الود : شووووووو ليش يعني هو مايمشي حاليا
الريم وهي تعض شفايفها لنها زلت يوم قالت
الود معصبه : ريموووووو ارمسج ليش هو مايمشي
مها واقفه سمنديقا من بينهن
الريم : ودوه هو قال مانخبرج
الود اشوي وبتخفخ الي عدالها : ليش انشاء الله علي باله اني انا بشمت وماعرف شو افا والله ماحقيته جيه يخش عني ليش ماحد خبرني عنبو انا شو بسوي يعني وهو انزين ليش مارضي ليش واتروح تقعد علي الكرسي
الريم وهيه تدري انه الود معصبه : ودوه فديتج انتي تعرفين حمدان مابغي حد يعرف لنه علي باله انه الكل بيشفقون عليه وخاصه انتي حفد علينا انه مانخبرج
الود : ليش انشاء الله علي باله انه انا ما احبه وبشفق عليه وماعرف شو المهم انا باجر مسافره ومابقدر اجوفه وقوليله الود تقولك ماتوقعتها هل الحركه منك ياولد عمي ورفجت الغالي الي عندج ياريموه تقولين
الريم وهي متحسفه انه زلت : انشاء الله
وخلصن البنات اغراضهن والود مزاجها كان زفت وراحت تنام بس ماياها نوم وتمت تتقلب في الفراش تفكر في حمدان الين مانامت
وحمدان نفس الشي ماياه رقاد كان قاعد يفكر في ودوه
اليوم الثاني
الود ناشه من غبشه ماياها رقاد نشت صلت الفجر وظهرت خاري اطالع منو صاحي ماحصلت حد راحت المطبخ سوت لها نسكافيه وظهرت تتمشي خاري وكان الجو ولا اروع وبدا يظهر النور واوراق الشير علي الارض في كل مكان والعصافير تتطاير في كل مكان
الود : يالله كيف بتوله علي هل المكان وراحت تتمشي وتقطف الورود الي يعجبنها وراحت وقفت عدال البيت الزجاجي وجافت عمرها في المنظره وحطت الورد علي شعرها بطريقه حلوه خلت يبين شكلها كيوت وماكانت محطيه اي شي في ويها امبونه ويها يجنن من دون المكياج
وراحت تتمشي عدال الدروازه وهي تشرب الكوفي وظهرت عدال البيت تمشي ناسيه عمرها الحبيبه انها هب في البلاد بس ماراحت مكان بعيد وفي بيوت وايد عدالهم في واحد من متي وهو يراقب الود وعرف انه هيه من هل البيت لنه جافم يوم ياين ويعرف ابوها
هزاع عمره 20 يدرس في المانيا وهو من بوظبي وساكن عدال بيت قوم الود الي في المانيا وهو طيب وحبوب وحنون وراعي سوالف وعليه رحامه هب في حد ماشاء الله عليه قمر العيون سود وكبار والشعر اسود ولين رقبته واحلي مافيه غروره وشموخه
الود تكمل مشي وهي كانت تفكر في حمدان
هزاع : ماشاء الله عليها ماتوقعت انه عندهم بنت في هل الجمال بس ليش يبين عليها حزينه الا امشي وراها واجوفها لين وين توصل هبله تمشي ابروحا اهنيه
الود توها انتبهت انها هيه مشت وايد عن البيت وخافت وتكلم عمرها : ابيييييه ياويلي وين رحت انا وردت على ورا ء اول ماردت جافت واحد عمرها ماجافته في مكان وكانت منصدمه وخايفه في نفس الوقت
هزاع : مرحبا الشيخة
الود بتموت من الخوف وتمت ساكته
هزاع عرف انها خايفه فقالها : الشيخة لا تخافين انتي اكيد خت حمد لنج تشبهينه
الود فاتحه عيونها بكبرها : وانت شو دراك في حمد
هزاع ياويل حالي انا جمال وصوتها كم يسوا كم بعيش : اعرفه انا صديقه من ايام الطفوله
الود وهي تقول في خاطرها ماشاء الله عليك حلو : اها
هزاع : الغاليه انا الصراحه جفتج تمشين خاري بروحج فخفت عليج وانتي هب في البلاد اهنيه ايون سكارا ثره
