وقار: كعدت من النوم باوعت على الساعه ب ٨:٠٠
فزت من فراشها هي وكفشتها.. لا يالله الدوام راح الوقت رادت تكوم عثرت بالبطانية
استغفر الله هسه وكتج توكعيني
نزلت للحمام غسلت سمعت صوت الوالده
ام وقار(سعاد) :خاب ثول الثولج صارلي ساعه اصيح ماتكعدين تنبل نوم
وقار:وهي تنشف وجهها.. يمه مو وكتج والله بلا شي تأخرت
فاتت للغرفه بدلت بسرعه ونزلت شافت ابوها وإخوانها وامها ديتريكون وكفت تخصرت..
واحد منكم يوصلني حبابين
ليث: تدللين ست وقار هاي بس لخاطر ابويه موعلمودج عاف الاكل وكام
وقار: ابتسمت وراحت باست ابوها بسرعه وطلعت هي وليث
...................
بالكليه
نبأ: تأشر من بعيد لوقار
وقار: تقربت يمها بوستها.. اسفه حبي تأخرت عليج بس راحت عليه نومه
نبأ: ضحكت.. شنو الجديد عيني عيشتج تتأخرين نايمه لو صاحيه تتاخرين
وقار: دارت عيونها.. اهوو هسه ديلا امشي نلحك اول محاضره واذا انطردنا تطلع ناكل عادي.. ابتسمت ولزمتها من ايدها ومشوا
.......................
سعاد : ولج كافي عاد دلع ادري بيج مو مريضه دتجذبين حتى لتروحين للمدرسه
ياسمين : يو ماما شبيج داكلج احس روحي مصخنه والله وحيلي مهدود مابيه اطلع باب البيت
ابو وقار (يوسف) : بنفاذ صبر.. هسه متكليلي ليش حطيتي راسج ويا البنيه خلينا من الصبح مثل البشر كاعدين الا تتعاركين ويا بناتج
سعاد: اكلتني بكشوري شبيك فوك ما شايله همها تتسجل غياب على شي تافه وهي تتصنع المرض والله يالله حير ببناتك انت عافته وكامت وهي تفر ب ايدها
ياسمين :باوعت لابوها.. بابا والله مريضه مدا اجذب
حتى تعال الزمني شلون جسمي حار
يوسف: سلامتج باباتي هسه طالع اني واجيبلج علاج قبل لا اروح للدوام كومي ارتاحي بغرفتج.. تقرب يمها باسها من راسها واخذ مفتاح سيارته وطلع
احمد: راح دك الباب على سعاد راد يفتحه لكا مقفول.. يمه ليش قافله الباب فتحي
سعاد: بعصبيه.. احمد روح ولي من يمي شتريد
احمد: همس بينه وبين روحه هسه هاي شلون اخذ منها فلوس وابويه عايف النار مشتعله ورايح استغفر الله فرك وجهة ورجع يحجي وياها... يمه حبيبتي فتحي الباب اروحلج فدوه أريدج بشغله
سعاد: فتحت الباب ومبينه من عيونها العصبيه تطلع... شتريد فضني
احمد: تقرب باس راسها.. شبيها الحلوه منو وياها
سعاد: فاتت كعدت ع جربايه.. منو يعني غير ابوك يحسسني اني اكرهكم وأريد مضرتكم
احمد: لايمه ابويه موقصده بس هو عصبي هل فتره بالشغل وهاي تقرب ندسها من جتفها.. بعد كم يوم شنو اكو؟
أنت تقرأ
الوقار
Romance_ الله يخليك لتعاقبني بهل اسلوب حرام عليك _دفع راسها... حرمت عليج عيشتج يا ادبسز _شتريد اسوي بس كول والله اسويلك كلشي بس عوفني حباب _ ضحك ب استهزاء.. تسوين كلشي _ تحجي ودموعها تنزل... والله اسوي اي شي تريده _كعد ع التخم ومدد رجله كدامها ع طاوله...
