⁦♣️⁩⁦♥️⁩مخالب طاغية ⁦⚜️⁩🔱( جزائرية )

جزء رابع واخير⚜️رابطة الحب ⚜️

الحلقة 51:
ذرة : ياجماعة بما أنو لولاد متفاهمين او خاتم ركبوا ولدي لبنتكم ماعلينا غير نحكيو على شرط العرس
أكسل : من ناحية عرس من مجاميعوا من عندي مانحبش تتعبوا في حتى حاجة ومن إذنك عمي سعيد او من روان حاب نديروا عقد ليامات هذوا لأني رايح نرجع لروسيا عندي شغل فما كيما علابلك عندي شريكة تاعي  قايم بيها 
سعيد : قابل الله يتمم بخير نشاء الله من غير حكاية انك تتكفل للعرس من مجاميع لأني عندي زوج نوارات كي مانفرحش بيها او نديرلها عرس يحكوا عليه كبير او صغير لمن ندير زيد فرحة اي أب انو يشوف نوارة بيتو عروسة او يوجدلها لعرسها (الله يرحم جميع اباء لي ماتو )
روان : ربي يخليك ليا بابا
ذرة : بما أنو تفاهمنا فنقطة هاذي ضك حنا نروحوا او مبروك عليك بنتي نحات خاتم من يدها تع فضة او مدتهولها
-هذا خاتم ذكرة عزيزة عليا صح تع فضة انما قيمتو كثرمن ذهب عندي هذا اخر عفسة من ام أكسل وصاتني اني نمدو لكنتها او انا درت امانتها  ،نشاء الله كيما انا حافظة على امانتها او حافظت على ولادي اكسل او ميريام تحافظي على ولدي كيفي او أكثر
روان : نشاء  الله ..
ذرة : ههههه عيطيلي يما
روان : ههههه نشاء الله يما
نعيمة : والله ماتروحو حتى تتعشاو معنا او واجد كلشي عيب تخرجي وقت هذا بلاعشاء (ههههه كشغل قاتلها اكم طولتو بطريقة غير مباشرة 😂😂)
ذرة : معليش مرة أخرى بنتي يلزم نروحوا عندي دواء وقت هذا من قصرتكم شابة نسيتو هههه
زينة : الله يدوم قصرتنا او يحفظلي راجل ختي ههه
ذرة : هيا بقيتكم بخير اجماعة نتلاقوا نهار لعقد نشاء الله
اكسل: جاء خارج شاف فيها او غمزها ،مبعد نتواصل معاك على يوم لي نتلاقوا فيه باي
#أمل مينا 😘💖