بسم الله الرحمن الرحيم
هذال بخوف: اسامه ليه تطلع انت تعرف ان اليوم برايــــــم اخاف يستبعدونك
اسامه: ماعليك اهم شي صحتك والله مااخليك تتوجع وانا جالس اناظر فيك
هذال مسك كتفه بقلق: من ويـن طلعت؟! قدام كاميرات؟
اسامه هز راسه: ايه من وين بطلع خلهم يسوون الي يسوونه انت كنت تعبان وش اخليك كذا
هذال لف وهو يزفر : ياربي سترك الله يهديك يااسامه الله يهديك ليتك مخليني تعبان ولاطلعت قسم بالله لو يستبعدونك مااسامح نفسي...
اسامه جلس ببرود: يارجال مابيصير الا الي كتابه ربي اهم شي عندي انت... بعدين تخيل وش شفت
هذال جلس بجنبه: وش؟
اسامه: ناصر وفاهد وسعود طلعو من برا المنتجع تخيل طلع فيه طوبات يوخرونها ويطلعون وفي سيارة برا تنتظرهم
هذال بتفاجأ: بالله!!!!!
اسامه: اي بالله
هذال: الساعة كم الحين
اسامه: مدري خلنا نروح نصلي ظهر
هذال وقف: قدام
طلعو للإدارة اول شي ياخذون لهم مايكاتهم وراحو للمسجد المتواجد في المنتجع وصلوا وكانه وقت فقرة الطبخ وفيها المتسابقين والباقي نايمين.
خلصو صلاة الظهر وانسدح هذال بتعب وراسه في حضن اسامة وقال: بلله يااسامه اقراء علي قرآن احس اني مخنوق وتعبان
اسامة: سلامتك ماتشوف شر الله يشفيك ويعافيك ويعطيك الصحه والعافيه .
اخذ المصحف من جنبه وبدأ يقراء قرآن بصوت جميل وهو يحرك يده بعشوائية على راس اخوه وصديقه هذال الي مغمض عيونه وهو يحس بخمول وتعب
ويحمد الله في سره الي رزقه بأخو دنيا وصديق مثل أسامه الي مستعد يسوي المستحيل لجل يكون بخير
بقي هذال يسمع للأيات بتمعن وهو يستشعر كل كلمه
المخرج شافهم من عنده من الإعداد وحول الكاميرا عليهم وهم مايعرفون
والمقدم والمتسابقين في المطبخ شافوهم من الشاشات
وابتسموا على علاقتهم الأخوية الصادقة
ورجعت الكاميرا على المطبخ وكملو فقرتهم
.
.
.
#على الساعة 4:00 م
وقف ياسر سيارته عند باب الفلة ونزل بأرهاق وسكرها
ودخل سمع صوت ابوه من مجلس الرجال راح له ودخل: سلام الله عليكم
الجد بفرحه: وعليكم السلام ورحمة الله وبركاته ارحب تراحيب المطر
ياسر ركض له يبوس راسه ويسلم عليه: بقيت ياتاج راسي ومحزمي بقيت يابوي
ناصر بأبتسامه: اي والله الي مرحبا بك وينك مختفي
ياسر يسلم عليه: مرحبا بك تراحيب المطر كيف حالكم
ناصر: الحمد لله ننشد عنك
ياسر: الحمدلله بخير.. وين حمد وعياله
الجد: حمد في الشركة وعياله كلن بشغله
ياسر: وش شغل فهد ماعنده شغل الا اكيد تاكي مع عبد الرحمن ههههههههههه
ناصر ابتسم: اي بلله صاير مهمل لجامعته ومغير مقابل لعبد الرحمن
الجد: من يوم دخل اسامه البرنامج وهم كلهم متغيبين لافهد ولا البنات
ناصر ضحك: الله يهديهم
ياسر وقف: خلني ادخل اسلم على امي وبرجع
الجد ابتسم له: خذ راحتك
راح ياسر لداخل وهو يطلع صوت عشان لايكون به احد داخل
وماكان فيه إلا زوجات اخوانه حتى رانيا مو معاهم
الجده بفرحه: ادخل ادخل يمه مابه غريب
ياسر دخل: السلام عليكم
الجده: وعليكم السلام ورحمة الله يامرحبا والله ياهلا ويامسهلا
ياسر يسلم عليها: شلونك يمه عساك طيبه
الجده: الحمدلله ماانشد الا عن حالك ياامي عساك طيب وش فيك اختفت اكلني قلبي عليك
ياسر: الحمدلله بخير والله كان عندي شغل
لف لحريم اخوانهم: كيف حالكم يام اسامه وام نايف
ام نايف: الحمدلله طيبات
ام اسامة: الحمدلله بخير انت عساك بخير
ياسر: الحمدلله إلا وين البنات مشتاق لهم بسلم عليهم
الجده: والله ياامي طالعين للسوق كلهم بيقضون لهم بعض الأشياء
ياسر ابتسم: الله يعينهم يلله يمه انا بطلع لبوي خذو راحتكم وان شاء الله بجيك اجلس معاك الليل
الجده: استودعتك الله
أنت تقرأ
مابعد الصبر إلا الجميل
Fiksi Umumرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
