العنوان الأصلي لهذه الحلقة : جاك الموت ي تارك الصلاة 😭 ..
*ميرال صار وجهها أحمر وأرتبكت وصارت تحكي بسرعة*
ميرال : كيفيعني ( إنو بتحكي بسرعة عأساس ) .
عُمر : إيش يلي كيف يعني ؟ إنتِ زمان حكيتيلي أمك دكتورة عيون وأبوك جلدية وعندك أربع خوات وأخ ترا مانسيت ..
ميرال : لااا إستنى ... ، متى حكيتلك هيك ؟
عُمر : آآآآهه بديتي تنكري فالموضوع ؟
ميرال : مش بنكر بس متى حكيت هيك ؟
عُمر : لما كنا قاعدين أنا وإنتِ وهاشم ومحمد وحلا عالكرسي يلي براا ، تذكرني ؟ ، وقتها صرتي تحكي شو جبتي وبابا جاب مشعارف إيش وماما قلت وهيك حكي ، تذكرتي ولا نسيتييي ؟؟؟ 😂
ميرال : ءهءهءهءهء مه-و أنا مش متذكرة إني حكيت هيك إشي ؟!
عُمر : خلص خلص فهمت الموضوع ..
ميرال : إيش أي موضوع ؟
عُمر : موضوعك يلي حكيتيه قبل شوي .. ولا نسيتيه هو كمان ؟ 😂
ميرال : عُمر إيش قصدك ؟
عُمر : قصدي يلي فهمتيه .
ميرال : عُمر ........ ، بدك نترك ؟
عُمر : بالناقص منك في مليار بنت غيرك فالكوكب ع إيش نافخة ريشك ؟
ميرال : طيب بدك ياها ع بلاطة ؟ أنا مابحبك وفي شب ثاني عندي غيرك وبحبو وبيحبني وضحكت عليك وإستغليتك ي أهبل عشان نهرب أنا وهو وكل هاي الفلوس مش آجار هدول حق سفر نسافر أنا وياه برا عشان نتزوج ونعيش مع بعض ، هههههههههههه مصدق يالهطف إني بحبك روح أطلع عشكلك مين رح يعبرك ي غبي 😭 ، روح روح بعييد 😂
عُمر : طيب ..
_ عُمر مش زعل ، مش تضايق ، أكتئب وزعل وتضايق كثييير وخنقتو العبرة جد كان رح يبكي ، ميرال حبو الأول ضحكت عليه ، راح قعد لحالو هناك وعيونو مدمعة ، شافته رُقية فالبداية ماركزت بس لما مشت من جنبو شافته يبكي وحست انه مضايق فجت تواسيه .
رُقية : عُعممرر !!
عُمر : ...... (مسح دموعو) .
رُقية : شو مالك مين مزعلك ؟
عُمر : لو سمحتي ممكن تروحي .
رُقية : طيب شو مالك احكيلي عادي ..
عُمر : لأ مابدي إحكي ومابدي شوفك ممكن تروحي .
رُقية : اوكي زي مابدك ، بس إذا حاب ترجع تحكي أنا موجودة تقدر تحكيلي وتعتبرني صديقتك .
_ راحت رُقية ، حس عُمر بالذنب إنو حكى معها بهالأسلوب وحس بدوشة حس بضغط وتراكم بداخلو .
عُمر : خلني أروح أحكيلها يمكن برتاح ، يمكن تطلع كويسة ، يمكن حنصير جد أصحاب .
_راح يدور ع رُقية بس لقاها جالسة تسولف مع طحان ، وماحب يخرب عليهم فقال برجع بحكي معها لما يروح طحان ، بس للأسف إجا باص رُقية بدري وروحت ، لما عرف عُمر إنها راحت حس بإحباط ، روَّح علىٰ بيتو وشافه أحمد .
أحمد : مالك وله ؟
عُمر : إنتَ مالك ؟
أحمد : إيش في بعرفك لما تكون مذايق ؟
عُمر : طيب مذايق مادخلك من متى إنتَ بتسأل عني أصلاً مش داري عني حي ولا ميت .
أحمد : حكيت مالك أحسن ما أحكي للوالدة ، إيش صاير ؟
عُمر : إتصل عالوالدة إتصل ..
أحمد : طيب أنا أصلاً متصل .
عُمر : ........
*أحمد راح إتصل ع خالتو أمهم*
أحمد : الوو ماماا ..
الوالدة : أهلاً أحمد حبيبي كيفك ؟ ، شو أخبارك ؟
أحمد : تمام الحمد لله شو أخباركم إنتو ؟
الوالدة : تمام الحمدلله حبيبي ، خير صاير شي ؟ شو أخبار عُمر ؟
أحمد : لا فش إشي صاير ، بس عُمر شكلو مذايق وجهو أحمر مشعارف إيش صاير معو ومابدو يحكيلي قلت بحكيلك يمكن تحكي معه ويحكيلك إنتِ .
الوالدة : جد ؟ يمكن مطاوش مع حد معاه فالجامعة ولا رسب بالمادة الحماار ؟
أحمد : مشعارف إحكي معاه إنتِ وأسأليه يمكن يحكي .
الوالدة : تمام ماشي سكر من عندي عشان أدق عليه ..
أحمد : تمام باي .
*سكر الخط ودغري رنت خالتو ع عُمر*
الوالدة : عُمرر ؟؟
عُمر : هااي ماما ..
الوالدة : كيفك عمورة شو أخبارك ؟
عُمر : تمام الحمدلله منيح أنا شو أخبارك إنتِ ؟
الوالدة : تمام أنا بخير بس إنتَ ..
عُمر : ....... ، إيش أنا
الوالدة : في إشي صاير معك ومذايق منو ؟
عُمر : حكالك أحمد صح ؟
الوالدة : آآه حكالي أحمد .. خير في شي صاير ؟
عُمر : لا أبداً ..
الوالدة : عُمر .. متأكد ؟
عُمر : آآه آآه متأكد .
الوالدة : طيب ... باي .
عُمر : باي .
الوالدة : دير بالك ع حالك .
عُمر : حاضر .