الود وهي منصدمه : ياااااااااويلي ياج الموت يا ودوه
هزاع عرف انه اسمها الود : هههه ليش
الود : امايه ماكنت اعرف
هزاع : المهم احين عرفتي شكلج مضيعه الطريق
الود وهي تبتسم وزاد من جمالها : هيه
هزاع يمشي معاها بس طبعن بعيد عنها بشوي : انزين مره ثانيه لا تظهرين ابروحج
الود : والله هب قصدي امشي مسافه طويله
هزاع : ماصار الا كل خير الا ليش قايمه من وقت غريبه البنات يحبن الرقاد
الود : ماياني رقاد ومضايقه شوي
هزاع : افا ليش
الود : بس جيه
هزاع احترم خصوصياتها : اوكي خلاص يلا جربنا روحي بيتكم وانا بروح بيتنا
الود : ليش انتو عندكم بيت اهنيه
هزاع يبتسم احلي ابتسامه عنده : هيه انا ادرس اهنيه ومن غير ابويه يوم اي عسب الشركه وجيه يقعد عندي
الود : اها الله يوفقك الا اتخبرك الشيخ
هزاع ياويل حالي بموت علي منطوقها : امري الشيخه ؟؟
الود : انت شو اسمك
هزاع : هزاع بن محمد الـ***
الود : شت انت اخو فطاااامي
هزاع : تعرفينها ؟؟
الود : هيه كيف ما اعرفها ربيعتيه فديييييييتها ولهت عليها
هزاع : اتولهت عليج العافيه
الود : يلا تامر بشي الشيخ
هزاع : لا سلامتج
الود : فداعت الله ومشكووووووووور وسلم علي فطامي
هزاع : العفو الغاليه يوصل
وحدرت الود بيتهم وهي تفكر في هزاع وما اهتمتله وايد وراحت داخل قعدت شوي وعقب جافت يدوتها
وهزاع يفكر في الود يالله اول مره اجوف بنت جيه حلوه واسمها كم يسوا وينها عني ماجفتها
تم يفكر الين مانام
علي الساعه عشر الكل كان صاحي ومرتبش عسب السفر اليوم
بو حمدان : ها امايه بتسيرين المستشفي قبل
اليده : اكيد ابويه ما اصبر عن غناتي يعلني هب بلاه
بوحمد : انزين خل نحمل الاغراض السياير ونروح نسلم علي حمدان ونتروح المطار
بومايد : غايتيه هبانا نوصل
وراحو سلمو علي حمدان
الود توها كانت حادره : السلام عليكم
الكل : عليكم السلام
وعيون حمدان عليها ويتفداها في خاطره وهي مفوله منه وماسوتله سالفه وهو استغرب منها
وتمت ساكته طول الوقت ماتكلمت الين ما اليده زقرتها
يدوه شيخة : الود امايه مابتسلمين علي ولد عمج وعمج واخوج ثرنا رايحين احين
الود : اووه نسيت ترجع بالسلامه حمدان وراحت توايه عمها وهو حضنها وخلاها فتره وهو حاضننها
وراحت اتسلم علي حمد اخوها لانه بيتم وحظنته وصاحت
حمد : ليش حبيبتي هل الدموع
الود : لنك ياغبي ماتفهم اول مره بتم بعيد عني وتحظنه مره ثانيه
شوق : ايييييييييييه يالدبه عفصتي اخويه قومي
الود وتقايض شوق : ماااااااريد مااااااريد
مايد : هاييل الخوات هب هاييل وياشر علي خواته ويسويلهن مالت
وتروح مها تحظنه وتبوسه علي خده : كله ولا ميودي حبيبي انت
مايد وهو مسوي دعايت كلوس اب لاسنانه : فديييييييتج ويبوسها علي خدها
الموووهم خلصو سلامات وراحو المطار
*****
هزاع : ماعرف يا حمود من جفتها وانا ميت عليها
محمد : عيل ضوت راسك
هزاع : هيه فديتها ياربي تجنن
محمد : في خاطريه اجوفها من كثر ماترمس عنها
هزاع : قمر وربي انها قمر يمشي علي الارض
محمد هو يصير ولد عم هزاع ويعتبر توام روحه ويدرس معاه وشرات صفاته وهو بعد ماشاء الله عليه حلو ماعليه كلام
محمد: زوزو اول مره اجوفك تنعجب في بنت الي اعرفه البنات الي ميتات عليك
