الحلقة ٢
خارج نطاق التغطية!
حاول معاه زيد
خارج نطاق التغطية قاعد
زعمك وين غاطس
نتصل بيه من المغرب ما يردش
امتى أخر مرة كلمته
كلمته قبل المغرب بنص ساعة قالي مروح للحوش تاعب
المانع خير إن شاء الله
هي أسامة اعطيني الإذن
وين مزال بكري
عندي ما ندير يا غالي
تم نتلاقو عليوة مالا
خلاص يصير معاك شي دورني
ساعة 11 ف الليل
علي بعتلي رسالة فيها شن صار كلمك أحمد
لا زدت حاولت معاه بدي يعطي مقفل
علي اقترح نكلموا بوه
طول اتصلت ببوه، ايوا السلام عليكم كيف الحال عمي خالد
أحمد نتصل بيه من المغرب ما نحصلش فيه
نبيه ضروري
والله أحمد ولدي قال مروح للحوش غادي قلناله طالعين
لكن تغطية غادي مفيش يا أسامة
تمام عمي بارك الله فيك تو نزيد نشوفه
ها أسامة شن كلمت بوه؟
اي قالي عمي خالد ف الحوش المفروض
بالك رقد الولد
والله ي عليوة بيني وبينك قلبي انقبض، وضعه مش عاجبني الفترة هذه
خير خير أسامة عيّن خير، هي تصبح ع خير
تلقى الخير
#يتبع
أنت تقرأ
العوامر
Hombres Loboالعوامـــــر تتكون القصة من ٦ شخصيات أساسية عائلة صغير فيها الأب خالد والأم ثريا والأبناء سلمى وأحمد ومن اتنين صحاب أسامة وعلي والجار جمال كاشخصية ثانوية .
