⁦♣️⁩⁦♥️⁩مخالب طاغية ⁦⚜️⁩🔱( جزائرية )

الجزء الرابع واخير ⚜️ رابطة الحب ⚜️

الحلقة 81:
توركان : علامات خوف بدات عليها او ترجف او عينيها تلعب بيهم مرة يمين مرة شمال مادرت ولو صحصح
زهور : طفلة باباها ظهر سراق او يماها هبلت خافي ربي طفلة عرضتكم لعرسها تفرحوا معها في بلاصة يمها حطاتك في بلاصتها فضلاتك علينا كامل قالتلي خالتي عزيزة عليا نوثق فيها هي كبيرة تحنيلي والعقوبة لصوفية او من صباح او هي تخمم كيفاش تدير لخيوط بين صوفية او ولد خو راجلها او انتي تديريلها هكذا لكان شموع عندك ولا عندك علم ببلاصتهم قولي بري رقبتك
روان : كي سمعت صوت خالتها تحكي عرفت بلي توخذت تبكي او تقول لحورية غدروني اختي غدروني وخذوني حابين يقتلوني وبدمرولي زواجي
**وقت هذا اكسل كان مع رسيم  داه للحفاف حفف شعرو او لبس كوستيم نوار لبس خاتم تع خطبتو لي درتلو روان وختمها عرضو لعرسو ومطلقو كان بعدما عرض مرتو اسماء حتى تتعرف على مرتو او عليه
هز تيليفون عيط لروان مرة وزوج وثلاثة بلافائدة ماهزتش توتر عليها وخاف ميش عادتها
عيط عند زينة كان تيليفون في يديها هزت عليه الو خويا
اكسل : اهلا زينتي عيطت لروان اما ماهزتش عليا طول وينهي لامعاك فوتهالي
زينة : دخلت لقات ختها تبكي قدمت تسقسي فيها وش بيك تبكي وش بيها تبكي
حورية : حكاتلها لي صرى زينة : اخاه سراقين في درنا وش تدير بتع حنتك
اكسل : فوتيلي روان
زينة : تسمع فصوتو روان اكسل حاب يحكي معاك ..
هزت عليه روان : ال..و ....الو سرقوني في داري
اكسل : تخافش ضك نجيك او نفروها  والله مهم عندي انتي نحبك مرتي
طلق ڤيتاس ظرف نص ساعة عند باب دارهم ...طب ..طب ...مرة ...وزوج وثلاثة بلافائدة حتى عيطلهم باش فتحوا باب
دخل ..طلع لبيتها شافها تبكي قدم حضنها قالها
اهدي حبي بلاعقل برك وراس حبي ضك تعرفي ويعرفو لي دالك حوايجك
جبد تيليفون شغل كاميرا تع دارها لي ركبهم رجعهم البارح يشوف في مرأة داخلة حتدي سحن حنة مبعد دخلت طفلة قالتلها لالا شموع برك تجيبيش سحن يفيقولك سجل وش صرى على تيليفون او هبطو
اكسل : اسمعوني مليح نساء وقفو او بنات خرجو يجريو
تركان : عيب عليك تزدم علينا او حنا بلاخيمار
اكسل : شوفي ياوش اسمك ماتهمينيش لانتي ولا هوما لي تهمني مرتي لذلك نقول كلمة وحدة ياشموع لي تهزو من يدين زوج منكم علابلي انا شكون وهوما علابلهم يحطوهم ضك ولا نفضحهم ننشر فيديو تاعهن فليوتيوب ومواقع تواصل اجتماعي او نزيد نغبرهم من بلاد خيرو في يديهم خمس دقائق
تركان : فيديو ونظرة استهزاء ليه عندك  فيديو مدام عندك هههه ورجيني نشوفو تراه لي سرقوهم
اكسل: كيلها من فوق لتحت قدم للاتيلي تاعهم ركب كابل هو قدقد حيركبو خافت اما مصدقاتوش
ركب تيليفون ونساء كل  وحدة تشوف في ختها
فجأءة يلقو فيديو تركان او بنتها صفية او هوما يحكيو على واش يديولها ووش يديرو بيهم
روان : هذا خيرما حطيتك كيف يما خالتي او قلت خت ما ماتضرنيش يما ثانية  يما مريضة هوما يوقفو معيا حتى ترتاح
تركان : هههههه بما انك فضحتوني نقولك انا فرحانة او متشمتا فيك وماجيتش لسواد عينيك انا جيت ندير شغلي او نروح ايه انا سحارة جيت نسحرك او نخليك ماتجيبيش ولاد او راجلك في ليلة دخلة ينفر منك او يهرب منك يشوفك كثرمن جن
قرب ليها جاء يضربها يشوف في راجل ...شعرو اسود فيه شيب ابيض .لحيتو مطراسية ..عينيه خضر ...او محلاه ملامحو يهبلو ..نظرتو كافية انو كون جات سهم اي قتلاتك حبس اكسل او ريح يشوف فيه قدم او باس راس روان
اشرف : توقعتش مرتي ام ولادي سحارة وانا نقول وش سر تهبط كل يوم فليل للقبو هذاك او وش بيها تشوف منامات او تحكي في كلام ميش واضح وكي نسقسيها تقولي تعبانة ولا نهترف
هذا كافونا معاك أام ولادي وعشيرة عمري
تركان : هبطت عند رجلو سامحني والله غيرتي منها هي حتعيش فلعز معاه او بنتنا لالا عماتني حبيت بنتنا ثاني تزوج....خبطها برجلو نترها للأرض ..حكمها من شعرها او جبدها لرجلين روان .
اشرف :  اسمعيني مليح الآلة تركان ولا سحارة  خير الله اعلم شحال من مرة اكي ساحرتيني فيها حتى قبلت فيك ووحبيتك
انتي طالق ..طالق ...طالق تطلععي ضك ترديلها شموع او تهبطي حسابك مزال طويل او هذوين بدى
تركان : بكل جبروت تشوف فيها بخزرة شر
جبدت من صدرها حاجة حكلى كي تراب جات تطيشها عليها جات في بنتها لي جات تمنعها ناضت تندب في وجها ايما توخذت في بنتي وش بيك لحتي روحك باش تموت باش تموت وتبكي
نساء جبدو كل وحدة بنتها عندها او جاو خارجين هاربين
اشرف:  حبسو تطلعو كامل للبيت نعيمة وحدة لا تخرج هي لي تخرج لعقرب لي تخرج
حكمها من يدها كركرها لبرى ركبها في طاكسي او داها راس جبل طيشها فما
احمد ربي لي انتي عايشة
أمل مينا ♥️