⁦♣️⁩⁦♥️⁩مخالب طاغية ⁦⚜️⁩🔱( جزائرية )

الجزء الرابع واخير ⚜️ رابطة الحب ⚜️

الحلقة 79:
أسماء : طفلة في عمرها 27 سنة زوجت رسيم تخدم مهندسة 
رسيم : عضو في مخابرات جنرال 2 بعد اكسل وعضو مهم المخابرات معتمدين عليه بزاف في مهمات لي تكون صعبة لأنو ذكي وشيء لي يميزو كونو يعرف التكنولوجيا يقدر يفك اب عفسة يهكر حسابات بلتخبية او يبعث سلاح او دراهم لفلسطين
*نرجعو لعند روان :
صبحت صباح ناشطة بعد زغاريت او اختها زينة لي صبحت عند راسها بلبخور او صلات على نبي او غناء شاوي او راي لي صبح على صباح ربي بنات جيران  يشطحو حابين يشاركوها فرحتها ونفس وقت كشما يكابتيو حتى هوما راجل او يروحوا خاصة عرفو بلخير لي عندو راجلها
دخلت حورية لبيتها او تحوس عليها قالولها اي تدوش باش تروح للحفافة
ريحت تستنى فيها فلبيت حتى تخرج حتى صونالها تيليفون لقاتو أسامة
أسامة : وينك حبي توحشتك يوم
حورية : اني عند روان رحت للعرس نزهى شويا
أسامة : رحتي وش حتلبسي فيه ابعثيلي تراه نشوف
حورية : هيواه بديناها قتلك بارح نلبسش قش معري ( او هي في قلبها وراس حبي مانلبس كان لمعري او خوه يوم يوم فرح يوم واحيد لي  نقدر نلبس وش نبغي فيه بلاما نتحاسب)،شافت روان خارجة بلمنشفة وتشوف فيها متوقعتش تجي كيععاد قلتلها مخلاهاش أسامة تجي
روان : حوحو توحشتك حبي
بعدما دارت عندها حورية شافت فيها قاتلو هيا صحة مبعد نعاودلك حبي
روان : الله الله حبي امور متطورة اكلبة ماحكيتليش
حورية : كشغل نتي حكيتيلي اصلا والله كلشي بلخف صرى خطبة جات مزروبة كثرمن تاعك بصح عرس وعد انتي قبل ناس كامل اذا خلاك موسيو تاعك
روان : الا كي نروح لدارو تولي شورة شورتو او راي رايو حابتني نطلقلكم في نهار 😂😂
وديجا مانعرف كيفاش مزال ماعطيليش يوم
حورية : مهم مبروك عليك جبتلك حاجة صغيرة تذكار مني ليك حبي ...جبتلك خرزة زرقاء كي لون عينيك على عينين لعديان بلاك ربي بيها يبعد عليك عينين ضر او شر ..
روان: علاه تعبتي روحك ختي راكي قبل ماتكوني بنت خالتي ولا صاحبتي عشيرة عمري ،نحبك اكلبة
(اه يالبنات محلاها تكون عندك صاحبتك ثيقة او كيف اختك تحكيلها كلشي بلاخوف ومهما كان بعدك عليها بصح مجرد انو تتواصلي معها تنساي روحك ودنيا كامل 🥺❤️)
أمل مينا ♥️