اخر محطات الرواية
رواية ...وكر الاشتر
بقلمي ... نور سمو العراق
❤️❤️❤️❤️❤️❤️❤️❤️❤️❤️❤️❤️❤️
سالت الدماء الحارة على ذلك الاسفلت الساخن
وتطايرت اجسادهم الى اشلاء
وانتقلت الارواح البريئة الى بارئها..
لكل منهم عائلة احباب وطموح واحلام
سالت هذه الدماء في اكثر بقع العالم قداسة
وكأنها بقعة لا ترتوي من جىيان سيول الدماء فوق تربتها
منذ الازل..وكأنها عاشقة لدماهم بل وتتلذ بها
................
صفاء
جنت بحالة ذهول من الوضع الي صار حجيت ويه اشتر الي جان وجهه ما يتفسر حتى ما يعرف شنو يحجي جان متوتر منهار متدمر
لزمته ودرته عليه عطت بيه ... اشتر احجييي شبيك شبيهن البنات اتصلت عليهن
جاوبني وهو يكول برهبه واضحة على ملامح وجهه .. ما ادري صفاء ما ادري كلبي راااح يوكف صاير انفجار والبنات يخابرون عليهن وماكووو
انطاني الموبايل وهو يرجف كال .. اتصل بيهن اني حتى ما اعرف وين صارن الارقام
كعد على القنفه وروحه ترجف آخذت الموبايل واتصل ماكو محد يجاوب الموبايل يطلع خارج نطاق الخدمة
وكف وهو متعصب ... ولك شلووون انظل هيج ما نعرف وين ما وين لك راح انجلط
ركب السياره بسرعه وحت وراه بسيارتي ومصطفى ويانه هن راحن للسوك يشترن اغراض وصار الانفجار بنص السوك الي راحن اله اكيد هسه ماتن
ركضنه كلنه شفنه المكان مطوق والعالم تتصارخ كل واحد فاقد عزيز والنسوان مرعوبه ومنهاره وسيارات الاسعاف تنقل بالشهداء والجرحى
اول ما وصلنه وصار الانفجار الثاني ما اكدر اوصف شعور الناس ولا اكدر اوصف الضجة الي صارت والرهبه صغرت بعيني الحياة كرهت روحي احس بخنكة احس ملك الموت محاصرنا عظيييم هذا اليوم
الرهبه والخوف وطلعان الروح والموت مثل الوحش الفتاك الي بهذا اليوم ما رحم لا كبير ولا صغير اخذ شكو كدامه مثل الأعصار مثل الزلزال
مصيبه ماكو منها مصيبه والاحبابه بخير لو يذبح قرابين لوجة الله وتعالى مراح يوفي حق هذا اليوم
انفجارين ممتالين واحد وره اللخ بحيث حتى الي نجى من الموت تهدد مره ثانيه ويمكن الي ما مات بالانفجار الاول يموت بالثاني
شفت مره تصرخ وبنتها ميته بين اديها شفت العجائب والمصايب جنت بدوامة بحالة صدمة
صرخت بصوت عالي واني ... اخووي اشترررر اخوي دخل للسوك
ردت ادخل طوقوا السوك وخلوا بس المسعفين واصحاب التكاتك هم يدخلون ينقلون الجرحى لان خافوا من انتحاري ثالث ما اشم بس ريحة الدم وما اسمع بس اصوات سلب الروح من الجسد
أنت تقرأ
#وكر الأشتر
Misterio / Suspensoهل فكرت معذبي بأن الحب تضحية وإيثار تفاهم واستقرار وأمان معك اعيش الصدمات...الخوف والبكاء لي في الحياة رغبه..وهي ان اعيش حره حتى لو للحظة اكون انا صاحبة قرار انا الان ميته وبتحريري اعود حية تحاصرني وتحصرني وتقتلني وتذبحني بوكر الأشتر.
