اللهم صل وسلم وبارك على سيدنا محمد
عند عزام دخل مكتب يراجع عمليه ارهابيه ضد البلد الباب دق
عزام: ادخل
العسكري: تمام يا فندم
عزام: خير ياعوض
العسكري: حضره اللواء عايزاك يا فندم
عزام: تمام روح انت وقف وخرج وهو خارج من الغرفه قابل الد اعداؤه
حسام باستهزاء: اهلا اهلا عزام باشا فينك يا راجل
عزام ببرود: ابعد عني يا حسام انا مش فاضي لك
حسام بغل: ليه وراك ايه يا باشا الديوان
عزام: اما تكبر هاقول لك ومشي وسابه
حسام بكره: طول عمرك طالع فيها وفاكر نفسك حاجه كبيره بس انا هاعرفك انا مين
الباب دق
اللؤاء: ادخل
عزام: صباح الخير يا فندم
اللؤاء: صباح النور يا عزام
عزام: خير يا فندم
اللواء: لحظه
الباب دق
-- ادخل
وليد: صباح الخير يا فندم
اللواء: تعال يا وليد صباح النور اقعدوا انتم عارفين ان في جماعه ارهابيه عايزين تدمر البلد احنا عرفنا من مصادرنا انهم عايزين يفجروا كذا مكان وعايزين يفجروا المترو واتفقوا ان هم هيفجروه يوم الخميس
عزام: يعني بعد يومين
اللؤاء: ايوه عايزاكم تشد حيلكم وتقبضوا على الارهابيين دول
عزام وليد: تمام يا فندم
اللؤاء: اتفضلوا ربنا معاكم وده السي دي اللي فيه العمليه عايز تدرس العمليه كويسه
عزام بهيبه: تمام يا فندم وخرجوا
وليد: عندي في مكتبي ولا عندك
عزام: عندي
♕♕♕♕♕♕♕♕♕♕♕♕♕♕♕
عند غيث
صحي من النوم لقى نفسه مش في غرفته وافتكر ان هو روح مع واحده بيتها نظره جنبه لقاها نائمه قام وقف ودخل على الحمام اكرمكم الله وطلع لبس هدوم وحط مبلغ على الترابيزه ومشي ركب عربيته ووصل على الفيلا كان بيدعي ان جده ما يشوفوش وطلع بيتسحب
الجد: غيث
غيث توتر: جدي صباح الخير
الجد: لحد امتى
غيث بملل: مش فاهم قصدك ايه يا جدي
الجد: لحد امتى سهر وشرب ونسوان هتفوق لربك امتى
غيث: ممكن نتكلم بعدين
الجد: بعدين امتى هو انا بشوفك انت دلوقتي طالع تنام وبعدين هتنزل على بالليل تسهر للصبح وترجع على هذا الموال كل يوم قل لي نتكلم امتى
غيث: عن اذنك يا جدي وطلع
الجد اتنهد: ربنا يهديك يا غيث
♕♕♕♕♕♕♕♕♕♕♕♕♕♕♕♕♕
في الملجا
يقين: صباح الخير يا مدام كوثر
كوثر بحزن: صباح النور
يقين: مالك يا مدام كوثر في حاجه
كوثر: في ورث عايزين الارض بتاعه الملجا وعايزين يشردوا الاولاد
يقين: يا خبر طيب هنعمل ايه
كوثر: انا كلمت صديق لي محامي بس هو مش فاضي وقال له هيكلم محامي كان بيشتغل عنده بس بقى محامي كبير دلوقتي وبيقول لي شاطر جدا
يقين طيب كويس طيب هيجي امتى
كوثر: ع السبت لانه في القاهره مش هنا
يقين: ربنا يعين يا مدام كوثر
كوثر: يارب
♕♕♕♕♕♕♕♕♕♕♕♕♕♕♕
في شقة غسق
بعد ما البنات مشيوا ام غسق اسمها نهله عماله تفكر يا ترى الماضي هيرجع يا ترى هياخذوا البنات مني بس البنات دلوقت كبروا وعارفين مصلحتهم كويس انا لازم اقول لهم في اقرب فرصه ان لهم عائله كبيره وربنا يستر من رد فعلهم وكلامهم
♕♕♕♕♕♕♕♕♕♕♕♕♕♕♕♕♕
في مكتب عمر
عمر: اعمل حسابك يا يحيى هسافر السبت ع اسكندريه
يحيى: في حاجه
عمر: ايوه عمي ممدوح كلمني وقال لي على ملجا ايتام الورث عايزين يشردوهم وعايزين الارض اللي على الملجا فوافقت على طول من غير تردد
يحيى: ربنا يجعله في ميزان حسناتك قول لي يا صاحبي هتفوق امتى وتشوف نفسك
عمر: ما انا كويس باكل واشرب ومبسوط
يحيى: انا بتكلم عن قلبك هيتفتح امتى
عمر: ارجوك يا يحيى اما بنفتح السيره دي بنقلب خناقه وانا عمري ما هاخون هبه
يحيى: فوق يا عمر هبه ماتت فوق قبل فوات الاوان
عمر بضيق: اقفل السيره دي بعد اذنك
يحيى: براحتك انا تعبت منك ومن دماغك الناشفه
♕♕♕♕♕♕♕♕♕♕♕♕♕♕♕
عند ليث
ليث ماسك ورقه بيراجع اللي بيقوله
_ يلا يا نجم
ليق: حاضر جاي حالا وقام وقف وخرج ووصل عند التصوير كله تمام
المخرج: ايوه عارفه تعمل ايه يا ليث
ليث: ايوه وبدا شغله
♕♕♕♕♕♕♕♕♕♕♕♕♕♕♕♕♕
أنت تقرأ
سقوط الجليد
Romanceهو: دايما ف شغله مش بيفكر في اي حاجة غيره هي: تفكرها دايما اخواتها مبتفكرش في اي حاجة غيرهم يا تري هيتغيروا اما بقبلوا بعض تعالوا تشوف الاحداث
