انا : حطيت يدي على كتفه كنك
صالح : من غير مقدمات ضربني كف
انا : حطيت يدي علي وجهي وعيوني مليانه دموع
صالح : نهارك امغبر اليوم توا انوريك انا مكنش اسمي صالح كان معدمتك حياتك يا فاسده
انا : وعيوني مليانه دموع انا شن درت ليش أدير فيا هكي مش انا أمنه عندك انا والله ما درت شي غلط
صالح : تعرفي اتسكري خاربك ولاانخربلك وجهك
قعدنا سكتين طول الطريق وانا تبكي وخلاص وصلنه الحوش ............
خشيت لقيت عميمه امال ورغد في وجهي ومبتسمين نص ابتسامه
^^^^^^^^^^^^^^^^^^^
استب لحظه من رغد وامال ؟
رغد بنت خالي وعميمه امال مرات خالي فتحي يسكنو فوقنا
عمرهم ما حبوني مش عارفه ليش
^^^^^^^^^^^^^^^^^^^^
بحت فيهم وخشيت الدار جت في جرتي رغد
رغد : كنك تبكي
انا : مدخلكش خليك في حالك
رغد : خشت وسكرت الباب بحتي اروي انا وياك وزمان طويل مزال يما جايه هذي بدايه تحملي يا سمحه
انا : ليش رغد شن درتلك انا وعيوني مليانه دموع
رغد : انتي سرقتي مني كل شي انحبه وأولهم عادل
انا : عادل كيف يعني تعرفي انتي ؟
خش صالح
صالح : رغد شن جايه اديري هنا ؟
رغد : صالح جايه انصلحها طردتني وقعدت تهزب فيا وبدت تبكي
انا : والله كذابه صالح والله
صالح : حضن رغد وحبها فوق راسها معليش اتسيبينا بروحنا
رغد : بكل برائه حاضر
صالح قرب عليا ومسك شعري
انا : اه صالح اطلقني مدرتش حاجه انا
صالح : تعرفي ية اروي اتجي شور رغد مرا اخرا نهارك هذا غير الموضوع يلي مغبرتي انتي
انا : اول شي صالح اطلق يدك ومتضربش وانا مش دايره شي وهذي صالح وصيت بابا يلي وصاك عليا هذي صالح أخرت الشي يلي درته كله معاك اول مرا اتمد يدك عليا وتبكي بشهقه
صالح : بصوت عالي نحترمك بعد تحترميني يا اروي وطيتي بي راسي يا ارويييي وخذي التحفه وكسر المرايه
انا : حطيت يدي علي وذني ونزلت ونبكي
صالح : ا حمددددد يا اروي انا امال اتجي اتقولي لم بنت اختك را تجري ورا ولدي
انا: بحت في والله كذب والله انا ما عندي الحركات هذي يا صالح
صالح : لمي دبشك وامشي لي امك انا معش بنتحمل مسؤوليتك
وسكر الباب ورا
انا من كلام رغد وكلام صالح معش قادره نستوعب يلي قالو اتقول حد عطاني كف ومعش قدرت انصبي منه
^^^^^^^^^^^^^^^
وين امك اروي كيف امسيبتك هذا كله ؟
هههه ماما شن بتحكيلكم يلي من اول ما مات بابا خذت الفلوسه وجوزت علي طول عمري ما حسيت انها امي غير تعطي فيا فلوس وبس تعرفو انا منبش فلوس انا نبي حنيتها
امك جابت خوت من طارق ؟
لالا لان جوزهم كان علي مصالح توا نحكيلكم عليها بعدين
^^^^^^^^^^^^^^^^^
عند رغد وعميمه امال :
رغد : شفتي يا ماما شن قاللها امشي الامك سمعته توا
امال: اكيد بصلحها وخطتك بتمشي علي الفاضي
رغد : ماما اسكتي ومتفاوليش
امال : تعرفي من شن خايفه ان اروح احمد من المعسكر ويساله وبنطلعلو كذابه اصلا حرام اروي انا غلطانه ان سمعت رأي وحده فرخه
رغد : لو صالح سأل احمد وقتها توا انلقيلها حل وانا اصلا مش عارفه ليش اتحبوها هل كثر را سوسه وحيه هذي
فتحي : سلام عليكم! من حيه هذي
امال : لاا نحكو علي بنت في المسلسل
فتحي: المسلسلات يلي واكله عقولكم عدو حطولنا الغدا ونادو اروي اتغدا معانه
رغد : مش لزم اروي اصلا تلقيها راقده من الجامعه
فتحي : انا قلت كلمه بتنزلي اتنديها حتا لو راقده
امال : خلي البنت براحتها فتحي كنك
فتحي : ربي اطولك يا روحي رغد انزلي يا فرخه
رغد : حاضر يا حبيبي وحباته من خده وطلعت من الباب
رغد طبعا مستحيل اتكلمني كانت صبت يلي الباب وخشت من جديد وقالت لي خالي فتحي مردتش عليا
^^^^^^^^^^^^^^^^^
عند صالح :
صالح : ايوا هديل كيف حالك
هديل : تمام صالح شن في خير
صالح : بنتك بتعيش معاك را بنعزقها لك في اليل
هديل : شن دارت كنك تدوي هكي
صالح : يلي عندي قلته وسكر الخط
أيوب صاحب صالح: اووي يا طوير كنت تحكي مع من طرف جديد
صالح : يارا تعرف اتخطاني
أيوب: كنك مضايق انت
صالح: خاربك سكره منبش نحكي
أيوب: براحتك بس الجماعه طلعين امشرق بكرا شن رايك
صالح : تم اصلي بكلل توا نمشي معاكم
^^^^^^^^^^^^^^^^^^
انا من كثر البكا رقدت محستش بي روحي وحلمت حلم غريب ان جي واحد عطاني لبن وقالي متزعليش وانا في الحلم فرحانه ان حقيته نضت فرحانه ورنيت علي عادل المرا الاوله مردش الثانيه الثالثه مردش قلبي وجعني كتبتله رساله :
حبيبي دولتي انا قلقت عليك طمني عليك حبيبي
ورديت لميت دبشي ودوشت ونستنه في صالح
^^^^^^^^^^^^^^^^^
موسي : السلام عليكم ورحمه الله السلام عليكم ورحمة الله
سهام : تقبل الله يا ولدي
موسي: مني ومنك يا اجمل ام في الدنيه وحب اديه
سهام : نبي انقولك شي موسي
موسي: انشاءالله خير احكي مريضه لا قدر الله فيك شي
سهام : لاا يا وليدي بس انا نبي انجوزك انت عمرك ٢٩ سنه ومزلت ما فكرت في الموضوع
موسي : شنو يا حاجه تبي تفتكي مني ههههه
سهام : لاا وغلاتك عندي بس نبي نفرح بيك
موسي : انشاءالله خير توا انا طالع نلعب كوره مع الجماعه ونوعدك بنفكر في الموضوع
سهام : ربي يحميك يا حبيبي
موسي : حب فوق راسها وخليك ليا يا طاهره
وطلع الشيخ موسي من الحوش علي تدريست صالح بالسياره وهوا دق الباب ومسك يدي وقال:
صالح: معش بنشوف وجهك يا اروي حتا لو كنتي اتموت ما اتكلميني مفهوم
اروي وانا نبكي : امم حاضر
عزق شنطتي الباب بقوه
قرب الشيخ موسي وقال: ........
# قرأه ممتعه
#Nana mosa
