داومت بمدينتي
وبيوم من الايام وانه راجع
وصادفهتا؟
من شفتك عفت
كل ناسي
وراية ..
أنت عندي
مو شخص واحِد
هواية ..
حدي يمك للنهاية
منين ماتندار أحبك
____
ام عيون
ياهي هاي؟
⁃ شفتها الصبح رايحه للمدرسه عيونها صفر
⁃ وين أكو عيون صفر؟
⁃ خايببب جوزيييات
⁃ جاي أحسك طايح على وجهك سولفلي
⁃ أچتافاتي للعباس ماتحله بعيني غيرها
⁃ شفت منها أنته؟
⁃ شفت أبوك أكله سحرتني عيونها
⁃ مادري بوضعيتك
⁃ نصار انه شفتها هيه واختك رايحه للمدرسه
⁃ اي
⁃ اذا تحاجي أختك تخليني اتواصل وياها ؟
⁃ جيلان لاتخبلني نشالله تريدني احاجي أختي هاي أعراض الناس
⁃ خاب شوف تحاجي أختك ورجلك فوك راسك خوش
⁃ ولك ماتصير هيج البنيه اذا عرفت أنته هيج تريد توصللها راح تكرهك ومستحيل تقبلك
⁃ تكدر تصم حلكك وتسوي الكتلك عليه ؟
⁃ ماشي
_______
بعد مرور يومين…
ها بشر
⁃ شبشر أختي تكول البنيه بعيده عن هل سوالف ومستحيل تتقل علاقه وحب تكول تضحك على طالبات من تسمع يحبن ههههه
⁃ ونته ليش تضحك
⁃ أضحك على وضعك وحالتك
⁃ ها تضحك على حالتي وانه صار يومين منتظرك أجيتني تضحك
⁃ لاوالله جيلان أحنه منطقه عشائريه حته لو حبيتها نهايتك شنو؟
⁃ حالي حال الي يحب ويزوج ويخلف أريد أشوف فروخي
⁃ تشوف فروخك جاي أكلك البنيه ماتحب هل سوالف
⁃ نصار يومين ماراحت من بالي وداعت أمي
⁃ جاي احس بيك راح اكلها شوفيها ماتحب الرسم وذا تحب ترسملها انته ؟
⁃ ايييي راسم
⁃ ماشي
⁃ خاب طيني حبه
__________
ضليت أباوعلها من بعيد وذب حسرات
واليوم الما أشوفها ماحسبه يوم
⁃ ماهي اليوم سباحة كلبي
رجعت للبيت ضايج ومهموم
لكيت أمي كاعد يم الصوبه
حبيت ايديها وحسيت بدفوها
⁃ وين جنت؟
بلعت ريچي وخذت نفس
______________
⁃ جنت يم نصار
⁃ وجهك متغير ماعاجبني شبيك يمه
⁃ ها مابيه شي
⁃ كوم غسل حته أصبلك غده
⁃ الكتاب مال جدي مال شعر الكاتبه وين؟
⁃ باليل ادوره الك
بعد ماكامت أمي عضيت أصبعي بحراره
أخخخ كون تكول اريدك ترسملي
—————————————
وبيوم الجمعة
سافرت ويه ابوي للعماره بالطريق
أحس روحي جاي تبتعد عن ولايتها
سومرن عيوني شوگ الها
بعد ماستقبلنه حجي ماجد
سال أبوي عني..
⁃ منين هاذ الاسمر الحلو
⁃ هاذ جيلان أبني
⁃ ماشاء الله كبران وطالعاتله شوارب
⁃ بيا صف جيلان
⁃ انه بلخامس وبطلت ماكملت أعداديه
⁃ جاي ندورله على مره
⁃ انه اطيه بتي وبلاش ماريد مهر
⁃ أتشرف بيك عمي بس انه ماريد ازوج هسه
خزرني ابوي حسسني جاي أغلط بكلامي
ثاني يوم رحنه للبر
بقينه يومين لمن هدء الجو
وضلو يرمون على هدف صغير
أخذت البندقيه من أبوي
ونيشنت على الهدف
كطعت الخيط المشدود بالهدف
تفاجئ جحي ماجد لتسديداتي
جنت أمارس الرمي كل فتره بأماكن فارغه
________
بعد مارجعنه من سفرتنه تواعدت وي نصار
أشوفه العصر
وهنا صدمه الجبير
كال اكو خطوبه عدهم وأختي معزومه وعازمه اختك هم
⁃ زين نصار خاف هيه خطبوها والمشكله اذا اسئل اختي تشك
⁃ جيلان كول يالله يجوز اقاربها بت خالها بت عمها منو يكول هيه
⁃ لا ابد كلبي ما مطمن احس راح تروح من ايدي
⁃ زين هيه الخطوبه يوم الجمعه
⁃ ننتضر ونشوف ويجوز اختي تكلي علمود اخذها الهم
⁃ هاهيه ما دام هيج انتضر واشوف نشاء الله مو هيه
بعد مرور ايام
⁃ ملاك جيلان ماتكدر تاخذني لخطوبه صديقتي
⁃ صار بس شوكت حته خاف عندي شغل
⁃ اليوم العصر ساعه ب 2
⁃ تمام
___________
صارت ساعه ب 2
وطلعنه انه وملاك ب سياره وصلنه
لبيت الي راح تصير بي الخطوبه
وناس هواي دخلت ملاك واني كلبي بيه نار
خاف هيه بس لا هيه الي خطبوها
مرت ساعتين وانه منتضر
ملاك تتصل حته اخذها
من الخطوبه تاخرت عليه وما تصلت
رحت للبيت الي بي الخطوبه
ودكيت الباب مره مرتين
وجان ينفتح الباب طفل
عمره تقريبا خمس سنوات
باوع واشوفها كدامي!!
تحجي هيه وبنيه اني هنا نصدمت
وعيوني اكلتها اكل وانه اشوفها واكفه كدامي وشمس تضرب ب وجها
وشكلها وشعرها الي يوصل لحد ركبتها
وجانت لابسه فستان بارز بياضها
وجسمها بي
وانه بعدني ب صفنتي وطلعت اختي
وسلمت عليها وباستها وفجاة
نتبهت الي وأني اباوع
ودخلت بسرعه ما تدري
انه من زمان واكف وصافن عليها
اجت اختي وياها الخبر الي فرحني
بعد ما سئلتها عن الخطوبه
ومنو الي نخطبت
وجان تكول الخبر الي اني اريد اسمعه
الخطوبه لبنيه اسمها نور كلتلها
نور الي سلمت عليج قبل لانطلع
⁃ لا هاي بنت خالتها أيان
⁃ يعني هذا بيت خالتها
⁃ اي هاي بعيد بيتهم مو هنا
ورجعت ملاك لبيتنه وانه
بقمه السعاده ورحت لنصار اهوس
______
⁃ نصار ها شبيك ولك
⁃ ولك مو هيه المخطوبه بت خالتها
⁃ همزين عندي الك اخبار اليوم
⁃ اختي سولفت الها عليك وقررت تساعدك
⁃ شلوووون
⁃ تكول اي عدنه رسم بالماده الجايه وراح اكلها رسام صديق نصار يرسملنه
⁃ بس نصار هذا احتمال ضعيف كلش
⁃ لاجيلان تفائل
⁃ الله كريم
________
