ရိုင်ယန်တို့သားအဖ ကားတစ်စီးနဲ့ မြို့ထဲမှာပတ်နေပါသည်။
>> ဘာတွေဘယ်လိုဖြစ်ကုန်မှန်းမသိတဲ့ ကျွန်တော်ရယ်၊ ဘေးနားမှာ စမူဆာပျောက်သွားလို့ ငိုနေတဲ့အဖေရယ်. .၊ တဖြည်းဖြည်း မှောင်လာတဲ့ကောင်းကင်ကြီးရယ်. .၊ အဲ့ဒီ့ထက်ပိုမှောင်မိုက်အေးစက်သွားရမယ့် ကျွန်တော်နဲ့ စနိူးရဲ့ မနက်ဖြန်တွေရယ်. .
ဘယ်လိုက်လို့လိုက်ရမှန်းလဲ မသိတော့ဘူး၊ အဝေးပြေးဂိတ်လည်း ရောက်ပြီးပြီ၊
ရဲစခန်းလည်း ရောက်ပြီးပြီ. . ။
ရဲစခန်းကဆို ဝင်လာတာနဲ့ ကျွန်တော့်မျက်နှာကိုတွေ့တော့ အရိုက်ခံရလို့ လာတိုင်တယ်ထင်နေကြတာ. . ။
မိန်းမနဲ့ သမီးအိမ်ပေါ်ကဆင်းသွားလို့ လာတိုင်တာပါဆိုပြီး မနည်းဖြေရှင်းယူရတယ်. . .
ကျွန်တော့်နားထဲမှာ ထပ်ခါထပ်ခါကြားနေရတဲ့စကားက
စနိူးရဲ့အဖေနာမည်ဆိုတာနဲ့ . အဖဦးမိုက်ကယ်တဲ့လေ
သန်းခေါင်းစာရင်းထဲမှာလည်း အဖဦးမိုက်ကယ်ပဲ. . ၊
တကယ်တော့ ကျွန်တော်တို့နှစ်ယောက်ဟာ စာရွက်ထဲမှာ မောင်နှမအရင်းတော်နေတဲ့ သူစိမ်းတရံတွေပါ. . <<
အဖေက ဘေးနားမှာကားမောင်းရင်း ငိုသံကြီးနဲ့ ကျွန်တော့်ကိုဆဲနေတာ . .
'မင်းကွာ. . . စနိူးဆိုတာ ငါတို့မျက်စေ့ရှေ့မှာတင် လူလားမြောက်လာတဲ့ ကလေးပါ. . . မင်းမို့လို့ ဒီလို ယုတ်ယုတ်မာမာတွေ ကြံစည်ရက်တယ်. . .။'
'မင်းအမေအခန်းကိုလည်း . . .ဂျယ်နီက ဘာမှဖျက်ဆီးစရာမရှိဘူးကွ။ သူမတော်တဆဖြစ်သွားတယ်ဆိုတာ ငါအာမခံတယ်။ အဲ့ဒီ့အတွက်နဲ့ မင်း ဒီဘာမှအပြစ်မရှိတဲ့ကလေးအပေါ် လက်တုံ့ပြန်ဖို့မကောင်းဘူး။'
"အဖေ. .. အဖေက အဖေ့မိန်းမကိုတောင် ယုံနိုင်သေးတာ၊ ကျွန်တော်နဲ့စနိူး ချစ်လို့ဖြစ်ကြတာပါ ပြောတော့ကြ မယုံနိုင်ဘူးမှတ်လား"
'ယုံတာမယုံတာ မင်းဘာမှဝင်ပြောစရာမလိုဘူး။ မင်းကိစ္စက လက်သင့်ကိုမခံနိုင်တာ. .၊ တလောကလုံးမှာ ဒီလောက်မိန်းမတွေ ပေါနေတာ၊ ကိုယ့်ညီမလေးကိုကျမ. . ငါမပြောချင်ဘူး'
YOU ARE READING
Step-Siblings ဖအေမတူ မအေကွဲ (Completed)
Romance"ဘာလဲ ဦးဦးက မေမေ့ကို လက်ထပ်မှာလား" 'ဟုတ်တယ် ဦးဦးနဲ့ သမီးမေမေ လက်ထပ်တော့မှာ ဦးဦးတို့က မိသားစုဝင်တွေ ဖြစ်လာတော့မှာ. . .' "ဒါဆို သမီးတို့ ၃ ယောက် တစ်အိမ်ထဲ တူတူနေရတော့မှာပေါ့နော်" စနိူးက ပျော်ရွှင်ပြီး စိတ်လှုပ်ရှားစွာ မေးလိုက်သည်။ ဦးမိုက်ကယ်က နူတ်ခမ်း...