نهوة سرقت فرحتي
للكاتبة جيهان آغا
.
.
السلام عليكم شلونكم حبايبي
رجعنه وياكم في بارت جديد واحداث
جديده ان شاءالله يعجبكم البارت
لا تنسون الصلاة والسلام على سيدنا محمد
(صل الله عليه وسلم )
قراءة ممتعة حبايبي انتو
_______________
وسام : كعدت عل قنفه متمدد وصافن
عل صكف يمكن صار الوقت اعرفكم عن نفسي
اسمي وسام بس اكيد مو اسمي الحقيقي
عمري / 25 سنه
العمل / تعرفو مذكور بالقصه
شكلي طويل اسمر معضل
شعري وعيوني سود
لحيه وشوارب مرتبه
احب اهتم بنفسي وملابسي
من النوع النظيف وشخصيتي قويه
عصبي هوايه واذا احب احب من كل كَلبي
اغار اعشك افكر اخاف على الشخص
يلي يدخل كَلبي وساره حبيتها
من كل كَلبي بس هيَ
ماتحبني اكدر بفلوسي ازوج ٣ على ساره
بس احبها مو بيدي وماحب غيرها ولا راح احب
بنيه غيرها حالتي الماديه زينه الحمد لله
معروف عند الناس وكلهم يعرفوني واحتمال
اصير شيخ العشيرة اصلي واصوم وبعمري
مارحت طريق الحرام احب الصلاة هوايه
واقرا القرأن الحمد لله واعشك وحده اسمها ساره
ماعرف شلون اتصرف وياها اعترف عصبي
و اذيها هوايه بس احبها بنفس الوقت
ماعرف ليش اضربها وليش اصير عصبي
هيج بسرعه احس نفسي راح اخسرها
واخسر حبها بكَلبي صار شهر على زواجنا
واني وهيَ بس مشاكل اريد اغير حياتنا الى
الأحسن بس ماكو فايده كل مره تصير مشاكل
وماعرف شلون تكبر المشكله
دمعت عيني واني اسمع كلام كَلبي
واني احجي عن نفسي واعرفكم عن وسام
منو وشنو طبع وسام اني حنون
وكولش تعبان ويه ساره
وراح اتعب اكثر واكثر بعدكم كولشي ماشافين
من الحزن بي الروايه المهم بعدين كولشي راح تعرفون
غمضت عيوني ونمت
ساره : ماكدرت انام واني كل فكري شسوي
وهذا الطفل ماريده مو بيدي من التفكير
بعدين نمت
صار الصبح وسمعنا صوت بجي كمت واني
خايفه شصاير رحت يم وسام علمود يكوم
وسام وسام كوم ماعرف شصار
وسام : بعدين حبيبي بعدين خلي انام
ساره : وسام كوم الله يخليك يمكن احد وكع
فز من نومه وركض جوه واني هم رحت وره
وجان اشوف جدي متمدد بالكاع وكلهم ملتمين
علي ويبجون والحجيه متخربطه اني اهنا مثل
الصدمه الي ماعرف شسوي ايدي ترجف
وخايفه ودموعي تنزل وجان عمتي تكول
سيهام : ولكم رااااح الغالي رااااح
علي : بويه كوم الله يخليك كوم
ابو نمر : شو كومو نودي للمستشفى
بسرعة قبل لا يصير بي شي كافي كومو
وسام : هاي شكو شصار
أنت تقرأ
نهوة سرقت فرحتي
عاطفيةقصة من القصص العراقيه الحقيقيه توصف البطله معاناتها مع الحب الذي دمر حياتها وسرق فرحتها وتتحدث عن نهوة غريبه قتلت حبها ولكن مازال قلبها يدق بي اسم من كان حبيبها السابق مر على حبها قراب 7 اعوام ومازال الحب في قلبها والحزن كان محتل قلبها الصغير ق...
