بعد الصبر..جبر

بعد الصبر جبر 🌹 (٤٤)

السلام عليكم اخواتى واحبتى ❤️ موعدنا مع قصتنا اليوميه بعد الصبر....جبر 🌹
ويلا. نصل ع الرسول 🌹 وندخل ع قصتنا
ع طوووول ❤️

والشكر موصووووول لتعليقاتكم الجميله كل يوم ❤️🌹

فاللهم تقواك وجنتك ورضاك 🤲

#جيهان_سلامه_البارودي
#محبه_الرحمن
#بعد_الصبر_جبر

الحلقه( ٤٤)🌹

من أول الحلقه كده تعالوا أسفركم معايا
عند جميله فى بلد من بلاد الفرنچه 😀
ونطمن على والدها
إربطوا الأحزمه وإستعدوا للإقلاع 😁✈️

بعد ما جميله سفرت مع والدها.....
إستقبلهم كيمو وزوجته لورا أحسن إستقبال👫

وبعد إجراء الفحوصات والتحاليل تم إجراء العملية اللى كانت خطيره بالفعل😔

وبفضل الله أولا وأخيرا ثم  الدكتور رحيم
نجحت العملية 😁

كيمو لازم  يروح يطمن على جميله ووالدها يوميا فى المستشفى لوحده أو مع لورا مراته اللى حبت جميله جداااا.....

وبعد فتره......
جميله بدأت تزهق من الوحده..
وإشتاقت  لأختها وأخوها ولدينا ومامتها ولكل الناس الطيبه اللى حبتهم وحبوها ❤️

جميله وهى فى رسيبشن المستشفى...شافت الدكتور رحيم

ااااا Dr Rahim ...please

رحيم: please إنتى يا أنسه جميله...عربى إذا سمحتى
أنا العربى وحشنى جدااا على فكره
ومابصدق أشوف كريم وأقعد أتكلم معاه عربى😀

جميله: خلاص حاضر....هتكلم عربى😊

رحيم: أيوه كده....ها يا ستى...كنتى عاوزه إيه وأنا تحت امرك 😁

جميله: الأمر لله وحده يا دكتور..... بس كنت عاوزه أعرف إحنا هنرجع مصر إمتى...ما دام حالة والدى إستقرت الحمد لله وبقى أحسن من الأول

رحيم: إنتى زهقتى مننا ولا إيه😊

جميله: لاء مش الفكره ....بس أهلى وحشونى أوى ...فكنت بقول يعنى لو حالة والدى تسمح بالسفر ....نسافر ونكمل العلاج هناك يكون أفضل
إحنا بقالنا هنا حوالى شهر ونص..وبصراحه زهقت من الوحده هنا أوى

رحيم: حاضر يا آنسه جميله....بس بعد ما نعمله تحليل أخير كده علشان نطمن عليه
وبعدها أوعدك هتسافروا على طول🙂

جميله: مش عارفه أشكر حضرتك إزاي والله
يا دكتور على كل اللى عملته مع والدى....

رحيم: أنا معملتش حاجه يا آنسه جميله تستاهل  الشكر ده كله... ده واجب عليا

جميله: ربنا يكرمك يا دكتور.... وبصراحه
حضرتك ودينا متتخيروش عن بعض فى الخير اللى فى قلوبكم....بجد ما شاء الله لايقين على بعض جدا
ربنا يسعدكم😊