هزاع : تعرف ياحمود ماعرف كيف دشت في خاطريه وانا من متي كنت اراقبها الي عبيني فيها مشيتها الشيوخيه يااا خي طفرتني هل البنت اول مره اجوف بنت ماتعطيني سالفه ولا يابت شي عن جمالي الي الكل ينعجب فيه
محمد : يعني افهم يابابا انت تعرف ابوهم وهيه بنت ناس وعرب شو علي بالك شرات هيل البنات الي مضيعات مذهبهن
هزاع : اتعرف شو المشكله ؟؟
محمد : شو
هزاع : انه هيه اخت حمد ماروم اسوي اي شي وحمد ريال ماعليه كلام ومن غير صديقت فطامي ختيه
محمد من طرو فطامي فز قلبه : تعال لايكون حمد بن محمد
هزاع : هيه هو
محمد : عيل بقولك شي بتستانس عليه
هزاع وهو مستانس : شو ؟؟
محمد : الله يسلمك هم يقربونا من بعيد
هزاع منصدم : كيييييف ؟؟
محمد : يدوه تصير اخت يدوتهم الله يرحمها
هزاع : الي اعرفه انه يدتهم معاهم
محمد : لا يدوتهم ام امهم
هزاع : اها
محمد : بس احنا هب وايد معاهم عسب احنا في دبي وهم في بوظبي لو تخبر يدوه بتعرفهم
هزاع : خلاص من نروح الامارات علي الاسبوع الياي بخبرها وياليت لو اجوفها
محمد : اخبرك شكلك متخشع من الحب لوعت بجبدي ثرك انقلع عني يعت بروح اكل شي
هزاع : روح روح بالعافيه
نهايه البارت
هزاع هل هو حب الود ولا اعجاب
والود بعدها بتكون زعلانه من حمدان ؟؟
بو مايد : يلا بنات انروح طيارتنا احين
البنات : اوكي يايات
والكل راح يركب الطياره
الود وهيه قاعده عدال الجامه وتفكر
مها : ودوه شو فيج
الود مش منتبه
مها : الووود
الود وهي توها تنتبه : هااا شو
مها : شو فيج
الود : ماشي
مها : اكيد
الود : هيه وردت مره ثانيه علي افكارها ومها نامت من التعب والكل نام
عند حمدان في المستشفي
الكل كان ظاهر وريم كانت قاعده عند حمدان
ريم وهي مترده اتقوله ولا واخر شي قالت : حمداان
حمدان وهو يلتفت صوبها : امري
الريم : مايامر عليك عدو بقولك شي بس لاتعصب
حمدان : والله علي حسب الموضوع الي بتقولينه
الريم : امممم الصراحه انا زليت وقلت حق الود انك انك
حمدان وبعصبيه : شوو اني شووو
الريم : انك ماتمشي وانك تتعالج عن المشي
حمدان ويصرخ عليها مره وحده : ليييييش لييش قلتيلها وانا محذرنكم انكم ماتقولولها احين بتشفق عليه وانا ماريد احصل الشفقه من اعز الناس الي
الريم وهي معصبه : حمداااااان اذا كان هذا تفكيرك فانت ماتعرف الود بعدك شو بتشفق عليك
الود تحبك ومستحيل تشفق عليك شو هل التفكير الي عندك واحين انت تمشي الحمدالله هب انك ماتمشي وهي زعلانه منك وقالتلي اقولك ماتوقتها منك انك ماتقولها ..
وظهرت الريم عنه وهي معصبه
وحمدان قاعد يفكر
والريم ظهرت وراحت الكوفي الي في المستشفي وتمت قاعده اهناك لنها معصبه من حمدان
وفي واحد قاعد يطالع الريم
الشخص : السلام عليكم
الريم وهي فاتحه اعيونها اطالعه
الشخص : قلنا السلام عليكم
الريم وهي مضايقه: اف وعليكم السلام
الشخص : ليش قاعده بروحج ؟
الريم وهي متنرفزه : ياخي انت شولك
*** : لو سمحت شوتريد منها
الريم وهي منصدمه
الشخص : وانت شولك تتدخل اخوها ولا ريلها
*** : لا خطيبها انت شولك
الشخص : اسمحنا الشيخ
*** : ان جفتك قربت صوبها لا احش ريولك حش
وراح الشخص
ريم : مشكروور وماقصرت
*** : العفو الغاليه
نهااااااااايه البارت
منو الشخص الي دافع عن ريم ؟؟؟
