خلك مثل طبعك جميل وتجمل وارحم حبيبً بالهوى كان مغليك..

بارت ٤

عند سعود   الساعه ٩ الصباح :
صلا الضحى واستخار وقعد يدعي وحس انه ارتاح وقال بقول لبوي اني موافق ورجع الديره

عند ابو عقاب :
قربو من مدخل الديره

سعود   وصل البيت واستقبله عن الباب عمه ونياف وسلم عليهم

ميعاد راحت تركض لميلاف وميهاف
ميهاف ضمت ميعاد ضمه مليئه بالحب كأنهم اطفال ماكأن اعمارهم بالعشرينات قعدو يناقزون من ٥ شهور ماشافو بعض

عند الرجال
سعود :   قال لبوه تعال بكلمك وطلعو برا
سعود : يبه انا استخرت ووافقت
ابو سعود : ايه هاذا ولدي الي اعرفه بكلم عمك وبقوله
ابوسعود وابو عقاب جلسو يتقهوون وياخذون علوم بعض
قال ابو سعود : انا جايك يابو عقاب وانشاءالله انك ماتردني
ابو عقاب : ان كاني اقدر عليه تبشر
ابو سعود : طالبين يد بنتك ميعاد لولدي سعود  
ابو عقاب والعيال انصدموً
ابو عقاب : بناخذ راي البنت ونرد لك خبر
ابو سعود : خذو راحتكم بس ترانا مستعجلين
ابو سعود : طلع هو وعقاب راحو ينادون ميعاد وامها ويشاورونهم
بالموضوع
ابو سعود : ميعاد ميعاد ام عقاب تعالوني
ام عقاب : خير جعله خير شبغيت
ابو عقاب : ميعاد وينهي فيه
ام عقاب : مع البنيت يسولفن
ابو عقاب : ناديها وتعالو لي بالمقلط
جت ميعاد وأمها
قال ابو عقاب : يابنيتي انت كبرتي وصرتي عروس
ميعاد : وشفيك ياباابا
ابو عقاب : ابو سعود خطبك لولده سعود
ميعاد انصعقت
وقالت  وههو يرجف لسانها : سعود ماغيره العصبي الكبير هذاك المعضل الي يخوفني يمه لاا
ابو عقاب : ياعيوني تراه طيب مره وحنون وهاذا نصيبك
ميعاد فكرت لو رفضت ابو سعود بيقطع علاقته بأبوها
ام عقاب : هاذا النصيب وهو ولد عمك اكيد بيخاف عليك ويحطك بعيونه
ميعاد : الله يكتب الي فيه الخير
ابو عقاب وعقاب ضموها وقالو مبروك يانور بيتنا ونور نجد.
ميعاد : الله يبارك فيكم

ابو عقاب وعقاب راحو عند ابو سعود
ابو عقاب : بنتنا لولدك يابو سعود
ابو سعود : خلاص نجيب الملاك بعد المغرب سعود  ونياف وعقاب انصعقو من سرعت ابوها واستعجاله
سعود سحب نياف وطلعو برا

سعود : راسي بينفجر ابوي ماصدق على الله وش ذاا الاستعجال

نياف : لاتلوم ابوي كلنا مو مصدقين انا تدري انا اسعد انسان بالدنيا اليوم
سعود : اههخ يانيافً جعلني ما افقد زولك كنت بهاوشك بس تجيني

ابو سعود : سعود رح جدد القهوه وعلم امك ان المملك بيجي بعد المغرب ترا ماعلمتها بأي شي

سعود   : ميهاف ياميهاففف
ميهاف : يمه بيذبحني
سعود : وراني اناديتسس وماتسمعيني
ميهاف : ميعاد حلقومها اطول منها وشسوي ماسمعت
سعود : خلي ميعاد تنفعتس بعدين
ميهاف : وشبغيت طيب
سعود : ججددي القهوه ونادي امي
سعود : ميهاف
ميهاف : هاه
سعود : تدرين اني خطبت
ميهاف صرخت : اما منننن
سعود : بنت عمي
ميهاف : ميعادوه
سعود : اييه
ميهاف : احس لا
سعود : لاتحسين لأننا بنملك بعد المغرب وعلمي امي والباقي
ميهاف : اما ابوي ليه مستعجل
سعود : اسأليه
سعود : عطيتس وجه ترا عطيني القهوه واذلفي
ميهاف : ماصدقت على الله تهدا
سعود تركها وراح