لسه بنستكلمل العاده الاولى ال بنتكلم على انك تكون مبادر ف حياتك ف اى حاجه انك متكونش مستجيب تكون انت الفعل متكونش رد الفعل.
انت ال بتصنع الظروف وحتى لو كانت الظروف وحشه كمل أنت قوى.
قلنا برضه انك تركز على حاجه واحده لانك مش هتقدر تركز ف كل حاجه دا طبيعى.
تانى نقطه معانا هى
تحويل العقبات لانتصارات.
"ليس الأمر هو ما يحدث لك فى الحياه ، ولكنه ما تفعله حيال ما يحدث"
"إننى قائد حياتى ومسيرتها ، إنه خيارى وقرارى ، يمكننى أن أختار أن أرى هذا الموقف أو ذاك كعقبه ، أو كنقطه انطلاق"
"لقد اعطانى الله الكثير جدا من النعم ، وليس لدى وقت للتفكير فيما حرمنى منه"
عادى لو تغلط عادى لو حصل ف حياتك مشاكل اصل دى حياتك أنت مش هتغير ال حصل اعتبرها فرصه للتعلم والنمو متجيش على نفسك انت مش بإيدك اي حاجه من ال بتحصل حواليك .
دى اقوال ناس اتعرضو لمشاكل كتير ف حياتهم ومكانوش هيطلعو منها عايشين اصلا
يعنى مثلا اول جملتين لواحد اسمه دابليو ميتشل
ميتشل مليونير ومتحدث ورئيس بلده سابق وصانع مراكب نهريه وغطاس وصياد
ميتشل معلمش كدا غير بعد الحوادث ال اتعرضلها.
بيقول الكتاب أن لو شفت ميتشل هتلاقى وجهه عباره عن مزيج من رقع جلود مختلفه الالوان و صوابعه اما مش موجوده وأما بواقى اصابع ورجليه مشلوله
بيقول ميتشل أنه كان راكب دراجه ورايح شغله وفجأه اصطدم ف شاحنه نقل ضخمه ، سقطت الدراجه على الأرض وسحقت مرفقة وكسرت الحوض وخزان الدراجه انفتح واحترقت الدراجه اشتعلت النيران فيه بسبب حراره المحرك اتحرق حوالى 65% من جسمه ولحسن الحظ فى حد انقذ حياته .
وغابت عن الوعى اسبوعين وعمل 13 عمليه نقل دم و16 عمليه ترقيع للجلد وبعد سنين عشان يتكيف مع اعاقته وشكله الجديد اتعرض لحادث تانى تصادم طائره اتصاب فيها بالشلل النصفى .
بيقول أن محدش بيصدق أنهم كانو حادثتين مش حادثه واحده
احداث الحوادث تخض دا المختصر انا اسفه على ذكرها بس دا موضوعنا اصلا .
هو مش هيقدر يتحكم في ال بيحصله من ظروف ومكتوب بس يقدر يتحكم في نفسه وردود أفعاله هو مكتوب له حياه جديده ومكتوب له يكمل مش هيقعد خلاص ويستسلم.
بالعكس نجح وكمل وبقى مشهور والناس كلها بتحكى عنه.
