رجعت للبيت وشفت أبوي يصلي
بعد ماغسلت كالتلي أمي أبوك سال عليك
⁃ جيلان
⁃ ها بويه
⁃ تعال
⁃ اليوم حاجيتلك ابو ود علمود امك تروح تشوفلك بته ونخطبها الك
⁃ بويه ماريد اتزوج وهنا حسيت بحه طلت بصوتي
⁃ بويه اريد اشوف ولدك قبل ما اموت شني كل ما اكلك تكلي ماريد لاتعبني جيلان خوش
سكتت والحسره شگت صدري
________
يعبرني السكوت شراع لعيونك
وأضم عن شوفتك تعبي
وأجيس چفوفك الحلوه أغاني وشمس عصرية وشعر شعبي
وحدر فَي الزلف عصفور أذب تعبي
وأفز والگاك مو يمي وأكفر بالصحو الباگك من عيوني ولچم گلبي
غصن عطشان يا گلبي
يا صاحب المتعوبين يا گلبي
هايم مثل المتيهين يا گلبي
⁃ الله صاير شاعر؟
⁃ نصار وخر عني كلبي محترك من ليلة البارحه ماشافت النوم
⁃ ليش هاي شبيك؟
⁃ ابوي رجع فتح الخطبه وسالفة الزواج
⁃ عندي خرزه مال رزق اجيبها الك
⁃ حطها ب… بحلكك نصار انه بيا حال
⁃ زين حاجي امك عليها
⁃ نصار اخاف اخاف ابوي يكول ابني يباوع لبنات العالم وملطلط
⁃ شوف جيلان هوه انت صدك ملطلط بس حاجيها ماتخسر شي
__________
طلعت البنات وانه كاعد أنتظرها
هسه تجي أيان
طلعت هيه وصديقتها
يسولفن ويضحكن
لابسه خليجي والوجه أبيض جنها جماره
چنت اضن گلبه مثل گلبي يحس
باوعتلي وحسيتها عرفتني
نفسي الجنت اباوعلها من الباب بالخطبه
مرت من كدامي ورجلي ضلن يرجفن
مخليه الكتاب على وجها عن الشمس
خل اصجمها
لو أعرف أبوي يطرني من البيت
أثكل شويه يكلبي
بهل أثناء مالزمت روحي
خايبه على شفافج يحلوا الحمره سجدت
اول مره تصد عيوني بعيونها عن قريب
أبتعدت عني وحسيت مضيع ديرتي
رجعت مصوب ومتعوب
موبس واهسي المكسور
خلكي وخاطري وگلبي
______
بعد معانات وقهر ..
خطبلي أبوي بت صديقه ورحت
_____
مثل العنده نايبه اشوفها خليت حلقتي بيدها
حسيت الفرح مالهم چتال اليه
رجعت ودمعتي بعيني
نخيت العباس أبو فاضل بحسرت وقهر
خلصني وجمعني بيها يبعد روحي أنته
ونذر مني أجيبها الك وشدلها علك من حضرتك
——————————————
بعد مرور شهر
تغيرت حالي ولزمت الفراش مرض وارهاق
لحد ماوصلت لباب مسدوس حجيت لمي عن حبي لهل ابنيه وجانت اول حجاتيها مثل ماجنت متوقع
يافشلتنه كدام العالم
وكدام المشيه الخذنها تخطبلك
سمع أبوي بالخبر ومن كد الصدمه دخل مستشفى وره يومين دزولنه خبر أهل البنيه ماراح نطي بنيتنه لواحد سرسري ويلحك بنات
رغم فرحتي خلصت من الخطوبه بس هاي الكمله وطيحت ابوي أثرن على حالتي وبقيت اعاني بفراشي وتوجهت لسبع الگنطره وكتله مثل ما بردت صدري كوم أبوي وردله عافيته
____
أيان
بعد مرور فتره جنت كاعده اني وصديقتي كالت سما - ايان اريد احجيلج شي وهل شي يخصج ياريت تتفهمين وما تاخديها بغير نضره
أيان:سولفي شصاير
سمًا:تعرفين اخويه نصار صديقه شايفج اني وياج ومعجب بيج ويريدج وحاجاني البارحه نصار وكال سولفيلها بلكت تكدر تتقبله
أيان:هاي شنو زين منو هوه ؟
سمًا :اسمه جيلان ابن شيخ فلان بيتهم قريب علينه ويشتغل ب الامن وطني وتدرين يراقبج كل ما ينزل لهله لبارحه نصار سولف سوالف ضليت صافنه كلت حته ما حاجيه وياه وهيج سوه شحال لو حجت
أيان:وشسويله يعني؟
سما - أنتِ مو قبل فتره ردتي ترسمين لوحه ودورتي ب بيجات ماكو خل هوه يرسم الج وتعرفو وحته حسابه عندي ادزلج ياه
أيان:مادري افكر
ودزتلي الحساب دخلت وجان انصدم اشوف نفس الشخص الي جان يباوع الي بيوم خطبه نور وقبل فتره شفته هم يباوع
كلت لازم اعرف شنو الموضوع
جنت مخليه حسابي خاص وكم شخص متابعه الي اعرفهم ونشر بي صوري
جنت مخليه صوره بيها وجهي بس مغطيه شوي منه وتابعته ورا ساعه رد المتابعه
جنت ناشره صوره الي واغنيه رتك تمر
ضيف /فؤاد سالم
ورحت دخلت ع هايلايت
جان ناشر رسامته
جذبتني رسمته لشهيد صفاء السراي
اخذت سكرين ودزيتها اله
وكتله السلام عليكم
عادي ترسملي هيج رسمه؟
بعد ما رد عليه بكل احترام
وضلينه نحجي وعرفني وجان ماتنوصف فرحته
كتله اني احب الاغاني القديمه
وضلينهه نتبادل كلام
وطلعنه نشابه بكلشي اخذت فتره بتعدت
ومر ع كلامنه شهر كامل وراها رد ع ستوري وسلمنه وضلينه نحجي
ونسولف كلشي وراها بكم يوم
صعدنه اتصال وهنا حسيت بحبه الي بصوته الدافي
بس جان كلامنه عادي ومجرد نتناقش
ضليت مايمر يوم اله احجي وياه
وتعلقت بيه بعد 3 اشهر صادفت
1/1راس السنه
___
جيلان
⁃ عندي كلام وياج بليل ساعه 12
⁃ ماشي راح اروح اقره وراسلك بعدين
⁃ تمام
_____
أيان
مرت ساعات ورجع حاجاني بحجاياته الدافيه
يا بعد امهاتي
يا براد الماي من تنشف لهاتي
وما تعديت اعله حك روحي وخذت منك وردتي
ولا توسلتك تفل منك شبكتي !!
بس لون..بيه ابكثر مابيك .. جا سالت دمعتي
يابو المقلم على التلوين
جف ابيض سماوي
يا فرع مسكون وكلوبه ضوي ..
ونفذاته تطلع عالكهاوي
آنه احس تتهدم اكتاري .. كتر يهدم كتر
واثبت
وطول الشمس .. جواهه ابشبر
عن لا تكول الناس داوي
ولك يالكلك بلاوي
وخاطرك والخاطر المرسوم بجفوفي
وشم
بطلت اخاوي !!
