بعد الصبر..جبر

بعد الصبر جبر 🌹 الحلقه الاخيره

السلام عليكم اخواتى واحبتى ❤️ موعدنا مع قصتنا اليوميه بعد الصبر....جبر 🌹
ويلا. نصل ع الرسول 🌹 وندخل ع قصتنا
ع طوووول ❤️

والشكر موصووووول لتعليقاتكم الجميله كل يوم ❤️🌹

فاللهم تقواك وجنتك ورضاك 🤲

#جيهان_سلامه_البارودي
#محبه_الرحمن
#بعد_الصبر_جبر

وأخيراااااا......الحلقه الاخيره  اللى تعبتنى أوى 😭
واتمنى تعجبكم ....وهستنى رايكم فى الحلقه الطوبييييييييله المشبعه اوى دى...فضوا نفسكم  وأوعدكم بحلقه مختلفه 😁❤️

وفعلا اخرة الصبر جبر......واليكم الحلقه الاخيره من صبر جميله 🌹
ومتنسوش اللايك والكومنت الحلو علشان عيب اوى بقا  بعد التعب ده كله فيها ...ولا إيه ❤️😘

. ملحوظه مهمه: بفضل الله انشأت جروب فى كل رواياتى وده اللينك👇👇👇ياريت تشرفونى
https://www.facebook.com/groups/362077936759438/?ref=share_group_link
ندخل بقا ع الحلقه واسيبكم تستمتعوا زى ما استمتعت بالظبط وانا بكتبها😊وهستنى رايكم
.
.
.
فى أوضة أم منى

أحمد:ها يا ماما......قولتى إيه

أم منى 😔

منى: أعتقد يا ماما حضرتك لازم توفقى

أم منى:أوافق إزاى بس......مينفعش يا منى

أحمد:خلاص يا منى......سبيها على راحتها  😔
بس بصراحه يا ماما ... أنا المشروع ده واخد منى فلوسى كلها........ لأنه مشروع كبير
وكمان صرفت  فلوس كتير جدااا الأيام اللى فاتت
دى
بس الحمد لله كلها فى الخير وأنا واثق إن ربنا هيكرمنى بسببها وهيعوضنى

منى: هو إنت ناسى كمان إنك داخل على جواز وفرح وفرش فيلا....يعنى محتاج مصاريف كتير بردوا
ولو إتباع يا ماما ...أكيد هيفرق معاه جداااا
هو إنت قولتله على سعره  يا أحمد

أحمد: من قبل ما أقوله هو عارف إنه الماظ حر وعارف قيمته كويس أوى.....وعارف إن اكيد ماما مش هتفرط فيه بسهوله.....علشان كده عرض عليا ضعف تمنه.....يعنى هو جايب مليون ونص....هو هيشتريه ب تلاته مليون

أم منى: مش مهم عندى الفلوس.....المهم قيمته ايه بالنسبالى وغالى عليا ازاى 😔

منى: يعنى هيكون أغلى عندك  من إبنك  اللى محتاج الفلوس دلوقتى يا ماما

أحمد: خلاص يا حبيبتي.....ولا يهمك ...أنا هتصرف😔

منى: خلاص يا أحمد...أنا هبعت لوليد جوزى وأقوله

أحمد قاطعها: لاااااء....إوعى يا منى تعملى كده 😠
ربنا يسهل وأنا أعرف أتصرف

منى: هتتصرف تعمل إيه يعنى....

أحمد: هبيع الفيلا وأجل الجواز شويه لحد ما نفتح المشروع ويشتغل ويبدء يجيب الفلوس اللى إتصرفت عليه