سأدمر غرورك بعشقي لكي❤
الحلقة الثانية
كانت تجلس معه ويختلس هو نظرات جريئة و يتمعن في جمالها وكانت هي تنظر له بتكبر و غرور وكان يعم الصمت حتي قطعه سيف
سيف:قولتلك قبل كده انك بتاعتي انا وبس
ميرا:تصدق ضحكتني ...اسمع بقي ..انا مش هتجوز غير اللي انا اختاره وبس انا اصلا قاعدة معاك ناو عشان دادي بس مش اكتر
سيف:ماشي يا ميرو بس صدقيني انتي الخسرانة
ميرا بانغعال:الزم حدودك لو سمحت!!!اسمي ميرا!!
سيف بعصبية خفيفة:ماشي يا ميرا بس بردو انتي الخسرانة!
ميرا بسخرية:لا متقلقش ميرا احمد السمري مبتخسرش ابدا..
وهنا دخل احمد ووالد سيف
احمد:ها يا ولاد اتفقتوا؟
سيف بغيظ:اه طبعا اتفقنا جدا يا انكل ..مش يلا يا بابا نمشي
والد سيف:عن اذنك يا احمد باشا
احمد:اتفضل
نظر لها ليراها تبتسم بانتصار وصلهم لباب القصر ثم اغلق الباب
احمد: ها يا ميرا ايه رأيك؟
ميرا:اظن انت عارف رأيي كويس يا دادي مش موافقة ..عن اذنك
احمد :ماشي يا ميرا ..
تركته وصعدت عالسلم و دلفت غرفتها الفاخمة و امسكت بهاتفها لتتصل بصديقتها المقربة
ميرا:هاي يا لولو
لين:لولو!!؟..يبقي اكيد طفشتي سيف
ميرا:ههههه دايما كده فهماني
لين :طب قوليلي عملتي ايه
قصت لها ميرا ما حدث بالتفصيل الممل فانفجرت لين ضاحكة
لين:ههههههه كنت عارفة انك هتعملي كده
ميرا بغرور:ده انا ميرا يا بنتي مش اي حد
لين:ماشي يا ستي ..هتروحي بكرة الشركة؟
ميرا:اممم..لا ..عايزة ازاكر الاسبوع ده فغالبا مش هروح ..وهخلي المساعد بتاعي(المدير) هو يكون المسئول عنها في الاسبوع ده..
لين:اوك يا ميرا انا هقفل بقي عشان اذاكر
ميرا:اوك باي يا لين
لين:باي
واغلقت ميرا مع صديقتها المقربة لتتذكر ما حدث قبل قليل و تبتسم ابتسامة نصر تدل علي غرورها وتكبرها فها هي ميرا صاحبة العيون الخضرااء الواسعة والرموش الطويلة والكثيفة ..لكنها احست بالضعف سرعان ما تذكرت حبيبها السابق وكيف تركها وحدها وسافر لبلاد بعيدة لكنها نفضت تلك الافكار من رأسها فإنها ميرا ..كيف تكون ضعيفة..!!؟
نامت بعد ان بدلت ملابسها ..
في امريكا..
يجلس وهو يتصفح مواقع الانترنت ليدخل عليه والده
كمال:مش هتفطر يا باسل(فرق التوقيت بين مصر وامريكا)
باسل:حاضر يا بابا جاي وراك
اغلق كمال الباب ليعاود باسل تصفح مواقع الانترنت وبعد قليل قام ليرتدي ملابسه ثم نزل ليجد والده يجلس و يقرأ الجريدة وينتظره لتناول الفطور
باسل:صباح الخير
كمال:صباح النور
وجلسوا ليتناولوا فطورهم مع كوب عصير و حل الصمت حتي قطعه كمال ..
