الحلقة ٣
كلمي أحمد ترا شوفي كان فيه سكر ف الحوش
قبل ما يمشي للخدمة
أحمد نتصل بيه حتى بكري بنسأله ع حاجة يعطي مقفل
أهو الباب مفتوح شكله ما مشاش قاعد
أحمد أحمد
مفيش رد
نزلوا لبضاعة
كإنه الحوش غبرة
بوييييي بوي
ششن فيه؟
الحمام مليان اميه والإستغراب كان ع حوايج أحمد المعلقات
ترا شوفوه بالك راقد
الحوش كله قلبوه وهما ينادوا مفيش رد
زيدوا اتصلوا بيه
مقفل يعطي!
وين مشي ع صبح ربي
بالك ياخد ف فطور
ينسا لمية والباب مفتوحين
تي أهو حتى نقاله ملوحه اهني
فاتوا ساعتين 3
الحوش فيه ريحة غريبة
ريحة شن!
ريحة شياط ولا حاجة زي هكي
شوفي الغاز بسرعة
مطفي
بخري الحوش بالك من برا خاشة صنة
ولدك وين اختفي يا مرا
مش عارفة انشغلت عليه
اتصل بصحابه
نطلع نشوف تغطية برا نكلم صاحبه
ايوا السلام عليكم أسامة كيف الحال
عمي كيف أمورك؟ وكيف حال أحمد؟
هذا اللي بنسألك عليه
جيت لقيت أحمد طالع والسيارة وبضاعته قاعدين
قلت بالك اتصل بيك الصبح ولا طلع معاك ولا حاجة
لا والله حتى أني حاولت معاه أمس ما حصلتاش
شن فيه حاجة عمي
لا غير أمه انشغلت عليه قتلي كلم صحابه
خير إن شاء الله
تم الإتصال
أسامة وجهه ما يتفسرش
أحمد وين؟
علي الو علي أحمد بوه قال مهناش وسيارته ف الحوش
شن القصة زعمك؟
والله ما عارف
تمام كانك فاضي نخطم عليك نمشولهم
تمام نوتي روحي بس
مسافة الطريق هي
ماشي
سلام
#يتبع
أنت تقرأ
العوامر
Hombres Loboالعوامـــــر تتكون القصة من ٦ شخصيات أساسية عائلة صغير فيها الأب خالد والأم ثريا والأبناء سلمى وأحمد ومن اتنين صحاب أسامة وعلي والجار جمال كاشخصية ثانوية .
