حسين... كعدت من صبح ع صوت الحجيه دك بالباب فوتي يمه فوتي
.
وليدي يالله كوم اكعد بعد راح تجي البنيه خل نضف غرفتك ونعدله واكلك للكمه
.
صار يمه كايم كعدت فتحت جهازي شوي وفتت سبحت وبدلت ونزلت صبحت ع كل وكعدت اتريك واشوف الكل عدهم طاقه وكانو عدنه عرس من صدك وكلهم يضحكون وسولفون المهم خلصنه الريوك
. اجاني اتصال من الشغل رديت عليهم وحاجيت زيد ادبرها الي هاليومين وسولفتله كلشي وكتله ماكدر اجي
.
كالي هذه هوا خويه وسده
.
صارت ب10 خابرو ع والدي وكالو توة طلعو اني هنا ضلت الارض ما شيلني بس ماريد ابين 😂💔
.
.
. اية.... كعدت ب7 سبحت ولبست فستان 👗بس مستور كلش وفوكه عبايه لا نبهني بابا ماصير اروح هيج وعدلت نفسي ونزلت صباح الخير
الام صباح النور ماما باستني وشبكتني وضلت تبجي والله مو هينه ولا ردت طلعين هيج بس يمه مو بيدنه والله باوعت ع بابا ضل يبجي ودنك راسه رحت بسته ع راسه كتله لا تنزل دموعك ولا تخاف علي ان شاء الله اني ارفع راسك وغيرت الموضوع وكعدت تريكت لان هذه جان اخر يوم ويه اهلي وخلصت اخذ بابا غراضي خلاهم بسيارة ودعت ماما واختي وطلعت صعدت واخذني بابا ورحنه وصلنه للبيت ناس تارسه الباب وكله ملثمه ولابسه اسود فتحو باب الكراج ودخل بابا جوة كلش نزل ونزلني وضليت واكفه وراى
.
. ام حسين ~~ وليدي كوم بدل ملابسك وصلت البنيه
.
حسين صعدت لبست دشداشه بيضه وخليت عطر وتاكدت من الغرفه الحجيه ما مقصرة مسويته تشك سديت الباب ونزلت بالديون اني واخواني والدي وعمامي ولدهم كلهم حاضرين طلعو لبو اية ودخلوهم واجن نسوان اخذن اية بس هي مارفعت راسه ابد فاتت جوة وابوها اجه لديون وجابو شيخ وكعدنه
.
بدو يحجون وعمي بلا اخلاق ولا ذوق بس اجفص والزلمه ساكت
.
.
اية // وصلنه نزلن بيت ستحيت حتى ارفع راسي واباوعله خاف احسدهم من كد ما مرتب وجبير بعد بيت شيوخ اجونه زلم اخذونه اني دخلوني يم نسوان وبابا راح يم الزلم
.
.
اول مدخلت اجتني بنيه باستني وكالت لا تخافين تعالي وياي فتنه لجوة مرة جبيرة كاعده ويمه هواي نسوان وكلهم لابسين اسود فتت السلام عليكم ردت علي المرة الجبير وعليكم السلام تعالي ماما كعدي هنا كعدت يمه ونسوان تباوعلي بدعهن اكطعني كلتلي يمه اني ام زوجج واني ولا حركه كلتلي جايبه غراض وياج كتله اي صاحت ع البنيه الي دخلتني يمه زينب تعالي صيحي ع واحد من اخوانج ادخل غراض البنيه اوديهن لغرفته صار يمه خل اشوف واحد منهم
.
.
شوي وجابو غراضي وكلتلي تعالي وراي ماما كمت مشيت وراها
.
صعدنه فوك فتحتلي الغرفه كالت يمه هاي غرفتج دخلي ارتاحي لحد ما تعقدون لان اذا بقيتي جوة ماسلمين وماريد مشاكل من اول يوم
.
. فتت جوة واجت يمه كالت يمه انتي شنو اسمج
.
. اسمي اية
شكد عمرج
. 19
سوده علي بعدج زغير بس شنسوي يالله ارتاحي اذا جوعانه كوليلي ودللي لا تستحين اني حسبت امج بنيتي
.
لا خاله ماجوعانه ونزلت راسي وكعدت ع جربايه انتظر
. وهي طلعت وقفلت علي الباب ورى ساعتين اجتي فتحت الباب كالتلي يالله ماما امشينه صار وكت العقد نزلت وكفت ورى باب ديون وسيد يحجي وياي واني جاوبته وطلع اسم زوجي حسين ضليت ابجي وارجف بالف يا علي ميسطرة ع نفسي واكفه ع حيلي بعده رجعنه للصاله ربع ساعه فتحو الباب وصاحو ع ام حسين
.
.
كلوله جيبي البنيه وتعالي رحنه دخلنه للديون وكفت ورة ام حسين ونزلت راسي صاحني بابا كالي بابا انتي صرتي بتهم اريدج ترفعين راسي صيري معدله رحتله شبكته وضليت ابجي وهوا هم ضل يبجي صاح علي الشيخ بنيتي كولي يالله اني حسبت والدج
.
. وعد تاخذي من هاي شوارب ما اخلي احد اضلمج ولا نقصر وياج بكد نمله حسبتج حسبت بنيتي زينب كلي بابا يالله بنيتي ديري بالج ع نفسج وندار ع شيخ كله بنيتي امانه يمك وطلع ضليت ابجي ورحت سلمت ع ابو حسين بست ايده هو كلي ميخالف بويه ان شاء الله مانقصر وياج ونصير نفس اهلج واحسن
