بعد الصبر..جبر

بعد الصبر جبر 🌹 (٤٠)

السلام عليكم اخواتى واحبتى ❤️ موعدنا مع قصتنا اليوميه بعد الصبر....جبر 🌹
ويلا. نصل ع الرسول 🌹 وندخل ع قصتنا
ع طوووول ❤️

والشكر موصووووول لتعليقاتكم الجميله كل يوم ❤️🌹

فاللهم تقواك وجنتك ورضاك 🤲

#جيهان_سلامه_البارودي
#محبه_الرحمن
#بعد_الصبر_جبر

الحلقه( ٤٠)🌹

اليكم الحلقه الحلوه دى 😁🌹وهستنى كومنتاتكم الحلوه اللى زيكم ❤️

عادل بيفتح باب شقته ......وهو مبسوط
تعالى يا حجه إدخلى 😁
يا نواااال......إنتى فين يا نواااال
أمي جت يا نواااال ...تعالي سلمى عليهاااا

إتفضلي يا حجه إدخلى واقفه ليه.. نورت بيت إبنك 😁
أما ادخل أشوفها لتكون نامت دى كمان....يا نوال

أم شريف: منور بوجودك يا حبيبي...وفضلت تبص على الشقه.... ودخلت قعدت على الكرسي
وقلعت طرحتها وفردتها جنبها على الكرسى..وكلمت نفسها بصوت واطي ...فين بيتك ده😏
بقى تسيب شقتك الشرحه البرحه وتيجي تسكن
هنا في شقه أد الحوق 😏
منك لله يا بنت خيريه إنتى وأمك على اللى عملتوه فى إبنى 😠
إلا قولى يا عادل..... كلمت أخوك وقولتله إني
هبات عندك

خرج عادل من أوضته.... ااه قولتله متقلقيش
حتى عزمت عليه يجي قالي مش فاضي

أم شريف: ما هو كده اليومين دول ..على طول بره وسايبنى طول النهار قاعده لوحدى 😔

عادل: ربنا يهديه ويصلح حاله

أم شريف: يارب....أومال فين البرنسيسه....مش عاوزه تطلع تسلم عليا ولا إيه

عادل: لاء دى مش جوه... باين عليها نزلت تجيب طلبات ... وأنا اللى بحسبها نايمه
منوره يا حجه 😁وقعد جنبها وطبطب على كتفها
إيه.. ما قولتليش إيه رايك يعنى في الشقه

أم شريف بعوجه.....شقه😏
بقى دى شقه دي...دى إسمها أوضه وصاله
شقة إيه يا أبو شقه🤨
تيجي إيه دي جنب شقتك اللي كانت تلات مطارح وصاله كبييييره وحمامين✌️
إنت كده طول عمرك..... بوز فقر
وماشي ورا الفقر وماسك في ديله......بلا نيله 😠

عادل إتضايق من كلامها ...ومش عاوز يزعلها وهى فى بيته
طب أما أقوم أجيبلك حاجه تشربيها.... زمان ريقك ناشف

أم شريف: حاجه أشربها ده إيه...إنت عايز يجيلى دوخه
شوفلي حاجه أكلها... مش أشربها😏

عادل: عنيه يا أم عادل 😀....ودخل المطبخ
وعلت صوتها بغيظ.... يعنى مراتك بتنزل أهى بتجيب طلبات لبيتها....أومال كانت عامله مشلوله ليه وهى عندى😠

عادل مردش عليها....وخرج من المطبخ وفى إيده طبق فاكهه 🥭🍎🍒🍓وحطه قدامها
إتفضلى يا حاجه ...إتسلى فى دول لحد ما نوال تيجى وتحضرلك الغدا