اللهم صل وسلم وبارك على سيدنا محمد
في صاله التدريب كل واحد غير حاجه مريحه غسق لبست بنطلون ترنج وتيشيرت لغايه فخذها وطرحه طبعا كانت طالعه مثيره وجميله
عزام اول ما شافها شتم بلغات العالم كلها
غسق ببرود: جاهزه
عزام بدا يرفع ايده ببوكس على وشها تفادت الضربه ورفعت رجليها ضربته وبعد في اخر لحظه
ماهر كان عمال يعاكس نسرين وهي مش مديه ريق ناشف ورفعت قدميها وضربته في بطنه وقع وانصدم من الضربه وما كانش متوقع ده ابدا فضلوا يضربوا ببعض لمده ساعه وكله اثبتك قدراته
عزام برود: كفايه كده اتفضلوا بكره في نفس الميعاد تكونوا هنا غسق عايزك بعد ما تغيري
حسام بغل وكره: طول عمرك حظك حلو حتى مراتك جميله ومثيره الصراحه متفجره الانوثه
عزام انفعال وزعيق: حسام مراتي خط احمر لو نطقت بسيره مراتي تاني مش هتبقى موجود على وجه الارض ومشي وسابه
عزام دخل على مكتبه وشويه والباب خبط اتفضل
غسق: نعم
عزام ببرود: اقعدي ممكن اعرف قلت لماما ايه عشان توافق
غسق ببرود: قلت لهم اني ف مهمه لمده اسبوع في مستشفى اسوان طبعا وجدو قالي قولي لجوزك وفهمتهم اني قلت لك ايه رايك فيها انفع ممثله
عزام بانفعال: غسق ما تستفزنيش سمعتي انتي مش عارفه ان ده حرام انك تخرجي من غير ما تستاذني من جوزك
غسق بضيق: انت اتنازلت عن الحق ده
عزام: وقف وقرب منها انا عمري ما اتنازلت عن اي حاجه تخصني سمعتي وفي اللحظه امسكه خصرها بين ايديا غسق توترت وارتجفت وهو ابتسم ابتسامه جانبيه انه له تاثير عليها
غسق خدودها احمرت: ابعد لو سمحت وبتبعد ايده
عزام باستمتاع: ولو ما بعدتش هيحصل ايه
غسق: ارجوك
عزام: قرب اكتر ارجوك ايه وفي لحظه شفايفه حضنت شفايفها في بوسه طويله وبعد ما شبع بعد عنها ورجع مكانه اتفضلي دلوقتي غسق جسمها ما كانش شايلها بس حابه تبعد فتحت الباب وخرجت اما هو لكم المكتب بايده الاثنين بغضب وفي باله ازاي اعمل كده هي مش بتحبني يا ترى بتقول ايه دلوقتي بس ده حقي كل حاجه فيها بتاعتي ملكي انا ال ليه الحق اعمل معاها كده دلوقتي هتقول ان انا بحبها وبتكذب ليه ياعزام انت فعلا بتحبها ما تنكرش دي انا ما بحبهاش هي كانت عايزه تتجوز واحد تاني غيري بس انا لا يمكن لا يمكن اسيبها بعد ما حضنت شفايفها المغريه المثيره وايه اللي انا بقوله ده ورجع
يكمل شغل
♡♡♡♡♡♡♡♡♡♡♡♡♡♡♡♡♡
في الكليه
البنات قاعده بتضحك
رنا بحماس: وبعدين عملت ايه يا سما
سما: ابدا يا بنتي قلت له روح الله يحنن عليك انا مش بصاحب قالي لا انتي هتصاحبيني غصب عنك قلت بحكم مين قالي بحكمي انا اخر من ضيقت منه نزلت امسك توبه وما حسيتش بنفسي الا ما جات في دماغه ولقيت الدم انتشر
رنا وسيلين: ههههههههههههه
رنا: يخرب بيتك عورت الولد
سما بلا مبالاه: ما هو اللي ما بيفهمش اعمل ايه
قطع كلامهم شاب
_ السلام عليكم
البنات: وعليكم السلام
_مين فيكم الانسه سما
سما استغراب: انا
الشاب: انا لقيت الانسيال ده بعد ما طلعتي وحبيت ارجعه لصاحبته
سما بفرح: انا متشكره قوي يا هو انت اسمك ايه
- احمد
سما: انا متشكره جدا يا احمد
كل ده تحت نظرات غيث اللي هيفرقع مكانه وراح لهم بسرعه
سما: تعال اقعد معانا لو عايز
غيث بضيق: يقعد فين
احمد: خاف انا ما كنتش هقعد سلام وجري
غيث بانفعال: في ايه
سما برود: ما فيش ورجعت تقعد ولا اكن حاجه حصل
غيث بزعيق: سما
سيلين توترت: اهدا يا غيث ده لقى انسيال سما ورجعه لها
غيث: وهو عرف منين ان هو بتاعها
سيلين: مكتوب عليه اسمها
غيث: وهو ينظر لسما ماشي عن اذنكم
وبعد ما مشي
رنا: ليه كده يا سما
سما حزن: عشان بحبه
رنا وسيلين انصدموا: بتحبيه
سما: ايوه بحبه بس هو بتاع بنات انا عارفه ان هو مش بيحبني وكل البنات اللي حواليه احلى مني وحسيت لو قربت منه هيقول ان انا زيهم بالظبط عشان كده انا لازم ابعد عنه لازم اضايقه عشان ما يعتبرنيش زيهم
سسلين: بالعكس رغم انك ذكيه بس ف دي غبيه قوي
سما: ازاي يا فالحه
رنا: ده كان هياكل الواد اما شاف واقف معاكي غير نظرات لكي فعلا غبيه
سما انصدمت: انتوا بتقولوا ايه
سيلين: غيث شكله بيحبك يا هبله
سما: طيب انا اتاكد ازاي ان هو بيحبني
سيلين بخبث: غيره
سما باستغراب: غيره
سيلين: اوحش حاجه في الراجل الغيره لو شافك بتكلمي واحد ثاني هيولع في الدنيا
سما فرحه: يا بنت الايه
رنا بخبث: عشان كده بتخلي ليث يغير من طارق
سيلين اتلخبطت: ايه لا طبعا
سما: ايوه صح كلامك يا رنا
سيلين بحزن: ارجوكم اقفلوا على السيره دي
سما: غيرت الموضوع انا بقى هعرف ازاي اوريه ان هو ماينظرش لواحده غيري بكره هوريك يا غيث
البنات: ههههههههه ههههههههه
♡♡♡♡♡♡♡♡♡♡♡♡♡♡♡♡♡
أنت تقرأ
سقوط الجليد
Romanceهو: دايما ف شغله مش بيفكر في اي حاجة غيره هي: تفكرها دايما اخواتها مبتفكرش في اي حاجة غيرهم يا تري هيتغيروا اما بقبلوا بعض تعالوا تشوف الاحداث
