نهوة سرقت فرحتي
للكاتبة جيهان آغا
.
.
لا تنسون حبايبي الصلاة والسلام على سيدنا محمد (صل الله عليه وسلم )
قراءة ممتعة حبايبي
_________________
ساره : بدلت وغسلت وجهي فتحت باب الحمام جان اشوف ام ساري واكفه يم باب الحمام يمه
شكد خفت كلت
هلا عمه محتاجه شي
ام ساري : ها لا حياتي جيت بس اكلج
ساري كوولش يحبج عمري خلي هل زواج يتم على خير ان شاء الله
ولا تخلين احد يمنع هل زواج
ساره : ماشي الله كريم
ام ساري : وهسه اني راح اروح نشاوف باجر
علمود الفحص
ساره : الله كريم
رادت تروح كلت
عمه بس لحظه
ام ساري : هلا
ساره : رحت تقدمت كم خطوه وكلت
عمه ساري شلونه صار شكد ما سامعه صوته
زين هوه
ام ساري : اي زين حياتي
ساره : الحمد لله
راحت هيَ واني رحت صليت وكملت شغل البيت
طبعاً خواتي هوايه وهوسه ومشاكلهم ما تخلص
دقيقه ما يسكتون شغل البيت اكثره
عليه عقاب من امي على اساس
رحت انظف الطباخ كولش قوي المادة مال تنظيف وجان هذا المنظف يجي على جرح ايدي مال ضرب البارحه شاغت روحي
من الوجع صحت ااااااااخ يمه شهل وجع
جتي امي كالت
ام ساره : شبيج ولج هيج صوتج طالع
ساره : ابجي واحجي
يمه شوفي جرح ايدي شصار بي
ام ساره : طاح حظج عبالي احتركتي
شو اشوف ماكو شي روحي غسلي
ساره : هيج كالت وراحت يمكن انقهرت اكثر
من الوجع هيج صارو ما يهتمون بيه
غسلت ايدي وكملت شغلي بدموع وقهر حتي اهلي مايحبوني وما يردوني صار الدنيا ليل رحت بغرفتنا
كل وحده من البنات ماسكه موبايل بيده
بس اني لا
الموبايل بعد ما يجي بيدي
هذا كلام ابويه لحد ما انخطب يله
تمددت كلت ارتاح شوي وجان ريام تجي مثل
الطياره تكول
ريام : ولج كوومي بيت خالي جوي
ساره : واني شكو شسوي يعني
ريام : شهل حجي كومي يمكن صاير شي
ساره : كبل عدلت نفسي وكلت
شصاير يعني تعرفين شي
ريام : ماعرف كومي قدمي مي حبابه
ساره : تعبت من الصبح شغل شغل كااافي تعبت
روحي انتِ
ريام : لا حبابه انتِ روحي
ساره : ااخ منكم
كمت لفيت الحجاب ورحت سلمت عليهم
عمه سيهام جايه ويه وسام استغربت بصراحه
لأنو البارحه جنه يمهم رحت اقدم مي وصلت يم وسام كال
وسام : شلونج ساره شخبارج
ساره : الحمد لله
سيهام : ولج يمه ساره حبيبتي بلا زحمه جيبي
جاي علمودي مشتهيه جاي من ايدج الحلوه
أنت تقرأ
نهوة سرقت فرحتي
Romantikقصة من القصص العراقيه الحقيقيه توصف البطله معاناتها مع الحب الذي دمر حياتها وسرق فرحتها وتتحدث عن نهوة غريبه قتلت حبها ولكن مازال قلبها يدق بي اسم من كان حبيبها السابق مر على حبها قراب 7 اعوام ومازال الحب في قلبها والحزن كان محتل قلبها الصغير ق...
