اللهم صل على حبيبنا وشفيعنا وقدوتنا وقره اعيننا سيدنا محمد💕💕💕💕
عزام جالس قدام غرفه العمليات وهو تايه ومش مصدق اللي حصل
وليد بيطبطب على كتفه: ان شاء الله سليمه
عزام بحزن: يا رب انا هيجرى لي حاجه لو حصل لها حاجه وفي نفسه لاني اتاكدت اني بحبها قوي
وليد: ما تقلقش كده هتبقى كويسه بس قولي يا رب
عزام: يا رب والتفت لوليد وليد المسدس بتاعي كان فيه طلق فيشنك عايز اعرف مين اللي دخل غرفتي وغير الطلقات
وليد: تمام هنشوف الكاميرات لان ما حدش يعرف مواضيع الكاميرات دي الا انا وانت
عزام بوعيد: والله ما انا هسيب اللي عمل كده ويخلي غسق تضحي بحياتها عشاني
♡♡♡♡♡♡&&♡♡♡♡♡♡♡♡♡♡
في الكليه
سيلين: امال رنا انا ماجتش ليه النهارده
سما بترفع اكتافها: مش عارفه عمو حافظ قالي هي هتيجي معايا مشوار
سيلين: تصدقي يا سما انا مش بحب عمو حافظ ده ما برتاحش ليه مش عارفه ليه
سما: احساسي زيك كده
احمد: السلام عليكم ورحمه الله وبركاته
البنات: وعليكم السلام ورحمه الله وبركاته
سما: اهلا يا احمد اتفضل اقعد
احمد يلتفت يمين وشمال: لا انا حبيت اخد دفتر المحاضرات وهرجعه لك بكره
سما بابتسامه: قوي قوي اتفضل
احمد ذاب ف ابتسامتها: احم شكرا
غيث: في ايه
احمد بلجلجه: ايه ما فيش عن اذنكم
غيث بانفعال: في ايه يا سما
سما: ابدا ده كان بياخذ دفتر محاضرات بتاعي
غيث: واشمعنى انتي يعني
سما: مش عارفه روح اساله
غيث: طيب اسمعي لو ما بعدتيش على الولد ده هقتله لك
سما: وانت مالك محموق قوي كده ليه
غيث بزعيق: عشان عشان
سما: عشان ايه
غيث: عشان انت بنت عمي
سما بحزن:بس
غيث: بس ومشي وسابهم
بره الكليه رزق مستني البنات هو والرجاله
♡♡♡♡♡♡♡♡♡♡♡♡♡♡♡♡♡♡♡
في الفيلا
رنا: انا عايزه اعرف يا بابا ما خلتنيش اروح الكليه ليه
حافظ: كده ماليش مزاج تروح النهارده
رنا نظرت له نظره استغراب وخرجت من الغرفه
في مكان ثاني في الفيلا في المكتب
ابو عزام: انت بتقول ايه يا بابا
الجد: زي ما بقول لك كده شكيت من ساعه ما نهله قالت لي على اللي حافظ عمله معاها وفتحت قضيه اخوك ثاني من غير ما حد يعرف وطلعت بفعل فاعل قالوا لي في واحد اسمه رزق هو اللي قطع سلوك العربيه وعارف طلع تبع مين تبع حافظ جوز اختك
ابو غيث: يا نهار اسود يعني هو اللي عمل في اخويا كده
الجد: هم مش متاكدين بيدوروا وراهم دلوقتي وياما تحت السواهي دواهي
ابو عزام بوعيد: لو طلع هو اللي عمل في اخويا كده هقتله واشرب من دمه
الجد: عايز تضيع حياتك عشان واحد زباله زي ده كله بالقانون
ابو غيث: بابا عنده حق يا رفعت
ابو عزام: طيب ورحمه هنعمل فيها ايه ده بتحبه اه قوي وبتثق فيه اكتر مننا
الجد: هقول لها في الوقت المناسب بس مش دلوقتي
♡♡♡♡♡♡♡♡♡♡♡♡♡♡♡♡♡
عندليث
ما عادش شايف قدامه الا سيلين حتى الفنانه اللي واقفه قصاده بيحسها سيلين وفجاه غمض عينه
المخرج: استوب مالك يا ليث
ليث: معلش ممكن ناجل الشغل لبكره
المخرج: ما فيش مشكله
صديق ليث: مالك يا ليث انت مش طبيعي النهارده
ليث: مش عارف قلبي موجوده قوي يا محمد
محمد: استغفر الله ان شاء الله هيبقى خير
ليث: بيحط ايده على قلبه يا رب
♡♡♡♡♡♡♡♡♡♡♡♡♡♡♡♡
عند عزام
الدكتور خرج وعزام جري عليه
عزام بخوف: طمني يادكتور ارجوك
الدكتور: الحمد لله الطلقه كانت بعيد عن سلسله الضهر وهي هتبقى كويسه ما تقلقش
عزام ركع سجد: الحمد لله يا رب ما فجعتنيش فيها وقام من مكانه طيب اقدر اشوفها امتى
الدكتور: بكره ان شاء الله عن اذنك عزام هز راسه والدكتور ماشي وشاف من بعيد وليد وماهر ونسرين ومحمد ومازن وحسام
حمدي: طمني الدكتوره غسق عامله ايه
عزام: الحمد لله
كلهم: الحمد لله
حسام بخيث: حمد لله على سلامه الدكتوره
عزام: الله يسلمك
حسام: طيب عن اذنكم
وليد: عزام عايزك وبعدو شويه
عزام: عرفت مين
وليد: للاسف عرفت بس ارجوك امسك نفسك
عزام: انطق يا وليد مين اللي عمل كده
وليد: حسام هو اللي عمل كده شكله كان عايز يخلص عليك
عزام بانفعال: اه يا ابن الكلب وجاي يشمت فيا والله لاوريك
وليد: اهدا يا عزام احنا ناخذ التسجيلات اللي عندنا ونرفع قضيه عليه
عزام: ماشي بس مش دلوقتي اما غسق تفوّق ساعتها هفوق الكلب ده
♡♡♡♡♡♡♡♡♡♡♡♡♡♡♡♡
أنت تقرأ
سقوط الجليد
Romanceهو: دايما ف شغله مش بيفكر في اي حاجة غيره هي: تفكرها دايما اخواتها مبتفكرش في اي حاجة غيرهم يا تري هيتغيروا اما بقبلوا بعض تعالوا تشوف الاحداث
