الوقار

بارت ٨

علاء كام تقرب منها وهي بعدها واكفه بمكانها متحركت بس تبجي....
جان يحجي بصوت هادء ودم بارد بس ديشعل النار بگلبها:
تخيلي وياي توصلين للبيت هدومج متكطعه وجهج خريطه صاير من الضرب حتى امج متكدر تعرفج
والاحلى من هذا تعرفين شنو

وقار ضلت ساكته ماردت اكتفت بالبجي وحاضنه نفسها ب ايدها

علاء حك لحيته : مو ضروري تردين اني راح اجاوبج...
الاحلى من هذا كله ادمرج واذبج على اهلج واوكف من بعيد اتفرج شرح يسوون بيج...
رجع كعد على الكرسي وحط رجل على رجل
سوه شكل إطار صوره ب ايده وحطه كدامها....

صورتج هسه بالنسبه الي استمتاااع مستمتع واني اشوفج كدامي ترجفين متكدرين تسوين شي... ضحك وضرب ب ايده على فخذه وكمل كلامه... البزونه الشرسه صارت بزونه مطيعه...
طلع تلفونه واخذلها صور

وقار غطت وجهها بسرعه : للليش ل ليش أخذت صوره امسحها

علاء: صلوات على محمد حجيتي عبالي صرتي خرسه من الخوف.. خلص كلامه وضحك

******************

احمد: هاي وين راحت صارت ب ٢وننص وتلفونها مغلق... اتصل على ليث..
الو ليث انت وين

ليث: بالصيدلية ليش

احمد بعصبيه حجه : تره وقار ماكوو من ال ١ ونص ادك عليها جهازها مغلق دك مره وحده بس وانغلق ولحد هسه واكف كدام الكليه اكول بلكي تطلع ماكو الها أثر

ليث: بسم الله وين راحت يعني

احمد : بس لا هذا الك*سوالها شي

ليث: منو هذا شدتحجي شصاير

احمد : تعال للبيت هناك نحجي ... سد التلفون وراح للبيت
تلاكه ويا ليث كدام الباب وفاتوا سوه...

سعاد: وين اختكم لعد

احمد : يوم خل نكعد ونحجي

سعاد لطمت على خدودها : عزه العزاني شبيها بنتي وين اختك ولك احجي

ليث بعصبيه حجه : مندري يمة مندري خل يحجي الأفندي الي واكف كدامج خل نفتهم شصاير

احمد كعد ع التخم وحط ايده على راسه وحجه : هي قبل كم يوم كلتلي اكو واحد ديتعرضلها ويزعجها وكالت تريد تشتكي عليه ونبهتها لتشتكي خاف يسويلها شي عاندتني واشتكت
واليوم ب ١ ونص دكيت عليها جان تلفونها مفتوح وراها انغلق ولحد هسه مغلق

يوسف دخل للبيت شافهم كاعدين واحد صافن بوجه الثاني : شكو ياستار شبيكم

سعاد كعدت بالكاع وتضرب على رجلها: يمه راحت بنتي راحت ام وجه الحلو اويلي عليج يمه وقار

يوسف صاح : شكوووو فهموني شصاير

ليث تقرب من ابو : يابه اهدأ الله يخليك مو بالصياح خل نفتهم شنسوي