كمال:احنا هنسافر مصر الاسبوع الجاي
باسل:ليه يا بابا انا مش فاهم ..انا معرفش حد هناك حتي عمي عمري ما شفته
كمال:لا هتنزل عشان الشراكة اللي بيننا وبين عمك وعشان تشتغل
باسل:اشتغل!!! انت عارف يا بابا اني مليش في الحوارات دي
كمال:لا هيبقي ليك وهتشتغل وتاخد مرتبك زي الموظفين
باسل:طيب يابابا
انتهي من طعامه حتي قال لوالده
باسل:انا خارج
كمال:باسل انت بتجيب بنات هنا
باسل:.........
كمال:انا شوفتك امبارح مدخل بنت في بيتي
باسل:اسف يا بابا مش هتتكر تاني
كمال :اتمني
باسل:عن اذنك
كمال:اتفضل ..
خرج من البيت ليتصل بصديقه المقرب
باسل:ايوة يا لؤي انت فين
لؤي:في البيت
باسل:معاك حد
لؤي:لا
باسل:طب انا جايلك
لؤي:اوك مستنيك
اغلق مع صديقه وركب سيارته الفارهة ذات اللون الاسود...
_____________________
كان يجلس في مكتبه يمسك بعدة اوراق يتفحصها جيدا حتي جاء له هاتف
احمد:الو
كمال: ازيك يا احمد
احمد:كماال ازيك عامل ايه يا اخويا
كمال: الحمد الله يا احمد اخبارك انت ايه
احمد:تمام اوي ..مش ناوي تيجي ولا ايه
كمال :ما انا متصل بيك عشان كده..انا جاي الاسبوع الجاي مصر
احمد بفرحة:ده احلي خبر والله يا كمال مستنيك
كمال:ماشي يا احمد مع السلامة
احمد:مع السلامة
_____________________________________________
في الصباح داعبت الشمس وجهها لتستيقظ في تفائل و تأخ حماما دافئا وترتدي فستان احمر قصير و تصفف شعرها وتتركه منسدل علي كتفيها....
لتنزل الدور الارضي لتجد امها وابيها ينتظرانها لتناول الفطور
ميرا:صباح الخير
احمد ونازك:صباح النور يا حبيبتي ..
جلست لتتناول طعامها في صمت تام حتي قطعه احمد ..
احمد:اخويا كمال هييجي مصر الاسبوع الجاي
نازك:يااه ده بقالوا كتير اووي منزلش
احمد:وحشني اوي والله
ميرا:كمال مين يا دادي
احمد:عمك يا ميرو ..
ميرا:اهاا..هو انا شفته قبل كده؟
احمد:هو سافر لما انتي اتولدتي امريكا و اتجوز هناك وعنده ولد واحد
ميرا:اهاا..اوك انا رايحة الجامعة بقي ..
احمد:ماشي يا حبيبتي يلا
نازك:خدي بالك من نفسك
ميرا :حاضر يا مامي باي..
خرجت من القصر لتركب سيارتها الحمراء اللون..
وفي طريقها رن هاتفها ...
ميرا:الو
لين:انتي فين يا ميرو
ميرا:انا خلاص وصلت الجامعة انتي فين؟
لين:في الكافتيريا مستنياكي..
ميرا:اوكي انا جايالك باي..
لين :باي ..
ووصلت جامعتها ودلفت لينبهر بها الجميع وبجمالها كالعادة ...فهناك من ينظر لها باعجاب وهناك من ينظر لها بحقد وغيرة فتزداد هي ثقة بنفسها...
ووصلت للكافتيريا لتجد صديقتها لين بانتظارها..
ميرا:هاي يا لين
لين:هاي يا ميرا بس ايه الشياكة دي
ميرا بغرور: طول عمري علي فكرة ..
لين:ده الجامعة كلها مش بتجيب غير في سرتك ده حتي دنجوان الجامعة
ميرا:ومين ده كمان
لين:واحد معانا هنا بس وسيم جداا
ميرا بغرور:ما انتي عارفة يا لين محدش يقدر يقاوم جمالي..
اتاهم صوت من خلف ميرا..
.........:ليهم حق الصراحة
