⁦♣️⁩⁦♥️⁩مخالب طاغية ⁦⚜️⁩🔱( جزائرية )

الكاتبة:♣️❤️أمل مينا♣️❤️ 🔞🔞#ممنوع_النقل من دون إذني 😊

علابلي كاين لي يعرفني هنا وكاين لي لضك مايعرفونيش بصح معليش صح من خلال كرونيك تعرفوني منطولش عليكم اكثر ندخل للموضوع 😁
كيما علابلكم كامل كي يتلم انسان يدير شر مع انسان يدير خير تصير كاينة بيناتهم شرارة وحقد من طرفين لذلك رايحة تتجسد في هاذي كورنيك تنوع بين خير وشر وبين صدق وكذب منحكيش اكثر باش يبقى تشويق 😁💞
نبدالكم من خلال تعريف شخصيات كرونيك هاذي :
روان:
عمرها 25 سنة تحب افلام رعب ومعروفة بكلمة متهورة وصادقة وهذا سبب لي راح تعرفوا اذا كان حيقلبلها حياتها من فرحة لحزن ولا راح يخليها كيما هي!
زينة :
سبحان الله في جمالها اسم على مسمى طفلة مراهقة عمرها 18 سنة تحب كل حاجة مرتابطة بشعر دارهم يعيطولها شاعرة لكثرة الشعر لي كل مناسبة وكل كلمة يقولوها تألف شعر من حبها شديد لنفسها وصلت انو كتبت على روحها 😂
حورية :
بنت خالت روان وزينة شخصية صادقة حنينة بزاف عمرها 22 سنة تحب لخير لناس كامل ورائحة يكون عندها دور كبير فلحكاية ( هههه نخليهالكم مفاجأة)❤️
اسماء :
بنت محبوبة من طرف كبير وصغير عمرها 23سنة تحب رويات ومغرومة بيهم من حبها ليهم الفت عدة كرونيكات من بينهم كرونيك حطام 💞 عمرها
نعيمة :
ام روان وزينة انسانة زهوانية تحب ضحك وتحب خير لولدها كاكل ولدين عمرها 46 سنة تحب حلويات رغم مرضها بسكري الا انو هي تاكل حلويات او ترقد 😅
سعيد:
راجل نعيمة انسان متدين يصلي ويخاف ربي وكل صلاة ليه يدعي لولدوا بلخير او انو ربي ينورلهم طريقهم عمروا 60 سنة رغم التزموا وحبوا لعائلتوا ومرتوا الا انو مع اسف رايح نكتشفوا اسرار عليه مع بعض ماعلابلو بيهم حتى شخص 😁
اكسل:
عمروا 30 سنة معروف بلانضباط وصرامة ويكره لي يتحداه ويفرض عليه شخصيتوا ولا يقولوا لالا دايمن عندوا هو صح ومكانش لي يخاف منو كل عائلتوا يخافوه كبير وصغير ومبعد تعرفوا سبب الرئيسي لخوفهم ليه وسيطرتوا متواصلة ليهم كامل 🙂
لكبيرة ذرة :
جدة اكسل ام باباه عمرها 79 سنة تحب احفدها لدرجة انو تقدر تدير اي حاجة مهم يكونوا مرتاحين
ومن بينهم انو مدت كل ماتملك لأحفادها (هههه اللهم جدة كي جدتهم هههه )
بصح ياترى راح تكون طيبة ولا شريرة ؟!