#وكر الأشتر

البارت الثاني عشر

البارت الثاني عشر
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔💔💔

والحرب لو يعلمون لا تستعر نيرانها في أجواف المدافع بل في قلوب الناس وأفكارهم أيضاً.

.............................

سولين

موضوع امي حيل يأثر بيه يزلزل كياني بحيث اوصل المرحلة الصدمة والانهيار احس نفسي اني لحد الان ممتعالجة من موقف موت امي

وارجع احمل الكل السبب بموتها حتى اشتر حتى جدي حتى خالي الكل هم سبب بموت امي ولا يمكن اسامح اي شخص جانن شاهد على موتها وسكت

وكفت منهاره كلتلها بغضب ... وشنو الموضوع الي تحجين بيه عن موت امي او يخص امي تردين تكولين امج زانيا وامج ماتت غسل عااار مووو

حتى والله اكص لسانج واحطه بيدج واني اعرفج مخبثه ومجلوبه لان حارث رايدني وانتي تركضين وراه ودتسوين كل هذا حتى تبينين للعالم بنات عامر مو زينات لحد ياخذ منهن

ولا عبالج نسيت سوالفج ويه اختي جيهان وشلون خربتي جدي عليها وخليتي كريم يطلع من البيت ويترك اهله وابووو والله حرام عليج تبعدين اب عن ابنه بدافع الغيره

وكفت وهي متعصبه كالت .. انتي تحجين صدك ؟ شبيج تخبلتي ايي ايي طلع سمج وطلع حقدج حاقده لان انزفيتي بدون بدله وعرس وتموتين حتى تتزوجين حارث بس اكيد ما ياخذ وحده ملعوب بيها وحامل

تخصرت واني اضحك بسخريه .. هههه لا بشرفج ؟ تحجين صدك ! شوفي ولج لا هماني بدله ولا همني عرس ماخذتلي رجال يسواج ويسوه عشيرتج وما ابدلة بالف رجال ويله وخري من وجهي

عفتها ورحت واني افور من القهر حيوانه غبيه ملعوب بيه تكول ! عجييب والله عجيب المعفنه اني متزوجة وعلى سنة الله ورسوله وبحضن زوجي عود مثلها الدايحة الادبسز

كعدت يم رنا والغضب مكتسح ملامحي خابرت بسرعه كتله .. الوو ها اشتر تجي تاخذني مليت وظهري ظل يوجعني ما اكدر اكعد اكثر وهم اخواتي راحن

جاوبني بزعل .. ليش ظليتي جان رحتي وياهن واجي اخذج مناك

نفخت بملل .. ما  ادري يله تعال بسرعه فدوه ما اكدر ظهري موتني

قفلت الخط ورنا كالت .. شبيج شكو شصاير ليش خلقتج انكلبت ههههه

ضحكت .. هههه لا ماكو شي بس تعبت تدرين الطفل مدري شبيه ثكيل وبس يرافس وكح