس وضايجه حيل
شوي تقريبا ربع ساعه وطلعو ضباط من الادارة نداريت عليهم بيهم واحد اشكر خرب يكتل يكتل حرفيا عضلات وجسم وابيض وطول يشبه الاجانب ضليت صافنه علي لحد ما وصل للباب نداريت كلي ويا انتبهلي خزرني وعبر
