خلك مثل طبعك جميل وتجمل وارحم حبيبً بالهوى كان مغليك..

بارت ١

في الديره وتحديدا نجد :
ابو سعود:
ياعيال قومو قامت عليكم الجن لاصلاه ولا عباده انتو بترفعون ضغطي شوفو الساعه كم الساعه قدهي بتجي ٧ وحنا مارحنا لحلالنا

العيال فزو كلهم
سعود : قمنا يبه قمنا وانت ياصقر بعد عني بعد
صقر : يالله صباح خير
سعود : ابك انت علامك حاط رجلك بطني تبيني اقوم اسطرك
صقر : ياليل انت الي علامك الناس يقومون على كلامم زين وذا يهاوش
سعود : انا اوريك طيب طيب ياصقير
ابو سعود : لا والله معاد فيكم حيا تهاوشون قدامي بعد
نياف : محشوم يبه ماعليك منهم روح وانا بنقوم نصلي
ابو سعود : اكيد بروح بقابل وجهك مثلا
صقر : مات ضحك على نياف وقال : مسوي يبي يزين الوضع وتسذا
سعود : قومو صلو بس
العيال كلهم قامو يتوضؤن ويصلون
ابو سعود : يام سعود جهزتي الفطور
ام سعود : اي جاهز جاهز
تجمعو على السفره كلهم وافطرو
ابو سعود : الحمدالله على النعمه يالله ياعيال ورانا الحلال مارحنا له
سعود : يبه انا بروح معك انا ونياف وصقر يقعد يدير المحل
ابو سعود : يالله اركبو بسرعه علي

نياف : سعود امش بسرعه
سعود : علامكً انت
نياف : خلنا نروح بدري عشان مشاري والعيال عندهم سمره اليوم وبنروح لهم
سعود : الله يبلشك انت والعيال
ابو سعود : ابك انتو وينكم
سعود : جينا يايبه جينا
راحو العزبه